پیپلزپارٹی کے رہنماؤں کے حکومتی اتحادی جماعتوں سے رابطے

کراچی: پیپلز پارٹی کے رہنما آج ایم کیوایم قیادت سے ملاقات کریں گے جب کہ فنکشنل لیگ کی قیادت سے بھی رابطہ کیا گیا ہے۔ 

ایکسپریس نیوزکے مطابق پیپلزپارٹی کے رہنماؤں کی حکومتی اتحادی جماعتوں سے رابطوں میں تیزی دیکھنے میں آرہی ہے، اس حوالے سے ایم کیوایم پاکستان کی قیادت سے ملاقات شیڈول ہوگئی ہے۔

ذرائع کا کہنا ہے کہ پیپلزپارٹی کا وفد آج ایم کیوایم کے مرکز بہادرآباد کا دورہ کرے گا، وفد میں صوبائی وزیر تعلیم سعید غنی، بیرسٹر مرتضیٰ وہاب، وقار مہدی اور دیگر شامل ہوں گے۔

یہ بھی پڑھیں: پیپلزپارٹی اجلاس، اراکین نےاستعفوں کو نوازشریف کی وطن واپسی سے مشروط کردیا

دونوں جماعتوں کی جانب سے سینیٹ الیکشن، سیاسی صورتحال پر تبادلہ خیال کیا جائے گا، جب کہ دونوں جماعتوں کی قیادت مردم شماری نتائج پر بھی مشترکہ حکمت عملی کا جائزہ  لے گی۔

دوسری جانب ذرائع کا کہنا ہے کہ یپپلزپارٹی کی جانب سے فنکشنل لیگ کی قیادت سے بھی رابطہ کیا گیا ہے، جس میں سیاسی صورتحال، سینیٹ انتخابات اور دیگر اہم امور پر تبادلہ خیال کیا گیا۔ ذرائع کے مطابق پیپلزپارٹی کے رہنماؤں نے فنکشنل مسلم لیگ کی اعلیٰ قیادت سے ملاقات کی خواہش کا اظہار بھی کیا۔ دونوں جماعتیں مردم شماری، سندھ کے جزائر اور دیگر متنازعہ امور پر مشترکہ مؤقف کے لئے بات چیت کریں گی۔

 

The post پیپلزپارٹی  کے رہنماؤں کے حکومتی اتحادی جماعتوں سے رابطے appeared first on ایکسپریس اردو.

from ایکسپریس اردو » پاکستان https://ift.tt/3pAsoJq