کورونا وبا دوسری لہر؛ قومی رابطہ کمیٹی کا اجلاس طلب ،اہم فیصلوں کا امکان

 اسلام آباد: کورونا وائرس وبا کے بڑھتے ہوئے پھیلاؤ کو روکنے کے اقدامات پر غور کے لیے  قومی رابطہ کمیٹی (این سی سی) کا اجلاس طلب کرلیا گیا ہے۔

وفاقی وزیر برائے منصوبہ بندی اسد عمر نے ایک ٹوئٹ میں بتایا کہ نیشنل کمانڈ اینڈ آپریشن سینٹر (این سی او سی) نے کورونا وائرس وبا کے پھیلاؤ میں دوبارہ سے آنے والی تیزی کی روک تھام کے لیے اقدامات پر غور کیا ہے۔

اسد عمر نے کہا کہ این سی او سی کی سفارشات قومی رابطہ کمیٹی کے کل (منگل کو) ہونے والے اجلاس میں پیش کی جائیں گی۔

NCOC discussed additional measures today to control the rising spread of Covid19. Recommendations will be tabled in the NCC being called for tomorrow. Need to take immediate measures which have the most impact on disease spread without curtailing economic activity

— Asad Umar (@Asad_Umar) November 2, 2020

ان کا کہنا تھا کہ بیماری کا پھیلاؤ روکنے کے لیے ایسے مؤثر اقدامات کرنا ضروری ہے جن کے نتیجے میں معاشی سرگرمیاں متاثر نہ ہوں۔

یہ خبر بھی پڑھیے: پاکستان میں کورونا کی دوسری شدید لہر شروع ہوگئی، ڈاکٹر فیصل سلطان

واضح رہے کہ گذشتہ ہفتے سے ملک میں ایک بار پھر کورونا وائرس کی وبا کے پھیلاؤ میں تیزی آگئی ہے۔ وزیر اعظم کے معاون خصوصی برائے صحت ڈاکٹر فیصل سلطان کا یہ بیان بھی سامنے آچکا ہے کہ پاکستان میں کورونا وائرس کی دوسری شدید لہر شروع ہوچکی ہے جس کے بعد یومیہ بنیادوں پر وائرس سے ہونے والی اموات ارو متاثرہ افراد کی تعداد میں مسلسل اضافہ ہورہا ہے۔

متعلقہ خبر: ملک میں کورونا کے وارمزید تیز، 12 افراد جان کی بازی ہارگئے

یاد رہے کہ این سی او سی نے 28 اکتوبر کو کورونا سے زیادہ متاثر ہونے والے ملک کے 11 شہروں کے لیے ہدایات جاری کرتے ہوئے ماسک پہننے کی پابندی اور کاروباری اوقات میں تبدیلی سمیت اہم ہدایات جاری کی گئی تھیں۔  ان شہروں میں کراچی، لاہور، اسلام آباد، راولپنڈی، ملتان، حیدرآباد، گلگت، مظفر آباد، میرپور، پشاور اور کوئٹہ شامل ہیں۔

The post کورونا وبا دوسری لہر؛ قومی رابطہ کمیٹی کا اجلاس طلب ،اہم فیصلوں کا امکان appeared first on ایکسپریس اردو.

from ایکسپریس اردو » پاکستان https://ift.tt/385tZBu