کلوروکوائن کورونا مریضوں کیلئے انتہائی نقصاندہ ہے، ڈرگ ریگولیٹری اتھارٹی

 اسلام آباد: ڈرگ ریگولیٹری اتھارٹی پاکستان نے کورونا کے مریضوں پر کلوروکوائن اوراس سے اخذ کردہ ایک اور دوا ہائیڈروکسی کلوروکوائن کے استعمال سے خبردار کرتے ہوئے اسے سخت مضر قرار دیدیا ہے۔

ڈرگ ریگولیٹری اتھارٹی پاکستان (ڈی آر اے پی) نے خبردار کیا ہے کہ کلورووکوائن اور ہائیڈروکسی کلوروکوائن کے انتہائی خطرناک سائیڈ افیکٹس ہیں جن میں گردوں کا نظام، جگر اور قلب کو شدید نقصان پہنچ سکتا ہے۔ اتھارٹی نے کہا ہے کہ اس کا استعمال جھٹکوں اور دوروں کی وجہ بنتا ہے اور خون میں شکر کی مقدار کو یکدم گھٹا سکتا ہے۔

اس بنا پر مجاز ادارے نے کورونا سے متاثر ہونے والے تمام افراد کو ازخود یہ دوا لینے سے بھی خبردار کیا ہے۔ یہ دونوں ادویاتی مرکبات ایک درخت سے حاصل کئے جاتے ہیں اورکونین کے شکل میں صدیوں سے ملیریا کے خلاف استعمال ہورہے ہیں۔ ان مرکبات میں کلوروکوائن (سی کیو) اور ہائیڈروکسی کلوروکوائن (ایچ سی کیو) سرِ فہرست ہیں۔

فرانس اور چین میں کووڈ 19 کے خلاف ان ادویہ کے بعض فوائد سامنے آئے تھے، اس کے بعد امریکی صدر ڈونلڈ ٹرمپ نے اسے ’خدا کا تحفہ‘ قرار دیا تھا۔

اس دوران خود امریکی ماہرین نے بھی صدر کو خبردار کرنے کی کوشش کی اور اس کی افادیت پر سوالات اٹھائے لیکن امریکی حکومت نے دنیا بھر سے کلوروکوائن اور ہائیڈروکسی کلوروکوائن وسیع مقدار میں خریدی اور جمع کرلی تھی۔

تاہم پاکستان میں بھی اس کے انتہائی منفی نتائج سامنے آئے ہیں، اس سے قبل حکومتِ پاکستان نے دوست ممالک کو کلوروکوائن کی فروخت کرنے کی اجازت دیدی تھی۔

واضح رہے کہ ذرائع ابلاغ اور طبی حلقوں میں بھی اس دوا کو کووڈ 19 کے مرض کے خلاف مؤثر قرار دیا جارہا تھا۔

The post کلوروکوائن کورونا مریضوں کیلئے انتہائی نقصاندہ ہے، ڈرگ ریگولیٹری اتھارٹی  appeared first on ایکسپریس اردو.

from ایکسپریس اردو » پاکستان https://ift.tt/2Wl6cpH

كورونا سے جو مزدور بے روزگار ہیں حكومت ان کی مشكلات كا ازالہ كرے گی، وزیراعلیٰ

کوئٹہ: وزیراعلیٰ بلوچستان جام کمال خان نے کہا کہ كورونا وائرس كی وجہ سے جو مزدور بے روزگاری كا سامنا كر رہے ہیں حكومت ان كی مشكلات كا ازالہ كرے گی۔

وزیراعلیٰ بلوچستان جام كمال خان نے یكم مئی پر مزدوروں كے عالمی دن كے حوالے سے اپنے ایک پیغام میں كہا ہے كہ اس دن كو منانے كا مقصد مزدوروں  كے لئے حق كی آواز بلند كرنا ہے، مزدور كسی بھی معاشرے اور ملک كی مجموعی معاشی اور اقتصادی ترقی میں كلیدی حیثیت ركھتے ہیں، جن ممالک نے صنعت كے میدان میں خاطر خواہ ترقی كی ان كی اس ترقی میں ان كے مزدوروں كے تعمیری كردار كو یقینا نظرانداز نہیں كیا جاسكتا۔

جام کمال خان نے کہا کہ ہمیں بھی ہنر مند ہیومن ریسورس اور بھرپور افرادی قوت ترقی كی راہ پر گامزن كرے گی، جو مزدور كسی فنی مہارت سے آشنا ہوتے ہیں وہ معاشرے كی تعمیر و ترقی كا جزو لازم بن جاتے ہیں۔

وزیراعلیٰ نے كہا كہ حكومت كورونا وائرس كی موجودہ صورتحال اور لاک ڈاؤن سے مزدور طبقہ كو درپیش معاشی مسائل سے نہ صرف بخوبی آگاہ ہے بلكہ انہیں ریلیف دینے كے لیے بھرپور اقدامات بھی كررہی ہے جن میں مزدورں اور محنت كشوں كو راشن اور روٹی كی فراہمی احساس پروگرام كے تحت رقوم اور صوبائی حكومت كے تحت چھوٹے پیمانے پر بلاسود قرضوں  كی فراہمی كا پروگرام بھی شامل ہے۔

انہوں نے كہا ہے كہ موجودہ صوبائی حكومت نہ صرف مزدوروں كے حقوق كی مؤثر ادائیگی میں كوشاں ہے بلكہ محنت كشوں  كا استحصال كرنے والوں كو كٹہرے میں بھی لائے گی اور تمام محنت كشوں  كے لیے یكساں مواقع اور ضروریات كی فراہمی كو ممكن بنائے گی، رنگ و نسل كو بنیاد بنا كر كسی بھی تفریق كی اجازت ہرگز نہیں دی جائے گی۔

جام کمال خان  نے كہا كہ حكومت تكنیكی تعلیم كی اہمیت سے بھی واقف ہے، صوبہ بھر كے پولی ٹیكنیک اداروں كو جدید خطوط پر استوار كیا جا رہا ہے جہاں جدید دنیا كے تقاضوں كو مدنظر ركھتے ہوئے نوجوانوں كو اعلی فنی مہارت سے آشنا كر كے ان كی صلاحیتوں كو مزید نكھارنا ہے كیونكہ دنیا میں تكنیكی مہارت سے آراستہ افرادی قوت كی طلب بہت زیادہ ہے۔

وزیراعلیٰ نے كہا كہ صوبائی حكومت ایسی لیبر پالیسی پر یقین ركھتی ہے جس میں تمام مزدوروں اور محنت كشوں كے جائز حقوق كا تحفظ یقینی ہو سكے وہ تمام لیبر یونین جو مزدوروں كے حقوق اور جدوجہد پر یقین ركھتی ہیں حكومت ان سے تعاون جاری ركھے گی، كورونا وائرس كی وجہ سے جو مزدور بے روزگاری كا سامنا كر رہے ہیں حكومت ان كے مشكلات كا ازالہ بھی كرے گی تاكہ كہ ایک فعال، مثبت اور تعمیری معاشرے كی تشكیل ہوسكے جہاں  تمام انسانوں كے لئے یكساں ضروریات زندگی دستیاب ہوں اور معاشرے میں تخریبی سوچ پروان نہ چڑھ سكے۔

The post كورونا سے جو مزدور بے روزگار ہیں حكومت ان کی مشكلات كا ازالہ كرے گی، وزیراعلیٰ appeared first on ایکسپریس اردو.

from ایکسپریس اردو » پاکستان https://ift.tt/2z0dmHI

خیبر پختون خوا میں 24 گھنٹے کے دوران کورونا سے 15 افراد جاں بحق

 پشاور: خیبر پختون خوا میں 24 گھنٹوں کے دوران مزید مزید 15 افراد کورونا وائرس سے 36 جاں بحق اور مزید 176 کیسز رپورٹ پوئے ہیں۔

صوبائی محکمۂ صحت کے مطابق جاں بحق افراد میں سے  10 پشاور، 2 نوشہرہ، 1 سوات، 1 بٹگرام اور 1 کوہاٹ سے تعلق رکھتے ہیں۔ جب کہ 36 افراد صحت یاب ہو گئےہوچکے ہیں۔ صوبے میں مصدقہ کیسز کی تعداد 2799 ہوچکی ہے۔ کورونا سے صوبے میں جاں بحق افراد کی تعداد 161 ہوچکی ہے۔ واضح  رہے کہ اب تک خیبر پختون خوا میں کورونا وائرس سے سب سے زیادہ اموات ہوئی ہیں۔

یہ بھی پڑھیے: پاکستان میں کورونا وائرس کے مریضوں کی تعداد 17ہزار611 ہوگئی، 406 اموات

دوسری جانب پاکستان میں عالمی ادارۂ صحت کے چیف آف مشن ڈاکٹر پیلیتا مہیپالا نے  پی ڈی ایم اے آفس کا دورہ کیا۔ اس موقعے پر ان کا کہنا تھا کہ قرنطینہ سنٹرز اور لاک ڈاؤن علاقوں میں تشخیص کی ضرورت ہے۔ ڈائریکٹر جنرل پی ڈی ایم اے نے انہیں کورونا وائرس سے متعلق اقدامات کے بارے میں میں تفصیلی بریفنگ دی۔

The post خیبر پختون خوا میں 24 گھنٹے کے دوران کورونا سے 15 افراد جاں بحق appeared first on ایکسپریس اردو.

from ایکسپریس اردو » پاکستان https://ift.tt/2VRVdoo

وزیر اعظم کچھ نہیں کرسکتے تو استعفی دیں اور گھر جائیں، بلاول بھٹو زرداری

 کراچی: چیئرمین پیپلز پارٹی بلاول بھٹو زرداری  نے کہا ہے کہ وزیراعظم اگر کام نہیں کر سکتے تو استعفی دے کر گھر جائیں ہمیں اپنا کام کرنے دیں۔

ایکسپریس نیوز کے مطابق کراچی میں پریس کانفرنس سے خطاب کرتے ہوئے چیئرمین پی پی نے وزیر اعظم عمران خان اور وفاقی حکومت کو کڑی تنقید کا نشانہ بناتے ہوئے کہا کہ وزیر اعظم کہتے ہیں ملک میں کورونا وائرس سے ہونے والی اموات کی شرح کم ہے میں ان سے پوچھنا چاہتا ہوں کہ وہ بتائیں کہ ان کی تسلی کتنی فیصد پر ہوگی۔ اللہ کاشکرہے ہمیں اٹلی،ایران ،یورپ جیسے حالات کا سامنا نہیں۔

ان کا کہنا تھا کہ ہم صرف اپنے لوگوں کی زندگی بچانا چاہتے ہیں ۔ وفاق کے خلاف ہم نے کوئی سازش نہیں کی۔ اگرپی ٹی آئی کوخطرہ ہے تو پی ٹی آئی ہی سے ہے۔ میں نے پہلے سیاسی اختلافات کو بالائے طاق رکھ کر مفاہمت کا ہاتھ ملایا لیکن اس کا غلط مطلب سمجھا گیا۔ کورونا وائرس میں سب سے زیادہ کام سندھ حکومت اور مراد علی شاہ نے کیا لیکن وفاقی وزرا ان پر الزام تراشی سے باز نہیں آئے۔ اب اگر وفاقی وزرا کی جانب سے تنقید کی گئی تو اس کا پورا جواب دیا جائے گا۔

ہمیں مل کر فیصلے کرناہیں اور ملک کی قیادت وزیراعطم نے کرنی ہے۔ صوبائی حکومت کا ایک سال کا ہیلتھ بجٹ ایک عالمی وبا پر قابو پانے کے لیے کافی نہیں۔ وزیراعظم الیکٹٹد ہویاسلیکٹڈ اس وقت معیشت کیلئے کام کرے۔عمران خان وزیراعظم بنیں ورنہ گھرجائے۔

The post وزیر اعظم کچھ نہیں کرسکتے تو استعفی دیں اور گھر جائیں، بلاول بھٹو زرداری appeared first on ایکسپریس اردو.

from ایکسپریس اردو » پاکستان https://ift.tt/2YmeMXB

نواز شریف کا علاج جاری ہے، کورونا کے باعث سرجری ملتوی ہوئی، مریم نواز

 لاہور: مسلم لیگ (ن) کی رہنما مریم نواز نے کہا ہے کہ ان کے والد اور پارٹی کے قائد نواز شریف کا علاج جاری ہے، ان کی کورونا کے باعث سرجری ملتوی ہوئی۔

ٹوئٹر پر صارف کی جانب سے نواز شریف کی صحت کی تازہ ترین صورتحال سے متعلق سوال کے جواب میں مریم نواز نے کہا کہ میاں صاحب کی سرجری کورونا کے باعث ملتوی ہوئی ہے۔ ڈاکٹرز کے مطابق وہ ہائی رسک مریض ہیں اس لیے ہر طرح کی احتیاط لازم ہے۔ ان کا علاج جاری ہے۔ آپ سب رمضان کریم کی خصوصی دعاوں میں انکو یاد رکھیں۔

مریم نواز نے کہا کہ آج ہم ان تمام افراد کو سلام پیش کرتے ہیں جن کا خون پسینہ ہماری زندگیوں کی روانی کا باعث ہے۔ کرونا کی وجہ سے سب سے زیادہ متاثر ہمارا مزدور طبقہ ہوا ہے۔رمضان کے بابرکت مہینے میں جب اللہ تعالی کی رحمتیں سمیٹنے کا وقت ہے تو نیکیوں میں سب سے عظیم نیکی مخلوق خدا کی تکلیف دور کرنا ہے۔

مریم نواز کا کہنا تھا کہ اللہ تعالی اپنے فضل و رحمت سے سب کواس مشکل سے نکالے، یہ دن میں ان لوگوں کے نام کرتی ہوں جو اس وبا کے دوران اپنے فرائض انجام دے رہے ہیں اور تکلیف میں مبتلا انسانیت کی خدمت کر رہے ہیں۔ آپ سب کو سلام!۔

The post نواز شریف کا علاج جاری ہے، کورونا کے باعث سرجری ملتوی ہوئی، مریم نواز appeared first on ایکسپریس اردو.

from ایکسپریس اردو » پاکستان https://ift.tt/2YnZLVa

وزیر اعظم کا نوجوانوں کولاک ڈاؤن میں اسلامی تاریخ کی کتاب پڑھنے کامشورہ

اسلام آباد: وزیراعظم عمران خان نے لاک ڈاؤن کے دوران نوجوانوں کو کتاب پڑھنے کا مشورہ دے دیا۔

وزیراعظم نے ٹوئٹر پر نوجوانوں کو فراس الخطیب پڑھنے کی تجویزدی اورکہا یہ مسلمانوں کی تاریخ سے متعلق زبردست کتاب ہے، کتاب میں مسلمانوں کےعروج اورزوال کی وجوہات کی داستان درج ہے۔

وزیراعظم نے ٹوئٹ کرتے ہوئے کہا بندشوں (لاک ڈاؤن) کےموسم میں ہمارے نوجوانوں کےمطالعےکے لیے ایک لاجواب انتخاب۔ یہ کتاب ان تاریخی عوامل کا نہایت خوبصورت مگر مختصر مجموعہ ہے جنہوں نے  تمدنِ اسلامی کو اپنے دور کی عظیم ترین تہذیب کی شکل دی اوران عوامل سےپردہ اٹھاتی ہے جو اس کے زوال کی وجہ بنے۔

A great read for our youth during lockdown days. An excellent brief history of the driving force that made Islamic civilisation the greatest of its time and then the factors behind its decline. pic.twitter.com/XdTSLFmIjj

— Imran Khan (@ImranKhanPTI) May 1, 2020

The post وزیر اعظم کا نوجوانوں کولاک ڈاؤن میں اسلامی تاریخ کی کتاب پڑھنے کامشورہ appeared first on ایکسپریس اردو.

from ایکسپریس اردو » پاکستان https://ift.tt/2ygn74B

مکمل لاک ڈاؤن کا فارمولا پاکستان سمیت کئی ممالک میں ناکام ہوگیا، وفاقی وزیراطلاعات

 اسلام آباد: وفاقی وزیراطلاعات سینیٹر شبلی فراز نے کہا ہے کہ مکمل لاک ڈاؤن کا فارمولا پاکستان سمیت کئی ممالک میں ناکام ہوگیا۔

وفاقی وزیراطلاعات سینیٹر شبلی فراز نے پریس کانفرنس کرتے ہوئے کہا کہ کورونا کا بوجھ سب سے زیادہ مزدور طبقے پر پڑا، کورونا کا بوجھ سب سے زیادہ مزدور طبقے پر پڑا۔

شبلی فراز نے کہا کہ احساس پروگرام کے تحت 200 ارب کا پیکیج دیا، چاہتے تو فنڈز کی تقسیم اپنی سیاسی پارٹی کے ذریعے کرتے لیکن ایسا نہیں کیا، ہم ایک شفاف میکنزم بنارہے ہیں، ہم نے کچھ انڈسٹریزکھولی ہیں لیکن ایس او پیزسخت بنارہے ہیں تاکہ کوئی نقصان نہ ہو۔

لاک ڈاؤن پر وفاقی اور سندھ میں اختلافات سے متعلق سوال کے جواب میں وزیراطلاعات نے کہا کہ 18ویں ترمیم کے بعد صوبے خود مختار ہیں اور وفاقی  حکومت صرف پالیسی گائیڈ لائن دے سکتی ہے، ہم نے توازن قائم کرنا ہے، ایک طریقہ تو یہ ہے کہ ہم سب کچھ بند کرکے گھروں میں بیٹھ جائیں، یہ والا فارمولا نہ صرف پاکستان بلکہ امریکا جیسے ممالک میں بھی ناکام ہوگیا ہے، سندھ حکومت کو بھی احساس ہوگیا ہے، ملک کی بقا انفرادی یا صوبائیت کی بنیاد پر نہیں بلکہ مل کر چلنے میں ہے۔

شبلی فراز کا کہنا تھا کہ کچھ لوگوں کا خیال تھا ملک میں مکمل لاک ڈاؤن ہوناچاہیے، لیکن اب صوبوں کو بھی احساس ہوگیا ہے کہ لاک ڈاؤن بارےسخت پالیسی نہیں اپنائی جاسکتی، پاکستان قرضوں میں ڈوبا ہوا ملک ہے، مکمل لاک ڈاوَن کرنے سے سپلائی چین مکمل نہیں ہوگی، ہم مکمل لاک ڈاؤن کے متحمل نہیں ہوسکتے، امیر لوگ تو گزارا کرلیں گے، لیکن غریب کیا کرے گا، وزیراعظم شروع سے ہی کہہ چکے ہیں کہ مکمل لاک ڈاؤن نہیں کرسکتے۔

وزیراطلاعات نے مزید کہا کہ موجودہ صورتحال میں وزیراعظم کو نئی ٹیم کی ضرورت تھی، انہیں اپنی ٹیم تبدیل کرنے کا حق ہے، وزیراعظم عمران خان کی وجہ سے سیاست میں ہوں، عمران خان سیاست میں نہ ہوتے تو میں بھی نہ ہوتا، ہم لوگوں کا ٹیم ورک ہے،عاصم باجوہ صاحب کی اپنی مہارت ہے،ہم مل کراورایک ٹیم بن کرکھیلیں گے۔

The post مکمل لاک ڈاؤن کا فارمولا پاکستان سمیت کئی ممالک میں ناکام ہوگیا، وفاقی وزیراطلاعات appeared first on ایکسپریس اردو.

from ایکسپریس اردو » پاکستان https://ift.tt/2VQC8TD

حکومت پٹرول اور ڈیزل کی قیمت 50 روپے فی لٹر کرے، شہبازشریف

 لاہور: مسلم لیگ (ن) کے صدر اور قائد حزب اختلاف شہبازشریف نے پٹرولیم مصنوعات کی قیمتوں میں کمی کو مسترد کرتے ہوئے کہا ہے کہ حکومت پٹرول اور ڈیزل کی قیمت 50 روپے فی لٹر کرے۔   

پاکستان مسلم لیگ (ن) کے صدر اور قائد حزب اختلاف شہبازشریف نے پٹرولیم مصنوعات کی قیمتوں میں کمی مسترد کرتے ہوئے کہا ہے کہ عالمی منڈی میں تیل کی قیمتوں میں کمی کا پورا فائدہ عوام کو منتقل نہیں کیا جارہا، عالمی منڈی میں قیمتوں میں کمی پر پاکستان نے تیل نہیں خریدا جس کی سزا اور خمیازہ عوام کو بھگتنا پڑ رہا ہے، حکومت پٹرول اور ڈیزل کی قیمت 50 روپے فی لٹر کرے۔

شہباز شریف نے کہا کہ عالمی منڈی سے انتہائی کم قیمت پر تیل نہ خریدنا حکومت کی مجرمانہ غفلت اور نالائقی ہے، 47 روپے فی لٹر پٹرول دینے کا وعدہ کرنے والے آج صارفین کو ان کا حق دینے پر تیار نہیں، پٹرول اور ڈیزل 50 روپے فی لٹر کرنے سے معاشی صورتحال میں بھی بہتری آسکتی ہے، پٹرول اور ڈیزل کی قیمتیں کم کرنے سے آٹا، دال، گھی، چینی اور دیگر اشیائے ضروریہ کی قیمتیں کم ہوسکتی ہیں۔

The post حکومت پٹرول اور ڈیزل کی قیمت 50 روپے فی لٹر کرے، شہبازشریف appeared first on ایکسپریس اردو.

from ایکسپریس اردو » پاکستان https://ift.tt/2z3On6c

یوم مزدور؛ صدر اور وزیراعظم کا کورونا سے متاثرہ محنت کش طبقہ کی مدد کا عزم

 اسلام آباد: صدر مملکت ڈاکٹر عارف علوی اور وزیراعظم عمران خان نے یوم مزدور پر کورونا سے شدید متاثر مزدور طبقہ کی ہر ممکن مدد کرنے کا عزم کیا ہے۔

وزیراعظم پاکستان نے یوم مزدور کے موقع پر پیغام میں کہا کہ یکم مئی ان مزدوروں کی قربانیوں کی یاد دلاتا ہے جنہوں نے اپنے حقوق کے لئے جانیں نچھاور کیں، یہ دن ملک کی معاشی ترقی کے لئے کارکنوں کی اہمیت کا اعتراف ہے، ہمارا مذہب سماجی انصاف اور لوگوں کے حقوق کے احترام کے اصولوں پر زور دیتا ہے، ترقی کے عمل میں محنت اور محنت کشوں کے حقوق کے اعتراف کا احترام انتہائی ضروری ہے۔

وزیراعظم عمران خان نے کہا کہ ملک میں کورونا کے پھیلاؤ نے لوگوں کی صحت پر سنگین اثرات مرتب کیے ہیں، صنعتی شعبہ کی بندش سے مزدور طبقہ پر براہ راست اثر پڑا ہے، وبائی بیماری سے مزدور طبقہ زیادہ متاثر ہواہے، حکومت مزدوروں کو بنیادی حقوق کی فراہمی اور فلاح و بہبود کے لئے پرعزم ہے۔

صدر مملکت ڈاکٹر عارف علوی نے اپنے پیغام میں کہا کہ کووڈ ۔19 کی وجہ سے پاکستان سمیت دنیا میں لاکھوں لوگ اس وبا کی وجہ سے بے روزگار ہوئے ہیں، حکومت لاک ڈاؤن کے باعث محنت کشوں اور دیہاڑی دار طبقہ کو درپیش مشکلات سے آگاہ ہے، فوری ریلیف دینے کی غرض سے احساس ایمرجنسی کیش ریلیف پروگرام شروع کیا ہے۔

عارف علوی نے کہا کہ صوبائی حکومتیں محنت کشوں کی بہبود اور حقوق کے تحفظ کے لئے اپنے کوششیں تیز کریں، حکومت محنت کشوں کی حالت سدھارنے کے لئے ہر ممکنہ اقدامات اٹھائے گی، پراعتماد ہوں کہ موجودہ حکومت کے دور میں محنت کشوں کے حقوق موثرطور پر محفوظ ہیں۔

The post یوم مزدور؛ صدر اور وزیراعظم کا کورونا سے متاثرہ محنت کش طبقہ کی مدد کا عزم appeared first on ایکسپریس اردو.

from ایکسپریس اردو » پاکستان https://ift.tt/3f7USpo

محکمہ موسمیات کی کراچی میں ہیٹ ویو کی پیش گوئی

 کراچی: محکمہ موسمیات نے شہر قائد میں 5مئی سے 8مئی تک ہیٹ ویو کی پیش گوئی کی ہے۔

محکمہ موسمیات نے کراچی میں ہیٹ ویو کی پیش گوئی کرتے ہوئے کہا ہے کہ 5 مئی سے 8 مئی تک ہیٹ ویو برقرار رہنے کاامکان ہے، تین دنوں کے دوران درجہ حرارت 40 ڈگری سے 42 ڈگری تک رہنے کی توقع ہے۔ محکمہ موسمیات کا کہنا ہے کہ ہیٹ ویو کے دوران سمندری ہوائیں دن کے اوقات میں معطل رہے گی جب کہ شہر میں متوازی سمت کی شمال مغربی سمت کی ہوائیں چلنے کا امکان ہے۔

The post محکمہ موسمیات کی کراچی میں ہیٹ ویو کی پیش گوئی appeared first on ایکسپریس اردو.

from ایکسپریس اردو » پاکستان https://ift.tt/3d5x17M

وزارت مذہبی امورکی اقلیتی کمیشن میں قادیانیوں کو شامل نہ کرنے کی تجویز

وزارت مذہبی امور نے اقلیتی کمیشن قائم کرنے کے لیے کابینہ ڈویژن کو سمری بھجوادی جس میں قادیانیوں کو کمیشن میں شامل نہ کرنے کی تجویز پیش کی گئی ہے۔

وزارت مذہبی امور کی جانب سے کابینہ ڈویژن کو بھجوائی گئی سمری کے مطابق 17 رکنی کمیشن میں 9 اقلیتی ارکان شامل ہوں گے۔ اسلامی نظریاتی کونسل کے سربراہ قبلہ ایاز بھی کمیٹی کے ممبر ہوں گے۔ کمیشن میں بادشاہی مسجد کے خطیب مولانا عبدالخبیر آزاد اور مفتی گلزار احمد نعیمی بھی شامل ہوں گے۔

سمری میں ہندو برادری کے تین ارکان جے پال چھابریا وشو راجہ قوی اور چلا رام کلوانی کا نام تجویز کیا گیا ہے، جب کہ چلا رام کلوانی کا نام کمیشن کے چیئرمین کے طور پر بھی تجویز کیا گیا ہے۔ سمری کے مطابق  کمیشن میں تین عیسائی ممبران سارہ صفدر، آرچ بشپ سباستان فرناس اور البرٹ ڈیوڈ کے نام شامل ہیں۔ سکھ برادری سے ممپال سنگھ اور سروپ سنگھ اور کالاش برادری سے داؤد شاہ کے نام شامل ہیں۔

اقلیتی کمیشن میں وزارت داخلہ وزارت قانون وزارت انسانی حقوق اور وزارت تعلیم کے گریڈ 20 کے افسران ممبران ہوں گے اس کے علاوہ وزارت مذہبی امور کے سیکریٹری بلحاظ عہدہ بھی کمیشن کے ممبر ہوں گے۔

The post وزارت مذہبی امورکی اقلیتی کمیشن میں قادیانیوں کو شامل نہ کرنے کی تجویز appeared first on ایکسپریس اردو.

from ایکسپریس اردو » پاکستان https://ift.tt/3f6OVsP

انڈس اسپتال کے 6 ڈاکٹرز میں کورونا وائرس کی تصدیق

کراچی: انڈس اسپتال کے 6 ڈاکٹرز میں کورونا وائرس کی تصدیق ہوگئی جب کہ متاثرہ ڈاکٹرز کو آئسولیشن کیلیے چھٹیاں دے دی گئی ہیں۔

انڈس اسپتال کے شعبہ حادثات میں کام کرنے والے 6 ڈاکٹرز میں کورونا وائرس کی تصدیق ہوگئی، سربراہ انڈس اسپتال ڈاکٹر عبدالباری کا کہنا تھا کہ متاثرہ ڈاکٹرز کو قرنطین کیلیے چھٹیاں دے دی گئی ہیں جبکہ متاثرہ ڈاکٹرز کے ساتھ رابطے میں رہنے والے طبی عملے کے بھی ٹیسٹ کروائے جائیں گے۔

اسپتال کا شعبہ حادثات مکمل طور پر فعال ہے، دن میں 2 بار ایمرجنسی اور مختلف آئسولیشن وارڈ میں ڈس انفیکشن اسپرے کیا جاتا ہے، جب سے کورونا وائرس کے کیسز آرہے ہیں دو مرتبہ ایمرجنسی میں فیومیگیشن اسپرے معمول کی بات ہے، ایمرجنسی سمیت تمام شعبوں میں کام معمول کے مطابق جاری ہے۔

انڈس اسپتال میں وائرس سے بچاؤ کی ہر ممکن تدابیر اختیار کی جارہی ہیں، تمام تر حفاظتی تدابیر کے باوجود طبی عملے کے متاثر ہونے کا خطرہ برقرار رہتا ہے۔

 

The post انڈس اسپتال کے 6 ڈاکٹرز میں کورونا وائرس کی تصدیق appeared first on ایکسپریس اردو.

from ایکسپریس اردو » پاکستان https://ift.tt/2YnTauc

آن لائن کاروبار کی اجازت؛ 5 ہزار دکانداروں نے کوائف کمشنر کو ارسال کردیے

کراچی: سندھ حکومت کی جانب سے آن لائن کاروبارکی اجازت کے بعد کراچی کے 5000 ہزار دکانداروں نے اپنے کوائف کمشنر ہاؤس کو ارسال کردیے۔

سندھ حکومت کی جانب سے آن لائن کاروبارکی اجازت کے بعد کراچی کے 5000 ہزار دکانداروں نے اپنے کوائف کمشنر ہاؤس کو ارسال کر دیے ہیں جن میں الیکٹرانکس مارکیٹ کے دکانداروں کی تعداد نمایاں ہے تاہم موبائل فون کا کاروبار کرنے والوں کا کہناہے کہ موبائل چھینے جانے کے خدشہ کی وجہ سے گھروں پر ڈیلیوری نہیں دے رہے اور گاہکوں کو مارکیٹ میں ہی بلا کر ڈیلیوری دینا مجبوری ہے جس میں مشکلات کا سامنا ہے۔

یادرہے کہ سندھ حکومت کی جانب سے آن لائن کاروبار کے لیے ہفتے میں3 روز مقرر تھے جن کے مطابق پیر تا جمعرات آن لائن کاروبار کیا جانا تھا پہلے ہفتے میں محدود تعداد میں تاجروں نے کوائف جمع کرائے، تاجروں کی سہولت کے لیے کمشنرکراچی نے ای میل کے ذریعے اجازت دینے اورکوائف جمع کرانے کی سہولت فراہم کی جس سے تاجروں کی مشکلات کم ہوئی ہیں۔

آل سٹی تاجر اتحادکے صدر شرجیل گوپلانی کے مطابق اب تک 5ہزار دکانداروں نے اجازت نامہ حاصل کیے ہیں جن میں سے زیادہ تر الیکٹرانک ڈیلرزاوردکاندارشامل ہیں، آل کراچی ماربل ایسوسی ایشن کے سینئر صدر محمد شعیب اسحاق نے بتایاکہ پاک کالونی اور منگھوپیر روڈ پر ماربل کی600 دکانیں اور شوروم ہیں جو ڈیڑھ ماہ سے بند ہیں حکومت نے تعمیراتی صنعت کو سرگرمیوں کو اجازت دی ہے اور ماربل تعمیراتی میٹریل کا اہم حصہ ہے اس لیے اب سندھ حکومت کی آن لائن کاروبار کی سہولت سے فائدہ اٹھانے کے لیے ایسوسی ایشن نے ماربل کی آن لائن ٹریڈ کا فیصلہ کیا ہے۔

انھوں نے بتایا کہ اب تک 100دکانوں میں ایس او پی کے مطابق اقدامات کرکے اجازت ناموں کے لیے کوائف کمشنر ہاؤس کو بذریعہ ای میل ارسال کردی گئی ہیں جن کا جواب آنا شروع ہوگیا ہے اور پیر سے 100کے قریب دکانیں آن لائن کاروبار شروع کردیں گی جن میں بتدریج اضافہ ہوگا، ایس او پی پر عمل درآمد کی نگرانی خود ماربل ایسوسی ایشن کرے گی تاکہ کرون اکی وباسے دکانداروں اور گاہکوں کو محفوظ رکھا جاسکے۔

موبائل مارکیٹ کے چھوٹے دکانداروں کا کہنا تھا کہ دکانداروں اور گاہکوں کی اکثریت آن لائن کاروبار سے واقفیت نہیں رکھتی بالخصوص چھوٹے دکاندار ان جانے گاہکوں پر بھروسہ کرکے موبائل فون ان کے مطلوبہ مقام پر پہنچانے میں عدم تحفظ کا شکار ہیں۔

 

The post آن لائن کاروبار کی اجازت؛ 5 ہزار دکانداروں نے کوائف کمشنر کو ارسال کردیے appeared first on ایکسپریس اردو.

from ایکسپریس اردو » پاکستان https://ift.tt/2YmmLUM

دہشت گردی کیخلاف جنگ، پختونخوا کو آئندہ سال 59 ارب ملیں گے

پشاور: خیبرپختونخوا کو آئندہ مالی سال 2020-21 ء کیلیے دہشتگردی کیخلاف جنگ کے نام پر خطیر رقم ملے گی جو 59 ارب سے زائد رہنے کا امکان ہے۔

نیا قومی مالیاتی ایوارڈ جاری نہ ہونے کے باعث خیبرپختونخوا کو آئندہ مالی سال 2020-21 ء کیلیے بھی ساتویں این ایف سی ایوارڈ کے تحت دہشتگردی کیخلاف جنگ کے نام پر خطیر رقم ملے گی جو 59 ارب سے زائد رہنے کا امکان ہے۔

خیبرپختونخوا کو 2010ء میں جاری ہونے والے ساتویں این ایف سی ایوارڈمیں اس وقت کی پیپلزپارٹی کی حکومت نے مجموعی قومی وسائل کا ایک فیصد حصہ دہشت گردی کے خلاف جنگ میں ہونے والے نقصانات کو پورا کرنے کے لیے دینے کا سلسلہ شروع کیاتھا اور یہ فیصلہ ہواتھا کہ ساتویں این ایف سی ایوارڈ کی مدت ختم ہونے تک یہ سلسلہ جاری رہے گا تاہم ساتویں این ایف سی ایوارڈ کی آئینی مدت 2015ء میں مکمل ہونے کے باوجود نہ تو آٹھواں قومی مالیاتی کمیشن اور نہ ہی نواں کمیشن اپنا کام کرسکا۔

 

The post دہشت گردی کیخلاف جنگ، پختونخوا کو آئندہ سال 59 ارب ملیں گے appeared first on ایکسپریس اردو.

from ایکسپریس اردو » پاکستان https://ift.tt/2VQvhJZ

بخت ٹاور کی اسٹوری آج سامنے آئی،98ء میں بینظیر نے یہ زمین خریدی

کراچی: سندھ اسمبلی میں قائد حزب اختلاف فردوس شمیم نقوی نے کہا ہے کہ بخت ٹاور کی اسٹوری آج سامنے آئی ہے، 1998 میں بینظیر بھٹو نے یہ زمین رخسانہ اور شبنم بھٹو سے خریدی۔

قائد حزب اختلاف فردوس شمیم نقوی نے کہا ہے کہ بخت ٹاور کی اسٹوری آج سامنے آئی ہے، 1998 میں بینظیر بھٹو نے یہ زمین رخسانہ اور شبنم بھٹو سے خریدی، بینظیر بھٹو نے خط لکھا کہ یہ زمین میرے نام کرائی جائے، ساتھ ہی انور مجید نے خط لکھا کہ یہ زمین میرے نام کی جائے، محترمہ نے کہا تھا کہ میری سیاست سے آصف زرداری کا کوئی تعلق نہیں، بعد میں پرچی آئی اور زرداری بھٹو بن گئے۔

انہوں نے کہا کہ ریجنٹ سروس کمپنی ایک بے نامی کمپنی ہے، اس بے نامی کمپنی میں حسین لوائی کو 950 ملین میں بیچا گیا، لوائی صاحب نے اسی بلڈنگ کے اندر تین منزلیں بھی خریدلیں، آج شبنم ناہید بھٹو کون ہیں اور کہاں ہیں، پی پی بتائے آج وہ لوگ کہاں گئے، ہم نے بات سنی کہ وہ روڈ حادثے میں مرگئیں، اس کی کوئی تفتیش نہیں ہوئی،مرتضیٰ بھٹو اور ناہید شبنم کا مرنا عجب کہانی ہے،دال میں کچھ کالا نظر آرہا ہے۔

انصاف ہاؤس میں پریس کانفرنس سے خطاب کرتے ہوئے فردوس شمیم نقوی نے مزید کہا کہ کورونا وائرس اتنی تیزی سے نہیں پھیلا جتنی تیزی سے اومنی کو قرضے دیے گئے، سمٹ بینک کو بھی سندھ بینک پر چپکایا جارہا تھا، پاکستان کے کسی گروپ کو اتنا قرضہ آج تک نہیں دیا گیا، 2008 میں اومنی گروپ کے پاس 6 کمپنیاں تھی،2018 تک 83 کمپنیاں ہوگئی۔

 

The post بخت ٹاور کی اسٹوری آج سامنے آئی،98ء میں بینظیر نے یہ زمین خریدی appeared first on ایکسپریس اردو.

from ایکسپریس اردو » پاکستان https://ift.tt/3bRpx8s