کراچی میں بارش سے نقصانات پر ڈی ایچ اے اور کنٹونمنٹ بورڈ کیخلاف شدید احتجاج

کراچی میں بارش کی تباہی کاریوں اور نقصانات کے خلاف کلفٹن اور ڈیفنس کے مکینوں نے ڈیفنس ہاؤسنگ اتھارٹی (ڈی ایچ اے) اور کنٹونمنٹ بورڈ کلفٹن کے دفتر کے باہر شدید احتجاج کیا۔

مظاہرین کی بڑی تعداد نے سی بی سی کے خلاف نعرے بازی کی اور سی بی سی کی عمارت کے اندر داخل ہونے کی کوشش کی۔ تو پولیس کی بھاری نفری سی بی سی دفتر پہنچ گئی اور مظاہرین کو منتشر کرنے کیلیے لاٹھی چارج کیا۔

مظاہرین نے چیئرمین سی بی سی سے مستعفی ہونے کا مطالبہ کرتے ہوئے مزید ٹیکسز نہ دینے کا اعلان کیا۔ انہوں نے کہا کہ سی بی سی کے اکاؤنٹس کا آڈٹ کیا جائے اور شفاف تحقیقات کرکے رپورٹ سامنے لائی جائے، ساتھ ہی ساتھ شہریوں کے نقصانات کا ازالہ کیا جائے۔

#Karachi: Protest outside #DHA, #Clifton's Cantonment Board office. Charged mob is trying to enter #CBC office.

Crowd chanting "We won't pay anymore taxes"#KarachiFlood #KHIAlerts pic.twitter.com/knggkvL6Sd

— SherY (@SherySyed2) August 31, 2020

کراچی میں بارشوں سے ڈیفنس اور کنٹونمنٹ کے پوش علاقے بھی شدید متاثر ہوئے ہیں جہاں نالے اوور فلو ہوگئے اور نکاسی آب کے مناسب انتظامات نہ ہونے سے لوگوں کو شدید مشکلات اٹھانی پڑیں۔ ڈیفنس اور کلفٹن کے کئی علاقوں میں نہ صرف تاحال برساتی پانی کی نکاسی نہ ہوسکی بلکہ بجلی بھی بحال نہ ہوسکی۔

خیابان سحر ، خیابان شجاعت، ڈیفنس 22 اسٹریٹ ، 26 اسٹریٹ پر تاحال بارش کا پانی جمع ہے۔ بدر کمرشل اسٹریٹ پر بھی پانی جمع ہونے سے شہریوں کو مشکلات درپیش ہیں۔

Due to protest outside CBC Office, Khayaban e Rahat, Phase 6, please avoid this route.
Traffic is blocked due to protest and is being diverted.#Karachi #KhiAlerts Via @RohailRamzanAli pic.twitter.com/MVlEEeKL0I

— Karachi Traffic Updates (@KhiTraffic) August 31, 2020

The post کراچی میں بارش سے نقصانات پر ڈی ایچ اے اور کنٹونمنٹ بورڈ کیخلاف شدید احتجاج appeared first on ایکسپریس اردو.

from ایکسپریس اردو » پاکستان https://ift.tt/32ISBLZ