پاکستان میں بہت جلد مقامی سطح پر وینٹی لیٹرز تیار ہوسکیں گے

پی ای سی نے ملک میں مقامی سطح پر تیارکردہ میکینیکل وینٹی لیٹرز کی فاسٹ ٹریک ٹیسٹ کی تیاری کیلئے باضابطہ گائیڈ لائنز تیار کرلی

پاکستان انجینئرنگ کونسل نے ملک میں مقامی سطح پرتیارکردہ میکینیکل وینٹی لیٹرز کی فاسٹ ٹریک ٹیسٹ کی تیاری کیلئے باضابطہ گائیڈ لائنز تیار کرتے ہوئے منظوری کیلئے ڈرگ ریگولیٹری اتھارٹی کو ارسال کردی۔

گائیڈ لائنز کے مطابق فاسٹ ٹریک ایکسپٹنس ٹیسٹ کی تیاری کیلئے ٹیکینیکل کمیٹی تشکیل دیدی ہے۔ ٹیکنیکل کمیٹی میں میڈیکل،و کریٹیکل کیئر ایکسپرٹ کے علاوہ بائیو میڈیکل و پروفیشنل انجینئرنگ ایکسپرٹ شامل ہیں۔ گائیڈ لائنز کے مطابق پی ای سے نے میکینیکل وینٹی لیٹرز کی فاسٹ ٹریک ٹیسٹ کی تیاری کیلئے دو ٹیمیں تشکیل دی ہے ابتدائی ٹیم میں میڈیکل،و کریٹیکل کیئر ایکسپرٹ شامل ہیں جس میں ملک کے ٹاپ سول و ملٹری ہسپتالوں کے کارڈیالوجسٹ، انستھیزیسٹ و انتہائی نگہداشت کے ماہرین شامل ہیں جب کہ دوسری ٹیم بائیو میڈیکل و پروفیشنل انجینئرنگ ایکسپرٹ پر مشتمل ہیں۔

دوسری ٹیم میں چیئرمین پی ای سی کے علاوہ ملک کے ٹاپ سول و ملٹری انجینئرز بھی اس میں شامل ہیں، گائیڈ لائنز کے مطابق کمیٹی مقامی طور پر تیار شدہ وینٹی لیٹرز کی جانچ پڑتال کرے گی جسے بعد ازاں منظوری کیلئے ڈریپ کو بھیجا جائے گا۔ گائیڈ لائزن کے مطابق پی ای سی کی جانب سے پیش کردہ گائیڈ لائن کے طریقہ کار کی چھ ماہ بعد از سر نو جائزپ لینے کی تجویز بھی دی ہے۔

The post پاکستان میں بہت جلد مقامی سطح پر وینٹی لیٹرز تیار ہوسکیں گے appeared first on ایکسپریس اردو.

from ایکسپریس اردو » پاکستان https://ift.tt/34sxCxa