وزیراعظم کا عاشورہ پر فرقہ واریت پھیلانے والوں کیخلاف سخت کارروائی کا اعلان

 اسلام آباد: وزیراعظم عمران خان نے 10 محرم الحرام کے موقع پر فرقہ واریت پھیلانے کی کوشش کرنے والے عناصر کے خلاف سخت ایکشن لینے کا اعلان کیا ہے۔

وزیراعظم عمران خان نے ٹوئٹ کرتے ہوئے عاشورہ کو پر امن طریقے سے منانے پر قوم کا شکریہ ادا کیا۔ انہوں نے کہا کہ ملک بھر میں عاشورہ کو پر امن طریقے سے منانے پر میں قوم کا شکریہ ادا کرنا چاہتا ہوں، تاہم بدقسمتی سے مجھے اطلاع ملی ہے کہ کچھ عناصر نے اس موقع پر فرقہ واریت کی آگ کو بھڑکانے کی کوشش کی ہے۔

وزیراعظم عمران خان نے کہا کہ میں ایسے عناصر کے خلاف سخت کارروائی کروں گا۔

I want to thank our nation for the peaceful observing of Ashura in the country. However, unfortunately, information has come to me of elements who tried to ignite flames of sectarianism on this occasion and I will be taking very tough action against them.

— Imran Khan (@ImranKhanPTI) August 31, 2020

واضح رہے کہ گزشتہ روز کراچی میں ایم اے جناح روڈ پر بعض عناصر کی جانب سے فرقہ واریت پھیلانے کی کوشش کی گئی جس کے خلاف تھانے میں مقدمہ درج کرلیا گیا ہے اور ایک نجی ٹی وی کی نشریات کو معطل کردیا گیا ہے۔

The post وزیراعظم کا عاشورہ پر فرقہ واریت پھیلانے والوں کیخلاف سخت کارروائی کا اعلان appeared first on ایکسپریس اردو.

from ایکسپریس اردو » پاکستان https://ift.tt/3gR8ViV