آسام میں مسلمانوں پر بہیمانہ تشدد؛ بھارتی ناظم الامور کی دفتر خارجہ طلبی

 اسلام آباد: آسام میں مسلمانوں پر تشدد کے معاملے پر بھارتی ناظم الامور کو دفتر خارجہ طلب کیا گیا ہے۔

بھارتی ریاست آسام میں مسلمانوں پر وحشیانہ بربریت کے معاملے پر پاکستان میں متعین بھارتی ناظم الامور کو دفتر خارجہ طلب کیا گیا۔ پاکستان نے آسام میں مسلمانوں پر مظالم پر گہری تشویش کا اظہار کیا۔

ترجمان دفتر خارجہ کا کہنا ہے کہ آسام میں مسلمانوں کو نشانہ بنانے پر شدید تشویش ہے، آسام میں مسلمان باشندوں کے خلاف وحشیانہ بے دخلی مہم کا آغاز تشویشناک ہے، پولیس کے ہاتھوں غیر مسلح شخص کا قتل کیا گیا۔

ترجمان نے کہا کہ سکیورٹی فورسز کی موجودگی میں متعدد افراد نے لاش کی بے حرمتی کی، نہتے شخص کے قتل اور لاش کی بے حرمتی کی ویڈیو ناقابل یقین حد تک دھچکہ ہے۔

What protocol orders firing to the chest of a lone man coming running with a stick ⁦@DGPAssamPolice⁩ ⁦⁦⁦@assampolice⁩ ? Who is the man in civil clothes with a camera who repeatedly jumps with bloodthirsty hate on the body of the fallen (probably dead) man? pic.twitter.com/gqt9pMbXDq

— Kavita Krishnan (@kavita_krishnan) September 23, 2021

خیال رہے کہ گزشتہ روز آسام میں مسلمانوں کے گاؤں میں انسداد تجاوزات آپریشن کے دوران بھارتی پولیس نے تشدد کر کے 2 افراد کو شہید جبکہ 20 کو زخمی کردیا تھا۔ پولیس اہلکاروں کی مسلمانوں پر تشدد کی ویڈیو سوشل میڈیا پر وائرل ہوگئی جس پر لوگوں نے بھارتی حکومت کے اس اقدام کی شدید الفاظ میں مذمت کی۔

The post آسام میں مسلمانوں پر بہیمانہ تشدد؛ بھارتی ناظم الامور کی دفتر خارجہ طلبی appeared first on ایکسپریس اردو.

from ایکسپریس اردو » پاکستان https://ift.tt/3zz9S8R