حکمران ’سب اچھا ہے‘ کی بے حسی کی رپورٹ دے رہے ہیں، شہبازشریف

 لاہور: اپوزیشن لیڈرشہبازشریف کا کہنا ہے کہ حکمران ’سب اچھا ہے‘ کی بے حسی کی رپورٹ دے رہے ہیں۔

پاکستان مسلم لیگ (ن) کے صدراورقائد حزب اختلاف شہبازشریف نے بیان میں کہا کہ حکمرانوں کو معیشت اور عوام کی تکالیف کا کوئی علم ہے، عوام بھوکے اور بے روزگار ہیں، حکمران سب اچھا ہے کی بے حسی کی رپورٹ دے رہے ہیں ۔ عوام دو وقت کی روٹی کو ترس رہے ہیں، عوام کو آٹا، گندم، چینی، سبزیاں، خوردنی تیل، مرغی، دودھ، انڈے، ادویات اوردیگراشیائے ضروریہ کی قلت کا سامنا ہے۔

شہبازشریف نے کہا کہ اشیائے ضروریہ کی قیمتیں عوام کی پہنچ سے باہرہوچکی ہیں، حکمرانوں کے روز کرپشن سکینڈلز آئیں گے تو عوام کی روٹی روزانہ مہنگی ہی ہوگی ، آٹے کی قیمت میں 57 روپے فی کلو اضافہ ہوا ، یہ 73 فیصد اضافہ ہے، چینی کی قیمت 120 اور 130 تک گئی ہے،  100روپے یا 85 فیصد اضافہ چینی کی قیمتوں میں ہوا، دودھ کی قیمت میں 31 فیصد اضافہ ہوا، دودھ فی لٹر 108 روپے یا اس سے زائد قیمت پر فروخت ہورہا ہے۔

شہبازشریف نے کہا کہ عوام کی بنیادی ضرورت کی یہ اشیاء انتہائی مہنگے داموں فروخت ہورہی ہیں، اضافی گندم پیدا کرنے والے ملک میں آٹے کی فراہمی کو جو حکومت یقینی نہ بناسکے، اس کی کرپشن اور نااہلی کا اس سے بڑا ثبوت اور کیا ہوسکتا ہے؟۔

The post حکمران ’سب اچھا ہے‘ کی بے حسی کی رپورٹ دے رہے ہیں، شہبازشریف appeared first on ایکسپریس اردو.

from ایکسپریس اردو » پاکستان https://ift.tt/3i6CXDw