لاہور ہائیکورٹ نے کورونا وائرس سے بچاؤ کیلئے ڈاکٹروں کو حفاظتی آلات کی عدم فراہمی سے متعلق درخواست مسترد کردی۔
ہائی کورٹ نے غیر ضروری درخواست دائر کرنے والے ڈاکٹروں کی درخواست جرمانے کیساتھ خارج کرتے ہوئے محکمہ صحت کو بدنامی کا سبب بننے والے ڈاکٹروں کیخلاف قانون کے مطابق کارروائی کرنے کی اجازت بھی دے دی۔
چیف جسٹس لاہور ہائیکورٹ جسٹس محمد قاسم خان نے ڈاکٹر زوہیب سمیت دیگر کی درخواست پر تحریری حکم جاری کرتے ہوئے کہا کہ ڈاکٹر زوہیب سمیت دیگر نے بدنیتی کی بنیاد پر درخواست دائر کی، ڈاکٹروں نے ٹھوس وجوہات کے بغیر سستی شہرت حاصل کرنے کی کوشش کی، ایسی بلاجواز درخواست بازی کرنے سے اگر محکمہ صحت کی بدنامی ہوئی ہے تو مجاز حکام درخواست گزار ڈاکٹروں کیخلاف کارروائی بھی کر سکتے ہیں۔
تحریری حکم میں کہا گیا کہ ہماری حکومت اس ان دیکھی وباء کیخلاف اپنے دستیاب وسائل کیساتھ نبرد آزما ہے، حکومتی اقدامات کے باوجود کوئی حکم جاری کرنا ناانصافی ہو گی، درخواست گزار ڈاکٹروں نے کرونا مریضوں کی وارڈز میں ڈیوٹی کرنے سے متعلق غلط بیانی کی، سرکاری وکیل نے درخواست گزار ڈاکٹروں کی کرونا سے متعلق وارڈ میں ڈیوٹی نہ ہونے کا جواب جمع کروایا۔
The post کورونا آلات کی عدم فراہمی سے متعلق ڈاکٹرز کی درخواست جرمانے کیساتھ خارج appeared first on ایکسپریس اردو.
from ایکسپریس اردو » پاکستان https://ift.tt/2S7gDeZ
No comments:
Post a Comment
plz do not enter any spam link in the comment box