کراچی میں ریسٹورنٹ میں نوجوان کی پراسرار ہلاکت کا مقدمہ درج

 کراچی: پولیس نے ریسٹورنٹ میں نوجوان کی پراسرار ہلاکت کا مقدمہ درج کر کے تحقیقات شروع کردیں۔

ایکسپریس نیوز کے مطابق 27 جون کو گلشن اقبال گلزار ہجری میرٹھ سوسائٹی کا رہائشی 20 سالہ یوشا رضوان اپنی اہلیہ کے ساتھ فاسٹ فورڈ ریسٹورنٹ میں کھانا کھاتے ہوئے دم توڑ گیا تھا، پولیس نے نوجوان کی پراسرار ہلاکت کا مقدمہ درج کر کے تحقیقات کا آغاز کردیا ہے۔ مقتول کے رشتے داروں کا کہنا ہے کہ واقعے کے بعد یوشا رضوان کو گلشن اقبال نجی اسپتال لے گئے جہاں ڈاکٹروں نے اس کی موت کی تصدیق کردی۔

بعد ازاں ورثا نوجوان کی لاش کو جناح اسپتال لے گئے جہاں اس کا پوسٹ مارٹم کیا گیا، پوسٹ مارٹم کے بعد لاش ورثا کے حوالے کردی جب کہ سمپیل گلشن اقبال پولیس  کے حوالے کردیے گئے۔ پوسٹ مارٹم رپورٹ کی روشنی میں پولیس نے فوری طور قتل کا مقدمہ مقتول کے والد رضوان شفیق کی مدعیت میں نامعلوم ملزمان کے خلاف درج کرلیا، پولیس نے سمپیل لیبارٹری بھیج دیے تاکہ موت کی اصل وجہ سامنے آسکے۔

مقتول کے ورثا نے فاسٹ فورڈ ریسٹورنٹ میں جاکر معلومات حاصل کی تو ریسٹورنٹ کے عملے نے بتایا کہ یوشا رضوان واقعے کے دن ریسٹورنٹ میں آیا تھا، اس نے کھانے کا آڈر دیتے ہوئے کہا کہ کار میں اس کی اہلیہ بیٹھی ہے وہ کھانے کی ڈیلیوری کار میں کار دیں، ہم نے کہا کہ ہمارے پاس اس وقت ویٹرز موجود نہیں، آپ دس منٹ بعد آکر اپنا آڈر لے جائیں جس کے کچھ دیر بعد وہ آکر آڈر لے کر چلا گیا، اس کے بعد ہمیں نہیں معلوم کیا ہوا۔

جب کہ مقتول کے رشتے داروں کا کہنا ہے کہ یوشا رضوان نے اپنی اہلیہ کے ساتھ کار میں کھانا شروع کیا تو اسے اچانک کھانسی شروع ہوگئی اس نے اپنی اہلیہ سے پانی مانگا تاہم اسی دوران اس کا انتقال ہوگیا۔ پولیس نے مقدمہ درج ہونے کے بعد تفتیش کا داہرہ وسیع کردیا۔ پولیس نے فاسٹ فورڈ ریسٹورنٹ اور دیگر افراد کے بیانات قلمبند کرنا شروع کردیے۔

ذرائع کا کہنا ہے کہ یوشا رضوان کو کھانے میں زہر دیا گیا ہے جس سے اس کی موت واقعے ہوئی، پولیس ہر پہلو سے تفتیش کر رہی ہے۔

The post کراچی میں ریسٹورنٹ میں نوجوان کی پراسرار ہلاکت کا مقدمہ درج appeared first on ایکسپریس اردو.

from ایکسپریس اردو » پاکستان https://ift.tt/3h8ZwGO

حکومت نے پیٹرول کی قیمت میں ایک بار پھر اضافہ کردیا

 اسلام آباد: وزیراعظم نے پیٹرول کی قیمت میں 2 روپے فی لیٹر اضافے کی منظوری دے دی۔

ایکسپریس نیوز کے مطابق اوگرا کی جانب سے پیٹرول کی قیمت میں 6 روپے 5 پیسے فی لیٹر اضافے کی تجویز دی گئی تھی تاہم وزیراعظم عمران خان نے پیٹرول کی قیمت میں 2 روپے فی لیٹر اضافے کی منظوری دے دی۔

وزیراعظم نے ڈیزل کی فی لیٹر قیمت میں بھی ایک روپیہ 44 پیسے اضافے کی منظوری دی۔

واضح رہے کہ 15 جون کو بھی پیٹرول کی قیمت میں 2 روپے 13 پیسے جب کہ لائٹ ڈیزل کی قیمت میں 2 روپے 3 پیسے اضافہ کیا گیا تھا۔ اس طرح ہائی اسپیڈ ڈیزل کی قیمت میں 1 روپے 79 پیسے اور مٹی کے تیل کی قیمت میں 1 روپے 89 پیسے فی لٹر اضافہ کیا گیا تھا۔

The post حکومت نے پیٹرول کی قیمت میں ایک بار پھر اضافہ کردیا appeared first on ایکسپریس اردو.

from ایکسپریس اردو » پاکستان https://ift.tt/3dpKGt9

پارلیمانی کمیٹی برائے قومی سلامتی کا اجلاس کل ہوگا

 اسلام آباد: پارلیمانی کمیٹی برائے قومی سلامتی کا ان کیمرہ اجلاس کل پارلیمنٹ میں ہوگا۔

ایکسپریس نیوز کے مطابق اجلاس کی صدارت اسپیکر قومی اسمبلی اسد قیصر کریں گے، اجلاس میں اپوزیشن لیڈر شہباز شریف، چیئرمین پیپلزپارٹی بلاول بھٹو زرداری، مولانا اسد محمود، میر حیدر ہوتی، پرویز خٹک،  شیخ رشید، فواد حسین سمیت 29 ارکان شرکت کریں گے۔

ان کیمرہ اجلاس میں افغانستان کی صورتحال، امریکی فوج کے انخلا اور اس کے بعد کی صورتحال، بھارت اور مقبوضہ کشمیر کی صورتحال پر بریفنگ دی جائے گی۔ ڈی جی آئی ایس آئی پارلیمانی کمیٹی کو بریفنگ دیں گے۔

ذرائع کے مطابق ان کیمرہ اجلاس میں ملک کی داخلی صورتحال پر بھی بریفنگ دی جائے گی۔ پارلیمانی کمیٹی برائے قومی سلامتی کے اجلاس میں پارلیمانی جماعتوں کے نمائندے شرکت کی دعوت دے دی گئی ہے۔

The post پارلیمانی کمیٹی برائے قومی سلامتی کا اجلاس کل ہوگا appeared first on ایکسپریس اردو.

from ایکسپریس اردو » پاکستان https://ift.tt/3duxiDQ

كوئٹہ میں مرغی كا گوشت پھر مہنگا

كوئٹہ میں برائلر مرغی كا گوشت ایک با رپھر مہنگا ہوگیا اور فی کلو 330 روپے فروخت ہونے لگا۔

کوئٹہ میں مرغی کے گوشت کی قیمتوں میں پھر سے اضافہ ہوگیا، فی کلو گوشت 250 روپے سے بڑھ کر 330 روپے میں فروخت کیا جارہا ہے جب کہ پولٹری ایسوسی ایشن كے مطابق مال لاہور اور كراچی سے مہنگا آرہا ہے جس كی وجہ سے انہیں  نرخ بڑھانے پڑے۔

دوسری جانب شہریوں كا كہنا ہے كئی ماہ سے پولٹری كے نرخ بڑھے ہوئے ہیں اور انہیں مہنگے داموں  مرغی كا گوشت فروخت كیا جارہا ہے، كوئی بھی انہیں پوچھنے والا نہیں ہے ضلعی حكومت بھی اس جانب كوئی ایكشن لینے كو تیار نہیں جب كہ جس طرح سے نرخ كم كرنے كے لئے پیر كے روز ناغہ كا اعلان كیا گیا تھا وہ بھی ہوا میں اڑا دیا گیا۔

The post كوئٹہ میں مرغی كا گوشت پھر مہنگا appeared first on ایکسپریس اردو.

from ایکسپریس اردو » پاکستان https://ift.tt/3hjx2c1

ممتازعالم دین مولانا عبداالرزاق اسکندر انتقال فرماگئے

 کراچی: دینی تعلیم اور مدارس دینیہ سے وابستہ معروف شخصیت اورجامعۃ العلوم الاسلامیہ علامہ بنوری ٹاؤن کے مہتمم اور شیخ الحدیث مولانا ڈاکٹر عبدالرزاق اسکندر بدھ کو کراچی کے نجی اسپتال میں علالت کے بعد انتقال کرگئے۔

46 برس سے حدیث پڑھانے والے مولانا ڈاکٹرعبدالرزاق اسکندر نے اپنی عمر کے 71 برس دین کی تعلیم میں گزارے۔ انہوں نے مدینہ یونیورسٹی اور مصر کی جامعہ الازہر سے بھی تعلیم حاصل کی۔ اور 1976میں ڈاکٹریٹ کی ڈگری حاصل کی۔

مولانا ڈاکٹر عبدالرزاق اسکندرجامعۃ العلوم الاسلامیہ علامہ بنوری ٹاؤن کراچی کے رئیس اور شیخ الحدیث ہونے کے علاوہ دینی مدارس پرمشتمل وفاق المدارس العربیہ پاکستان اوراقراء روضۃ الاطفال ٹرسٹ پاکستان کے صدراور عالمی مجلس تحفظ ختم نبوت پاکستان کے تاحیات مرکزی امیررہے۔ نماز باجماعت کی پابندی، تلاوتِ قرآن کریم، ذکرِ الٰہی، صلہ رحمی، اصلاح ذات البین، محبت و شفقت، اور ضعفاء کی خبرگیری آپ کے خصوصی اوصاف تھے۔

ڈاکٹرعبد الرزاق اسکندر1935ء کوضلع ایبٹ آباد کے گاؤں کوکل کے ایک دینی گھرانے میں پیدا ہوئے۔ قرآن کریم کی تعلیم اور میٹرک تک دنیاوی فنون گاؤں میں حاصل کیے۔ اس کے بعد ہری پور کے مدرسہ دارالعلوم چوہڑ شریف میں 2 سال، اور احمد المدارس سکندر پور میں 2 سال علم حاصل کیا۔ 1952ء میں مفتئِ اعظم پاکستان مفتی محمد شفیع رحمہ اللہ تعالیٰ کے مدرسہ دارالعلوم نانک واڑہ کراچی میں درجہ رابعہ سے درجہ سادسہ تک تعلیم حاصل کی۔

درجہ سابعہ و دورۂ حدیث کے لیے محدّث العصر علامہ سید محمّد یوسف بَنُوری رحمۃ اللہ علیہ کے مدرسہ جامعۃ العلوم الاسلامیہ علامہ بنوری ٹاؤن میں داخلہ لیا، اور 1956ء میں فاتحۂِ فراغ پڑھا۔ اس کے بعد آپ نے 1962ء میں جامعہ اسلامیہ مدینہ منوّرہ میں داخلہ لے کر چار سال علومِ نبویہ حاصل کیے۔ 1972ء میں جامعہ الازہر مصرمیں داخلہ لیا، اور چار سال میں دکتورہ مکمل کیا، جس میں عبداللہ بن مسعود رضی اللہ عنہ امام الفقہ العراقی کے عنوان سے مقالہ سپردِ قلم فرمایا۔

دارالعلوم نانک واڑہ میں دورانِ تعلیم ہی عمدہ استعداد و صلاحیت کی بناء پرکراچی میں لیبیا و مصر کی حکومتوں کے تعاون سےعربی زبان سکھانے کے لیے مختلف مقامات پر ہونے والی تربیتی نشستوں میں پڑھایا، علاوہ ازیں بَنُوری ٹاؤن میں درسِ نظامی کی تکمیل سے پہلے ہی حضرت بَنُوری رحمۃ اللہ علیہ نے آپ کی صلاحیتوں کو جانچتے ہوئے اپنے مدرسہ کا استاد مقرر فرمایا۔

ظاہری علوم کی تکمیل کے علاوہ آپ کی باطنی تربیت میں بھی شیخ بَنُوری کا سب سے زیادہ حصہ تھا۔ علاوہ ازیں حضرت شیخ الحدیث مولانا محمّد زکریا کاندہلوی اور حضرت ڈاکٹر عبدالحئ عارفی کی صحبت سے مستفید ہوئے، اور حضرت مولانا محمّد یوسف لدھیانوی شہید اور حضرت مولانا سرفراز خان صفدر رحمہما اللہ تعالیٰ سے اجازتِ بیعت و خلافت حاصل ہوئی۔

1977ء میں انتظامی صلاحیتوں کے اعتراف میں جامعہ ناظمِ تعلیمات مقرر ہوئے۔ 1997ء میں مولانا ڈاکٹر حبیب اللہ مختار شہید کی شہادت کے بعد رئیس الجامعۃ کے لیے آپ کا انتخاب ہوا اور 2004ء میں مفتی نظام الدین شامزئی کی شہادت کے بعد شیخ الحدیث کے مسند نشین بنے یہ دونوں ذمہ داریاں آپ تاحال بحسن و خوبی نبھارہے تھے۔

عقیدۂِ ختمِ نُبوّت کے تحفظ اور فتنۂِ قادیانیت کے تعاقب کے لیے 1981ء میں ختم نبوت کی مجلسِ شوریٰ کے رکن منتخب ہوئے۔ حضرت سیّد نفیس الحسینی شاہ کے وصال (2008ء) کے بعد آپ نائب امیر مرکزیہ بنائے گئے۔ حضرت مولانا عبدالمجید لدھیانوی کے انتقال کے بعد آپ عالمی مجلس تحفظ ختم نبوت کے امیرمرکزیہ منتخب ہوئے۔ علاوہ ازیں آپ نے مجلس کی کئی اردو مطبوعات کا عربی میں ترجمہ کرکے عرب ممالک میں اِنہیں عام فرمایا۔

ڈاکٹرعبدالرزاق اسکندر 1997ء میں وفاق المدارس کی مجلسِ عاملہ کے رُکن بنائے گئے۔ 2001ء میں نائب صدر مقرر ہوئے، اس دوران آپ صدرِ وفاق شیخ الحدیث حضرت مولانا سلیم اللہ خان کی بیماری و ضعف کے باعث کئی بار اُن کی نیابت کرتے رہے، اور اُن کی وفات کے بعد تقریباً 9 ماہ قائم مقام صدر رہے۔  05 اکتوبر 2017ء کو آپ متفقہ طور پر مستقل صدر منتخب ہوئے۔ اس کے علاوہ آپ وفاق کی نصاب کمیٹی اور امتحان کمیٹی کے سربراہ بھی تھے۔

The post ممتازعالم دین مولانا عبداالرزاق اسکندر انتقال فرماگئے appeared first on ایکسپریس اردو.

from ایکسپریس اردو » پاکستان https://ift.tt/2Ucdej8

ڈریپ نے پاکستانی ساختہ وینٹی لیٹر ’پاک وینٹ‘ کو رجسٹرکرلیا

 اسلام آباد: ڈرگ ریگولیٹری اتھارٹی پاکستان نے مقامی طور پر تیار کردہ پاکستانی ساختہ آئی سی یو وینٹی لیٹر ( پاک وینٹ) کو رجسٹر کردیا۔

ڈرگ ریگولیٹری اتھارٹی پاکستان(ڈریپ) نے مقامی طور پر تیار کردہ پاکستانی ساختہ آئی سی یو وینٹی لیٹر ( پاک وینٹ) کو رجسٹریشن سرٹفکیٹ جاری کردیا ہے۔

ڈریپ کے جاری کردہ سرٹیفیکیٹ کے مطابق پاک وینٹ نیشنل انجینئرنگ اینڈ سائنٹیفک کمیشن نے تیار کیا ہے۔ جو کہ انتہائی نگہداشت کے وارڈ میں داخل مریضوں کے لیے ہے۔ پاک وینٹ  وینٹی لیٹر کی سروس لائف دس سال ہے۔

ڈریپ سرٹفیکیٹ کے مطابق پاک ویینٹ کی رجسٹریشن آئندہ پانچ سال کے لیے موثر ہے۔

The post ڈریپ نے پاکستانی ساختہ وینٹی لیٹر ’پاک وینٹ‘ کو رجسٹرکرلیا appeared first on ایکسپریس اردو.

from ایکسپریس اردو » پاکستان https://ift.tt/3y5Za9q

لاہور میں ہوائی فائرنگ کرنے والی خاتون اسلحہ سمیت گرفتار

لاہور: فائرنگ کرنے والی ملزمہ کو اسلحے سمیت گرفتار کرلیا گیا۔ 

ایکسپریس نیوز کے مطابق لاہور کے علاقے فیکٹری ایریا پیر کالونی میں لڑکی کے فائرنگ کی ویڈیو وائرل ہوئی، تو  ڈی آئی جی آپریشنز ساجد کیانی نے کینٹ پولیس کو فوری کارروائی کی ہدایت کی۔ پولیس ٹیم نے ہوائی فائرنگ میں ملوث ملزمہ کو اسلحے سمیت گرفتار کرلیا۔

ترجمان لاہور پولیس کے مطابق فائرنگ کرنے والی خاتون کی شناخت نجمہ بی بی کے  نام سے ہوئی ہے، اور  اس سے قبضے سے پسٹل برآمد کر لیا گیا ہے۔ ڈی آئی جی آپریشنز ساجد کیانی کا کہنا تھا کہ شہریوں میں خوف و ہراس پھلانے والوں کے خلاف سخت کارروائی کی جارہی ہے۔

The post لاہور میں ہوائی فائرنگ کرنے والی خاتون اسلحہ سمیت گرفتار appeared first on ایکسپریس اردو.

from ایکسپریس اردو » پاکستان https://ift.tt/2SESikk

وزیراعظم کی اپوزیشن کو انتخابی اصلاحات پر مذاکرات کی دعوت

 اسلام آباد: وزیراعظم عمران خان نے انتخابی اصلاحات کے لیے اپوزیشن کو مذاکرات کی دعوت دے دی۔

وزیراعظم عمران خان نے قومی اسمبلی کے اجلاس میں اظہارِ خیال کرتے ہوئے بجٹ کی منظوری پر پارٹی اور اتحادیوں کا شکریہ ادا کیا جبکہ اپوزیشن کو انتخابی اصلاحات کے لیے دعوت بھی دی۔ انہوں نے کہا کہ انتخابی اصلاحات جمہوریت کا مستقبل ہے،  اس ملک میں 1970 کے بعد تمام انتخابات متنازع ہوئے، سینیٹ اور ضمنی انتخابات میں بھی تنازعات سامنے آئے، 2013 کے الیکشن میں 4حلقے کھولنے کی درخواست دی، ڈھائی سال بعد چاروں حلقوں میں دھاندلی نکلی، اصلاحات نہیں کریں گے تو ہر الیکشن میں ایسا ہوگا۔

عمران خان نے کہا کہ 2018 کے الیکشن میں اپوزیشن نے پہلے دن ہی کہا کہ انتخابات ٹھیک نہیں ہوئے لیکن یہ نہیں بتایا کہ کیسے ٹھیک نہیں ہوئے، صاف شفاف الیکشن کا ایک ہی طریقہ ہے، وہ ای وی ایم ہے، الیکٹرانک ووٹنگ مشین سے انتخابات میں شفافیت آئے گی، اگر اپوزیشن کے پاس کوئی اور تجویز ہے تو ہم سننے کو تیار ہیں، یہ حکومت اور اپوزیشن کی بات نہیں بلکہ جمہوری مستقبل کا مسئلہ ہے، وقت آگیا ہے کہ الیکشن لڑیں اور کسی کو فکر نہ ہو کہ دھاندلی سے ہرا دیا جائیگا، ایسے الیکشن ہونے چاہئیں جن کے نتائج ہارنے والے بھی تسلیم کریں، اگر ہم نے الیکشن اصلاحات نہ کیں تو آئندہ بھی دھاندلی کے الزامات لگتے رہیں گے۔

عمران خان نے کہا کہ وزیرخزانہ نے میرے نظریہ کے مطابق بجٹ بنایا، جب ہماری حکومت آئی تو سب سے بڑا مسئلہ کرنٹ اکاؤنٹ خسارے کا تھا، معیشت کو  بہتر کرنے کیلئے ہمیں مشکل فیصلے کرنے پڑے، اسی وجہ سے عوام کو مشکلات پیش آئیں اور اب بھی ہیں، جب ملک مقروض ہو جائے تو مشکل فیصلے کرنے پڑتے ہیں، اس مشکل وقت میں سعودی عرب اور چین نے ہماری مدد کی اور ہمیں دیوالیہ  ہونے سے بچایا، ہم نے پوری کوشش کی کہ آئی ایم ایف کے پا س جانا نہ پڑے، مگر دیوالیہ ہونے سے بچنے کیلئے اس کے پاس جانا پڑا۔

وزیراعظم نے مزید کہا کہ اسلامی فلاحی ریاست کا نظریہ پاکستان نے دیا ہے، ہمارے اکابرین نے یہ نظریہ ریاست مدینہ سے لیا تھا،  ضروری ہے کہ پاکستان اپنے اکابرین کے اصولوں پر واپس جائے، کیونکہ اگر ہم اس نظریہ سے پیچھے ہٹ جائیں تو مقصد ختم ہو جائے گا، جب حضور اکرمؐ مدینہ پہنچے تو انہوں نے ریاست مدینہ میں جو اصول طے کئے اس کی گواہ دنیا کی تاریخ ہے، اس ریاست کے قیام کے 13 سے 14 سال کے اندر قیصر و کسریٰ نے اس کے آگے گھٹنے ٹیک دیے، ہم اس وقت علم و سائنس میں آگے تھے مگر بعد میں یورپ نے انہیں اپنالیا، پاکستان نے اگر آگے بڑھنا ہے تو ریاست مدینہ کے ان تین اصولوں انسانیت، انصاف اور خودداری  پر عمل کرنا ہوگا۔

وزیراعظم عمران خان کا کہنا تھا کہ اس بار گندم، چاول اور مکئی کی ریکارڈ پیداوار ہوئی کیونکہ پیسہ پہلی بار کسانوں کو براہ راست منتقل ہوا جو انہوں نے فصلوں پر لگایا، ہم نے فیصلہ کیا کہ کسان کو گنے کا پیسہ بروقت ملے، اسی وجہ سے ریکارڈ پیداوار ہوئی۔

وزیراعظم نے کہا کہ اگر ہمارا خاندانی نظام نہ ہو تو لوگ یہاں بھوکے مریں، ہمارا خاندانی نظام اپنے غریب افراد کو اپنی آغوش میں لے لیتا ہے، ہم نے پانچ سو ارب روپے کامیاب پاکستان کے لیے رکھا ہے، چالیس سے پچاس فیصد نچلے طبقے کو اس کامیاب پاکستان پروگرام میں لارہے ہیں، جس میں بلاسود قرض دیا جائے گا، کسانوں کو تین لاکھ روپے تک قرض دیا جائیگا۔

عمران خان نے بتایا کہ جب کوئی فرد بیمار ہوتا ہے تو قرض کی وجہ سے سارا گھر غربت میں چلا جاتا ہے، پنجاب، خیبرپختونخوا اور گلگت بلتستان کے تمام عوام کو ہم ہیلتھ انشورنس دیں گے، ترقی یافتہ ملکوں میں ہیلتھ پریمیئم دینا پڑتا ہے مگر ہم مفت دے رہے ہیں، ہیلتھ کارڈ اب کسی بھی اسپتال میں استعمال ہوسکتا ہے، حکومت کے پاس اتنے پیسے نہیں ہیں کہ وہ اسپتال بنائے، ہم نے فیصلہ کیا ہے کہ محکمہ اوقاف اور متروکہ املاک کی سستی زمینیں اسپتالز کے لئے دیں گے۔

وزیراعظم عمران خان نے کہا کہ پاکستان اب فلاحی ریاست کی جانب جارہا ہے، جب وزیراعظم پیسہ  چوری کرکے باہر بھیجتا ہے تو ملک تباہی کی طرف جاتا ہے جبکہ وہ معاشرہ اوپر جاتا ہے جہاں قانون کی حکمرانی ہوتی ہے، گزشتہ روز سندھ کے ایم این اے کو  نیب پکڑنے گیا تو لوگوں نے نیب کے اہلکاروں کو مارا، پہلی بار نیب بڑے بڑے لوگوں پر ہاتھ ڈال رہا ہے اس لیے اب نیب برا ہوگیا، ماضی میں  جب ان پر ہاتھ نہیں ڈالا جاتا تھا تو سب خاموش تھے۔

The post وزیراعظم کی اپوزیشن کو انتخابی اصلاحات پر مذاکرات کی دعوت appeared first on ایکسپریس اردو.

from ایکسپریس اردو » پاکستان https://ift.tt/3yaQ9Mu

نیب نے تابش گوہر کے منفی ریمارکس کو مسترد کرتے ہوئے نوٹس لے لیا

قومی احتساب بیورو نے معاون خصوصی برائے توانائی و پیٹرولیم تابش گوہر کا بیان مسترد کردیا۔ 

قومی احتساب بیورو (نیب) نے معاون خصوصی برائے توانائی و پیٹرولیم تابش گوہر کی فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کراچی میں نیب کے بارے میں ریمارکس مسترد کرتے ہوئے کہا ہے کہ معاون خصوصی کا بیان نہ صرف حقائق کے منافی، من گھڑت اور بے بنیاد ہے بلکہ انہوں نے اپنے گمراہ کن بیان کے لئے بزنس کمیونٹی میں نیب کے بارے میں منفی تاثر اجاگر کرنے کی کوشش کے علاوہ عدالت مجاز میں نیب کے قانون کے مطابق دائر ایل این جی ریفرنس پر اثر انداز ہونے کے ساتھ ساتھ ریفرنس میں شامل ملزمان کو فائدہ پہنچانے کی مبینہ کوشش ہے۔

نیب اعلامیہ میں کہا گیا ہے کہ نیب نے معاون خصوصی برائے توانائی و پیٹرولیم تابش گوہر ایف پی سی سی آئی کراچی میں بیان کی مکمل کاپی پیمراسے سرکاری طور پر حاصل کرکے نیب آرڈیننس کی شق 31 اے کے تحت مذکورہ بیان کا جائزہ لینے کا فیصلہ کیا ہے اس سلسلہ میں قانون اپنا راستہ خود بنائے گا۔

اعلامیے کے مطابق نیب قطر کے ساتھ حالیہ معاہدہ اور سی پیک منصوبوں کے بارے میں نوٹس لینے کے بے بنیاد بیان کی بھی سختی سے تردید کرتے ہوئے وضاحت کر تا ہے کہ نیب معیشت دوست ادارہ ہے، جو زیروہ کرپشن اور100 فیصد ترقی پر یقین رکھتا ہے۔ نیب میں سی پیک کے کسی منصوبہ کے بارے میں اس وقت نیب میں تحقیقات نہیں ہو رہی ہیں۔

اعلامیے میں کہا گیا ہے کہ معاون خصوصی کا بیان نہ صرف حقائق کے منافی بلکہ گمراہ کن ہے جس کی نیب سختی سے مذمت کرتا ہے، اور یہ باور کروانا ضروری سمجھتا ہے کہ پاکستان کے لئے انتہائی اعزاز کی بات ہے کہ پاکستان کا ایک ادارہ نیب دنیا کا واحد ادار ہ ہے جس کے ساتھ چین نے مفاہمت کی یاداشت پر دستخط کئے ہیں جس کے تحت نیب چین کے ساتھ مل کر نہ صرف سی پیک منصوبوں کی نگرانی کریں گے بلکہ بدعنوانی کے خاتمہ کے لئے ایک دوسرے سے تعاون کریں گے۔

جہاں تک ملزمان کی 90 دن جیل کے بیان کا تعلق ہے نیب نے وضاحت کی ہے کہ نیب کسی بھی ملزم کو گرفتاری کے 24 گھنٹوں کے اندر متعلقہ معزز احتساب عدالت میں پیش کرتا ہے جہاں پر نیب ملزم کی گرفتاری کی نہ صرف وجوہات بیان کرتا ہے بلکہ ملزم کے وکیل کے اٹھائے گئے نکات کا جواب بھی دیتا ہے۔ معزز احتساب عدالت دونوں فریقین کے دلائل سننے کے بعد ریمانڈ کا فیصلہ کرتی ہے۔ اس لئے کسی بھی ملزم کو ریمانڈ اور جیل بھیجنے کا فیصلہ معزز احتساب عدالت کا ہوتا ہے جو آئین اور قانون کے تمام تقاضوں کو مد نظر رکھتے ہوئے دیا جاتا ہے۔ نیب نے ہمیشہ کہا ہے کہ اس کا تعلق کسی سیاسی جماعت، گروہ اور فرد سے نہیں بلکہ ریاست پاکستان سے ہے۔ معاون خصوصی کو مشورہ ہے کہ نیب آرڈیننس کا مکمل جائزہ لیں جس کی منظوری معزز پارلیمنٹ نے دی ہے اور معزز سپریم کورٹ آف پاکستان اسفند یار ولی کیس میں اس کا مکمل جائزہ لے چکی ہے۔

 

The post نیب نے تابش گوہر کے منفی ریمارکس کو مسترد کرتے ہوئے نوٹس لے لیا appeared first on ایکسپریس اردو.

from ایکسپریس اردو » پاکستان https://ift.tt/2UJCnBO

اندرونی معاملات سے توجہ ہٹانے کیلئے پاکستان پرالزام تراشی بھارتی وطیرہ ہے، دفترخارجہ

 اسلام آباد:  بھارتی سرکار کا وطیرہ ہے کہ پاکستان پرالزام تراشی کے ذریعے اپنے اندرونی معاملات سے توجہ ہٹائے۔

دفترخارجہ کی جانب سے  جاری بیان کے مطابق ترجمان دفتر خارجہ زاہد حفیظ کا کہنا ہے کہ بھارتی وزیر داخلہ جی کشن ریڈی کا پاکستان پر ڈرون حملے میں ملوث ہونے کا بیان غیر ذمہ دارانہ اور من گھڑت ہے، بغیر کسی ثبوت کے بھارتی سرکار نے ایک مرتبہ پھر پاکستان پر الزام تراشی کی، مقبوضہ جموں و کشمیر میں ڈرون حملوں میں پاکستانی مداخلت کے بیان کو سختی سے مسترد کرتے ہیں۔

ترجمان دفترخارجہ نے کہا کہ بھارتی وزیر داخلہ کا بیان بھارتی حکومت اور بھارتی میڈیا کی پاکستان مخالف پروپیگنڈہ مہم کی ایک اور مثال ہے، بھارتی سرکار کا وطیرہ ہے کہ اندرونی معاملات میں پاکستان پر الزام تراشی کے ذریعہ توجہ ہٹائے۔

The post اندرونی معاملات سے توجہ ہٹانے کیلئے پاکستان پرالزام تراشی بھارتی وطیرہ ہے، دفترخارجہ appeared first on ایکسپریس اردو.

from ایکسپریس اردو » پاکستان https://ift.tt/3qzqAC7

افغان سرحد سے دہشت گردوں کی فائرنگ، 2 جوان شہید، آئی ایس پی آر

 راولپنڈی: دواتئی چیک پوسٹ پر پاک افغان سرحد کے پار سے دہشت گردوں کی فائرنگ سے پاک فوج کے 2 جوان شہید ہوگئے۔

آئی ایس پی آر کی جانب سے جاری بیان کے مطابق شمالی وزیرستان میں دواتئی چیک پوسٹ پرافغان سرحد سے دہشتگردوں نے فائرنگ کی، جس کے نتیجے میں 43 سالہ حوالدارسلیم اور35 سالہ لانس نائیک پرویز شہید ہوگئے۔ پاک فوج کی جانب سے بھرپورجوابی کارروائی کی گئی جس سے افغان دہشتگروں کو بھاری نقصان اٹھانا پڑا۔

آئی ایس پی آرکے مطابق پاکستان مستقل طور پر افغانستان سے مطالبہ کرتا رہا ہے کہ وہ اپنی طرف سے موثر بارڈر کنٹرول کو یقینی بنائے۔ پاکستان کے خلاف دہشت گردی کی کارروائیوں کے لئے افغان سرزمین کے مستقل استعمال کی مذمت کرتے ہیں۔

دوسری جانب وزیرداخلہ شیخ رشید نے شمالی وزیرستان میں سرحد پارسے ملٹری پوسٹ پرفائرنگ کی مذمت کرتے ہوئے کہا کہ افغانستان کی سرزمین سے پاکستانی علاقوں میں دہشت گردی کی واردات افسوس ناک ہے۔ سرحد پارسے دہشت گردی کی کارروائیوں کو ختم ہونا چاہیئے۔

وزیرداخلہ نے کہا کہ پاک افواج کی وطن کی سلامتی کی خاطر قربانیاں لازوال ہیں، پاکستان اپنے بارڈرز کو مزید محفوظ اورمضبوط بنائے گا۔

The post افغان سرحد سے دہشت گردوں کی فائرنگ، 2 جوان شہید، آئی ایس پی آر appeared first on ایکسپریس اردو.

from ایکسپریس اردو » پاکستان https://ift.tt/3hdDi4Y

پنجاب میں ریسکیو 1122 کو ڈیڑھ ارب روپے کی نئی ایمبولینسیں فراہم

 لاہور: وزیراعلی سردار عثمان بزدار کی قیادت میں پنجاب ایمرجنسی سروس ریسکیو 1122 میں قابل تقلید اصلاحات کی جارہی ہیں۔

ڈیڑھ ارب روپے کی لاگت سے ریسکیو 1122 کو نئی ایمبولینسیں فراہم کردی گئیں۔ وزیراعلی پنجاب نے بیان میں کہا کہ 2015 ء کے بعد ریسکیو1122 کو نئی ایمبولینسیں نہ فراہم کی گئیں، ہماری حکومت نے ایمرجنسی سروس کو بہتر بنانے کے لئے نئی ایمبولینسیں خریدی ہیں، 86تحصیلوں میں رواں برس ایمرجنسی سروس کا آغاز کیا جا رہاہے، 27 اضلاع میں موٹر بائیک ایمبولینس سروس بھی شروع کی جا رہی ہے، دور دراز اور دشوار گزار راستوں پر بروقت ریسپانس کیلئے ائیر ریسکیو سروس شروع کی جائے گی، سابق دور میں 10 سال سے پنجاب ایمرجنسی کونسل کی میٹنگ نہ ہوئی جس کی وجہ سے کئی اہم امور التواء کا شکار رہے۔

عثمان بزدار نے کہا کہ پنجاب ایمرجنسی سروس ترمیمی ایکٹ2021کے ذریعے ریسکیورز کیلئے سروس اسٹرکچر بنایا گیا ہے، ریسکیورز گزشتہ 15برس سے سروس سٹرکچر سے محروم تھے، قانون سازی کے ذریعے پہلی مرتبہ ایمرجنسی سروس کو محکمہ کا درجہ دیا تا کہ ایمرجنسی میں بروقت فیصلہ سازی کی جا سکے، نوجوانوں کو ذمہ دار شہری بنانے کیلئے NCCکی طرز پر ریسکیو کیڈٹ کورRCCکا آغاز کیا جا رہا ہے، ہر یونین کونسل کی سطح پر ایمرجنسی سروس کی بروقت فراہمی کیلئے کمیونٹی ایمرجنسی رسپانس ٹیمیں بھی تیار کی جائینگی۔

The post پنجاب میں ریسکیو 1122 کو ڈیڑھ ارب روپے کی نئی ایمبولینسیں فراہم appeared first on ایکسپریس اردو.

from ایکسپریس اردو » پاکستان https://ift.tt/3hjg4L5

خیبرپختونخوا میں گیس کے بعد بجلی کا بحران بھی سنگین ہوگیا

خیبرپختون خوا کے شہری علاقوں  میں 8 جب کہ دیہی علاقوں  میں 12 سے 15 گھنٹے کی لوڈشیڈنگ جاری ہے۔ 

ایکسپریس نیوز کے مطابق خیبرپختون خوا میں گیس کے  بعد اب بجلی کا بحران بھی شدت اختیار کرگیا ہے، صوبے میں بجلی کا شارٹ فال 5 سو میگا واٹ تک پہنچ گیا ہے اور سوئی گیس کے بعد بجلی کی سپلائی بھی متاثر ہوگئی ہے۔

بجلی کے بحران کے باعث شہری اور دیہی علاقوں میں بجلی لوڈشیڈنگ کا دورانیہ بڑھا دیا گیا ہے،  شہری علاقوں میں 8 سے دس گھنٹے اور دیہی علاقوں میں 12 سے 15 گھنٹے لوڈشیڈنگ کی جارہی ہے۔

دوسری جانب سوئی گیس بحران کے باعث پشاور شہر میں سی این جی سمیت گھریلو صارفین کو گیس کی سپلائی بدستور بند ہے، سی این جی سٹیشنز پر گیس بند ہونے سے رکشہ سروس متاثر ہوئی ہے اور نانبائیوں نے ایل پی جی سیلنڈر کا استعمال شروع کردیا ہے۔ ذرائع سوئی سدرن گیس کا کہنا ہے کہ سوئی گیس سپلائی پانچ جولائی تک متاثر رہے گی،  گیس پریشر کم ہونے کی وجہ سے سپلائی متاثر ہورہی ہے۔

 

The post خیبرپختونخوا میں گیس کے بعد بجلی کا بحران بھی سنگین ہوگیا appeared first on ایکسپریس اردو.

from ایکسپریس اردو » پاکستان https://ift.tt/3x8I6PR

لاہور میں بچوں سے بدفعلی اور زیادتی کے 3 ملزمان گرفتار

 لاہور: پولیس نے معصوم بچے کے ساتھ اسلحہ کے زور پر بدفعلی کی کوشش کرنے والے دو ملزمان کو گرفتار کرلیا۔

ایس پی کینٹ صاعد عزیز کی ہدایت پر مناواں پولیس نے بروقت کارروائی کرتے ہوئے ملزمان کو قانون کی گرفت میں جکڑ لیا۔

ایس پی کینٹ نے بتایا کہ ملزمان عثمان اور اسد علی نے اسلحہ کے زور پر 10 سالہ بچے کے ساتھ بدفعلی کی کوشش کی تھی، وہ بچے کو ورغلا کر قریبی گاؤں لے گئے اور بدفعلی کی کوشش کی، ان کیخلاف مقدمہ درج کر کے قانونی کارروائی کا آغاز کر دیا گیا، بچوں کا جنسی استحصال کرنے والوں سے آہنی ہاتھوں نمٹا جائے گا۔

علاوہ ازیں ڈیفنس بی پولیس نے بروقت کارروائی کرتے ہوئے زیادتی کے ملزم کو گرفتار کرلیا۔ ملزم جعفر حسین نے گھر میں گھس کر 14 سالہ بچی کو زبردستی زیادتی کا نشانہ بنایا تھا۔ بچی کے والد کی درخواست پر فوری کارروائی کرتے ہوئے پولیس نے ملزم کے فرار کی کوشش ناکام بنا کر اسے گرفتار کرلیا۔

 

The post لاہور میں بچوں سے بدفعلی اور زیادتی کے 3 ملزمان گرفتار appeared first on ایکسپریس اردو.

from ایکسپریس اردو » پاکستان https://ift.tt/3x9u94a

قومی اسمبلی میں بلاول اور شاہ محمود کے ایک دوسرے پر تابڑ توڑ حملے

 اسلام آباد: قومی اسمبلی میں وزیرخارجہ شاہ محمود قریشی اور چیئرمین پیپلزپارٹی بلاول بھٹو زرداری نے ایک دوسرے کے ماضی کے حوالے سے جملے کسے۔

ایکسپریس نیوز کے مطابق قومی اسمبلی میں  اظہار خیال کرتے ہوئے شاہ محمود قریشی ن کہا کہ قوم کے 172 نمائندوں نے بجٹ کے حق میں ووٹ دیا، ووٹ کو بالکل عزت دینی چاہیے، اپوزیشن کی طرح حکومت والے بھی ووٹ لے کر آئے ہیں، بلاول بھٹو زرداری نے رولز کی بات کی، رولز کے مطابق اسپیکر کی ذات پر حملہ نہیں کیا جاسکتا، اسپیکر سے اختلاف ہو سکتا ہے مگر چیمبر میں جا کر بات ہوتی ہے، ایک سابق وزیر اعظم سب کے سامنے اسپیکر کو دھمکی دیتا ہے، سندھ میں اپوزیشن لیڈر کو تقریر کرنے کا موقع نہ دیا، سندھ کا وزیر خزانہ بجٹ بحث سمیٹے بغیر چلا گیا، کیا سندھ کی پبلک اکاؤنٹس کمیٹی کا چیئرمین اپوزیشن سے ہے، یہ آئینہ دکھاتے ہیں دیکھتے نہیں ہیں۔ شورشرابےاورغل غپاڑے سے ہمیں دبایا نہیں جاسکتا،اگر عمران خان نہیں بولے گا تو بلاول اور شہباز بھی نہیں بولیں گے۔

اس خبرکوبھی پڑھیں: اپوزیشن کا اسپیکر قومی اسمبلی پر بجٹ منظوری کے لیے دھاندلی کرنے کا الزام

شاہ محمود قریشی کے جواب میں چیئرمین پیپلزپارٹی نے دھواں دار تقریر کرتے ہوئے کہا کہ ملتان کے وزیر نے میرا بار بار نام لیا لیکن میں ان کا نام نہیں لوں گا، کیوں کہ میں ان کو اچھی طرح جانتا ہوں کہ یہ کس شخصیت کے مالک ہیں، اور بہت جلد وزیراعظم عمران خان کو بھی پتہ چل جائے گا کہ یہ کیا چیز ہیں۔ ان کا نام اس لئے نہیں لوں گا کہ میں ان کو کوئی اہمیت نہیں دیتا اور ان کی میرے سامنے کوئی حیثیت نہیں۔ یہ وہ شخص ہے جس نے کشمیر کا سودا کیا۔ یہ وہی ملتان کے وزیر ہیں جن کو جئے بھٹو کا نعرہ لگاتے دیکھا، اسی وزیر کو”اگلی باری پھر زرداری کہتے”دیکھا، یہی وزیر پیپلزپارٹی پنجاب کا صدر رہا، خان صاحب نہیں سمجھ سکیں گے کہ یہ کیا چیز ہیں، لیکن ان کو پتہ چل جائےگا، یہ اس حکومت کے لیے خطرہ بننے والے ہیں۔

بلاول بھٹو کے جواب میں شاہ محمود قریشی کا کہنا تھا کہ میں بھی بلاول کو اس وقت سے جانتا ہوں جب یہ چھوٹے سے بچے تھے، جب ہم بات کرتے تھے تو یہ کھڑکی پر کھڑے ہوکر خوش ہوا کرتے تھے، آج اس بچے  کو تقریریں لکھ کر دے دی جاتی ہیں اور وہ بھی پڑھ کر سنا دیتے ہیں، میں بلاول بھی پاپا کو بھی جانتا ہوں کہ وہ کیا چیز ہیں۔

شاہ محمود قریشی کے جواب میں ایک بار پھر بلاول بھٹو نے طنزیہ لہجے میں کہا کہ عمران خان یہاں آکر تقریر کریں میں بیٹھا ہوں، دیکھتا ہوں وہ کیسے تقریر کرتے ہیں، بات مکمل کرنے دیں، میں نے اچھی ڈیل آفر کی ہے، رولز پر چلیں، آپ کے وزیراعظم کی بات سنیں گے۔ فاضل ممبر آف ملتان کے ساتھ رہنے والے ابھی نہیں جانتے کہ کیا ہیں اور اپنے مطلب کے لئے کیا کرسکتے ہیں، ہم نے انہیں اپنی جماعت سے اس لئے نکالا تھا کہ یہ کہتے تھے کہ یوسف رضا گیلانی کو وزیراعظم بنانے کے بجائے مجھے وزیراعظم کا عہدہ دیا جائے، یہ لابنگ کرتے ہیں، وزیراعظم کو آئی ایس آئی کو کہنا چاہیے کہ وزیر خارجہ کے فون ٹیپ کرے۔

بلاول کے وزیراعظم کے مطالبے کے جملے پر شاہ محمود قریشی غصے میں آگئے اور کہا بچے تم سہمے ہوئے ہو اور ابھی بچے ہو تمہیں حقیقت کا علم نہیں، جاؤ پہلے تحقیق کرلو کہ میں نے تمہاری جماعت کیوں چھوڑی، یہ پرچی لے کر آتے ہیں، چابی لگتی ہے اور آٹو پر لگ جاتے ہیں، ابھی وقت لگے گا بچے، بچہ پریشان ہو گیا ہے، آپ نے یوسف رضا گیلانی کو مک مکا کرکے اپوزیشن لیڈر تو نہ بنوایا ہوتا، یوسف رضا گیلانی سرکاری ووٹوں سے اپوزیشن لیڈر بنے ہیں۔

The post قومی اسمبلی میں بلاول اور شاہ محمود کے ایک دوسرے پر تابڑ توڑ حملے appeared first on ایکسپریس اردو.

from ایکسپریس اردو » پاکستان https://ift.tt/3Aa3XbI

جسٹس فائزعیسی کی اہلیہ سرینا عیسی کا وزیراعظم کو براہ راست مناظرے کا چیلنج

 اسلام آباد: جسٹس قاضی فائز عیسی کی اہلیہ سرینا عیسی نے وزیر اعظم عمران خان کو براہ راست مناظرے کا چیلنج کردیا۔

ایکسپریس نیوز کے مطابق سپریم کورٹ کے جسٹس قاضی فائز عیسی کی اہلیہ سرینا عیسی نے وزیر اعظم عمران خان کو براہ راست مناظرے کا چیلنج کرتے ہوئے وزیر اعظم کو ایک اور خط لکھ دیا ہے، جس میں انہوں نے کہا ہے کہ   براہ کرم میری پیٹھ پیچھے کاروائی کرنے سے باز آجائیں، قاضی محمد عیسی کو صرف وہی غدار کہہ سکتے ہیں جو پاکستان کو تباہ کرنا چاہتے ہیں۔

سرینا عیسٰی نے خط میں کہا ہے کہ وزیر اعظم عمران خان اگر لندن جائیدادوں کی خریداری سے مطمئن نہیں تو میرا سامنا کریں، براہ راست نشریات میں اپنی آمدن، بچت اور منی ٹریل دکھاؤں گی، آپ سے بھی توقع ہے کہ مناظرے میں آپ بھی ایسا ہی کریں گے، وزیر اعظم عمران خان میں آپ کے جواب کا شدت سے انتظار کر رہی ہوں۔

The post جسٹس فائزعیسی کی اہلیہ سرینا عیسی کا وزیراعظم کو براہ راست مناظرے کا چیلنج appeared first on ایکسپریس اردو.

from ایکسپریس اردو » پاکستان https://ift.tt/3x8zYPB

بیرون ملک جانے والے پاکستانیوں کا اسلام آباد میں کورونا ویکسین نہ لگنے پر احتجاج

اسلام آباد میں اوورسیز پاکستانیوں کے لیے ویکسینشن ایک بار پھر تاخیر کا شکار ہوگئی۔

فائزر ویکسی نیشن کیلئے باری نہ آنے پر اوورسیز پاکستانیوں نے ایف نائن پارک میں میگا ویکسینیشن سنٹر کے باہر احتجاج کیا اور دونوں اطراف سڑک بند کرکے آنے جانے والی گاڑیوں کو روک دیا۔

اسلام آباد: ایف نائن پارک ویکسی نیشن سینٹر کے باہر احتجاج

مظاہرین کا گاڑیوں پر پتھراؤ، سڑک بھی بلاک کردی

دور دراز سے فائزرویکسین لگوانے آئے ہیں لیکن ویکسین نہیں لگ رہی: مظاہرین pic.twitter.com/Wyb2QQA382

— Islamabadian (@Islaamabad) June 30, 2021

مظاہرین نے کہا کہ دور سے یہاں آئے ہیں لیکن ویکسین نہیں لگ رہی ، ہمارے ویزے ختم ہونے والے ہیں واپس سعودیہ جانا ہے، یہاں پر رش اتنا ہے کہ دو دن سے ہماری باری نہیں آرہی۔ انتظامیہ نے کسی بھی ناخوشگوار واقعے سے نمٹنے کیلئے پولیس کی بھاری نفری کو طلب کرلیا۔

یہ بھی پڑھیں: ماس ویکسی نیشن سینٹر اسلام آباد میں ہنگامہ آرائی، دروازے توڑ دیے گئے

احتجاج میں شریک اورسیز پاکستانیوں نے حکومت و ضلعی ہیلتھ انتظامیہ کو شدید تنقید کا نشانہ بناتے ہوئے کہا کہ ہم سالانہ اربوں روپے زر مبادلہ پاکستان بھجواتے ہیں لیکن حکومت ہمیں ویکیسن تک لگانے میں ناکام ہے، ہمارا مطالبہ ہے کہ ہمارے اضلاع میں ہی فائزر و آسٹرازنیکا ویکسین پہنچائی جائے۔

یہی صورتحال رہی تو
ماس ویکسینیشن سینٹر ایف نائن پارک
انسداد کورونا آپریشن بھرپور انداز میں جاری #29juneNCOC pic.twitter.com/ASxwseGX4K

— AJ (@abduljabbarisb) June 29, 2021

The post بیرون ملک جانے والے پاکستانیوں کا اسلام آباد میں کورونا ویکسین نہ لگنے پر احتجاج appeared first on ایکسپریس اردو.

from ایکسپریس اردو » پاکستان https://ift.tt/3h40xj3

پیپلزپارٹی کا اپوزیشن کے مشترکہ اجلاس کے بائیکاٹ کا فیصلہ

 اسلام آباد: پیپلزپارٹی نے اپوزیشن کے مشترکہ اجلاس کے بائیکاٹ کا فیصلہ کرلیا۔

ایکسپریس نیوز کے مطابق پیپلزپارٹی نے اپوزیشن کے مشترکہ اجلاس کے بائیکاٹ کا فیصلہ کیا ہے، پارٹی ذرائع کہنا ہے  کہ  پیپلزپارٹی نے مسلم لیگ ن کی بجٹ اجلاس میں غیرسنجیدگی کے باعث اپوزیشن کے مشترکہ اجلاس کے بائیکاٹ کا فیصلہ کیا ہے۔

ذرائع کا کہنا تھا کہ بجٹ اجلاس میں غیرسنجیدگی کا یہ عالم تھا کہ اپوزیشن لیڈر شہباز شریف سمیت مسلم لیگ ن کے 14 اراکین قومی اسمبلی بجٹ منظوری کے وقت ایوان سے غائب تھے۔ جب کہ چیئرمین پیپلزپارٹی نے آج بھی قومی اسمبلی میں اظہار خیال کرتے ہوئے کہا کہ ن لیگ کے 15 سے زائد ارکان ایوان میں موجود نہ ہونے کی وجہ سے حکومت کو بجٹ منظور کرانے میں آسانی ہوئی۔

 

The post پیپلزپارٹی کا اپوزیشن کے مشترکہ اجلاس کے بائیکاٹ کا فیصلہ appeared first on ایکسپریس اردو.

from ایکسپریس اردو » پاکستان https://ift.tt/361auHN

اپوزیشن کا اسپیکر قومی اسمبلی پر بجٹ منظوری کے لیے دھاندلی کرنے کا الزام

 اسلام آباد: پاکستان پیپلز پارٹی کے چیئرمین بلاول بھٹو زرداری اور مسلم لیگ (ن) کے شاہد خاقان عباسی نے اسپیکر قومی اسمبلی پر پر الزام لگایا ہے کہ وہ دھاندلی نہ کرتے تو وزیراعظم کے پاس بجٹ منظوری کے لیے 172 ووٹ نہیں تھے۔

قومی اسمبلی میں بجٹ سیشن کے دوران اظہار خیال کرتے ہوئے بلاول بھٹو زرداری نے کہا کہ جس انداز سے بجٹ اجلاس کا آغاز ہوا یہ سب کے لیے شرمندگی کا باعث ہے، حکومتی بینچوں سے قائد حزب اختلاف پر حملے کی کوشش کی گئی، گزشتہ روز بجٹ منظوری کے موقع پر بھی ایسی ہی صورتحال رہی، آپ نے ہم سے ووٹ کا حق چھینا، قوم کو پتا ہونا چاہیے تھا کہ عوام دشمن بجٹ کے کون مخالف ہیں اور کون حامی، آپ کرسی کی عزت برقرار رکھنے کے لیے غیر متنازع رہتے تو اچھا ہوتا، اسپیکر آپ دھاندلی نہ کرتے تو وزیراعظم کے پاس 172 ووٹ نہیں تھے، آپ نے پوری کوشش کی کہ حکومت 172 ووٹ پورے کرے۔ عامر ڈوگر کو مبارکباد دیتے ہیں کہ وہ اسپیکر کی حمایت سے اپنے ارکان پورے کر گئے۔ آپ نے ہماری ترامیم کے سلسلے کو بھی غلط کنڈکٹ کیا۔

بلاول بھٹو زرداری نے کہا کہ فنانس بل کی حتمی منظوری پر ووٹنگ نہیں کرائی گئی، قانون نمبر 276 کے مطابق زبانی ووٹ پر اعتراض ہوتو اسپیکر کے لیے ضروری ہے کہ دوبارہ ووٹنگ کراتے، آخری وقت میں خود آپ کے ووٹ کو چیلنج کیا تھا،میرے مطالبے کے باوجود آپ نے ووٹنگ نہیں کرائی اور چلے گئے۔ آپ کے اس عمل سے بجٹ کی قانون حیثیت پر انگلی اٹھ گئی ہے، میرے والد آصف زرداری بیماری کے باوجود آخری وقت تک یہاں بیٹھے رہے،ہم بجٹ یا قانون سازی میں اپنا احتجاج نہیں کر سکتے تو یہ دھاندلی نہیں تو کیا ہے۔

ایوان روایات پر چلتا ہے اسپیکر کی مرضی پر نہیں

مسلم لیگ (ن) کے شاہد خاقان عباسی نے کہا کہ ہم بلاول بھٹو زرداری کی باتوں کی تائید کرتے ہیں، ہماری بدنصیبی ہے کہ 3 سال کے دوران ایوان کو نہ تو آئین اور نہ ہی پارلیمانی روایات کے مطابق چلایا گیا، کئی مرتبہ مل بیٹھ کر ایوان چلانے کے لئے معاملات طے کئے گئے عمل نہیں ہوا، قواعد و ضوابط کے مطابق جب بجٹ چیلنج ہو تو اس پر گنتی ضروری ہے، ایوان کے اراکین کو جعلی مقدمات پر جیلوں میں ڈالا گیا، ایوان روایات پر چلتا ہے اسپیکر کی مرضی پر نہیں، ایوان کیسے چلے گا اگر اسے روایات کے مطابق نہیں چلایا جائے گا، اگر اپوزیشن لیڈر تقریر نہیں کرسکتا تو قائد ایوان بھی نہیں کرسکتا۔

ڈکٹیٹ کرنے کی بات پر اسپیکر برہم

بلاول بھٹو زرداری اور شاہد خاقان عباسی کے بعد شاہ محمود قریشی جواب دینے کے لیے کھڑے ہوئے، اپوزشن نے خواجہ آصف کو بات کرنے کی اجازت نہ دینے پر اپوزیشن کا احتجاج کیا اسعد محمود کو بات کرنے کی اجازت دینے کے مطالبے پر اسپیکر نے جے یو آئی ارکان سے مکالمہ کیا کہ مجھے ڈکٹیٹ نہ کریں، کسی میں جرات نہیں کہ مجھے ڈکٹیٹ کرے۔

کہاں بھاگ گیا آپ کا وزیر اعظم؟

ہم آپ کو ڈکٹیٹ نہیں کرسکتے ہیں لیکن حکومتی بینچوں پر موجود ارکان ڈکٹیٹ کرسکتے ہیں، ہم اپنا حق آپ سے چھین کر رہیں گے، ہم ڈٹ کر مقابلہ کریں گے ، بھیک نہیں مانگیں گے، آپ نے ان ایم این ایز کے خلاف بھی کارروائی کی جو پارلیمنٹ میں موجود ہی نہیں تھے، آپ کے وزیر میز پر اچھل کر قائد حزب اختلاف کو نشانہ بنا رہے تھے ، کمیٹی بنا کر فیصلہ کیا جائے کہ ایوان کا ماحول خراب کرنے کا اصل مجرم کون تھا۔ اپ کہتے ہے کہاں بھاگ گیا بلاول، کہاں بھاگ گیا شاہد خاقان عباسی ، آپ ہمیں بتائیں کہاں بھاگ گیا آپ کا وزیر اعظم؟، آپ کا وزیراعظم تو ہر وقت بھاگتا ہے، مسئلہ کشمیر پر وزیراعظم بھاگ گیا، مسئلہ ختم نبوت پر وزیراعظم بھاگ گیا ،آپ بھارت سے انکھوں میں انکھیں ڈال کر بات نہیں کرسکتے تو ہمارے ساتھ کیسے کرسکتے ہیں؟َ۔

The post اپوزیشن کا اسپیکر قومی اسمبلی پر بجٹ منظوری کے لیے دھاندلی کرنے کا الزام appeared first on ایکسپریس اردو.

from ایکسپریس اردو » پاکستان https://ift.tt/3hmiAjw

سپریم کورٹ نے پنجاب حکومت سے سانحہ ساہیوال رپورٹ طلب کرلی

 اسلام آباد: سپریم کورٹ نے پنجاب حکومت سے سانحہ ساہیوال کی رپورٹ طلب کرلی۔

سپریم کورٹ میں  سانحہ ساہیوال میں قتل کے ملزم پولیس اہلکار حافظ محمد عثمان کی درخواست ضمانت پر سماعت ہوئی، کیس کی سماعت جسٹس قاضی فائزعیسی اور جسٹس یحیی آفریدی پر مشتمل دو رکنی بینچ نے کی۔ ایڈیشنل پراسیکوٹر جنرل عابد مجید مرزا عدالت میں پیش ہوئے۔

اس خبرکوبھی پڑھیں: سانحہ ساہیوال پر برطرف آئی جی سی ٹی ڈی رائے طاہر آئی جی بلوچستان تعینات

جسٹس قاضی فائز عیسیٰ نے ایڈیشنل پراسیکوٹر جنرل پنجاب عابد مجید مرزا سے استفسار کیا کہ سانحہ ساہیوال کا کیا بنا؟،  ساہیوال میں معصوم بچوں کو مارا گیا، صرف ایک فون کال پر بے گناہ لوگوں کو مار دیا گیا، سمجھ نہیں آتا پنجاب حکومت اور پولیس کیا کررہی ہے، معصوم شہریوں کے قاتلوں سے کوئی پوچھنے والا نہیں، بتائیں سانحہ ساہیوال میں پنجاب حکومت نے کیا کیا۔

اس خبرکوبھی پڑھیں: سانحہ ساہیوال مقدمے میں ملوث تمام ملزمان بری

ایڈیشنل پراسیکیوٹر جنرل پنجاب نے جواب دیا کہ میرے خیال میں کیس ہائیکورٹ میں زیر التوا ہے۔ عدالت نے ایڈیشنل پراسیکیوٹر جنرل پنجاب عابد مجید مرزا کو حکم دیا کہ سانحہ ساہیوال سے متعلق معلومات لیکر جواب جمع کرائیں۔ عدالت نے  قتل کے ملزم پولیس اہلکار حافظ محمد عثمان کی ضمانت منظور کرلی۔ پولیس اہلکار حافظ عثمان پر ایک شہری کو گولی مارنے کا الزام تھا۔

The post سپریم کورٹ نے پنجاب حکومت سے سانحہ ساہیوال رپورٹ طلب کرلی appeared first on ایکسپریس اردو.

from ایکسپریس اردو » پاکستان https://ift.tt/2TouVf0

ایف آئی اے سوسائٹی میں خوف پھیلا رہی ہے اس کا نوٹس دھمکی ہوتی ہے، اسلام آباد ہائی کورٹ

 اسلام آباد: چیف جسٹس اسلام آباد ہائی کورٹ کا  کہنا ہے کہ ایف آئی اے معاشرے میں خوف پھیلا رہی ہے اور اس کا نوٹس دھمکی ہوتی ہے۔

ایکسپریس نیوزکے مطابق اسلام آباد ہائی کورٹ میں ایف آئی اے سائبر کرائم کی جانب سے اختیارات کے بے جا استعمال کے خلاف کیس کی سماعت ہوئی،  ایف آئی اے کے ڈائریکٹر سائبر کرائم عدالت میں ہوئے پیش ہوئے۔

چیف جسٹس اطہر من اللہ نے ڈائریکٹر سائبر کرائم سے مکالمہ کرتے ہوئے ریمارکس دیئے کہ آپ کو کورٹ نے بار بار کہا لیکن عدالتی احکامات پر عمل نہیں ہورہا۔ ڈائریکٹر ایف آئی اے سائبر کرائم نے جواب دیا کہ اس وقت ہزاروں شکایات ہمارے پاس زیر التوا ہیں۔ چیف جسٹس نے یمارکس دیئے کہ یہاں کچھ بنیادی حقوق ہیں ان کا بھی خیال رکھنا ہے آپ اپنے اختیار کو احتیاط سے استعمال کریں، اس تاثر کو ختم کریں کہ ایف آئی اے سائبر کرائم کی جانب سے اختیار کا غلط استعمال ہورہا ہے۔

چیف جسٹس نے ڈائریکٹر سائبر کرائم سے کہا کہ آپ کسی کو جو نوٹس کرتے ہیں اس کے اثرات ہیں یقینی بنانا چاہیے کہ سارا عمل فئیر ہو، آپ نوٹس پر کوئی تاریخ نہیں لکھتے اور کہتے ہیں ہمارے پاس پیش ہو جائیں ایسے تو نہیں ہوتا، آپ کے کئی نوٹس معطل کئے لیکن اس میں کوئی بہتری نہیں آئی، ایک شخص کہتا ہے فلاں کے بارے میں کچھ کہا گیا تو کیا وہ جرم بن جائے گا ؟جس کا وقار کسی نے خراب کیا وہ شکایت کنندہ ہو سکتا ہے، یہ نہیں ہو سکتا میرے خلاف کوئی بات کرے آپ کسی اور کی شکایت پر ایف آئی آر درج کر لیں ایسا نہیں ہے مجھے ہی شکایت کنندہ ہونا ہوگا، آپ سوسائٹی میں خوف پھیلا رہے ہیں ایف آئی اے کا نوٹس تھریٹ ہوتا ہے، ایف آئی اے کا ضابطہ اخلاق ہونا چاہیے کہ آپ نے اختیارات کیسے استعمال کرنے ہیں، اگر ایف آئی اے کے تفتیشی اپنے اختیارات کو غلط استعمال کرے گی تو یہ عدالت مثال ہر کانہ لگائے گی۔

ڈائریکٹر سائبر کرائم ہم نے پورے پاکستان میں آپ کے آرڈرز کو بھیجوا دیا ہے اس پر عمل ہورہا ہے۔ چیف جسٹس نے ریمارکس دیئے کہ عدالت توقع کرتی ہے کہ ایف آئی اے سائبر کرائم اس حوالے سے اختیارات استعمال میں محتاط رہے گی۔

سماعت کے دوران ایڈیشنل اٹارنی جنرل قاسم ودود عدالت کے سامنے پیش ہوئے، اور مؤقف دیا کہ ہم اس حوالے سے میکنزم بنا رہے ہیں ایف آئی اے کے ساتھ میٹنگز ہورہی ہیں۔ چیف جسٹس نے استفسار کیا کہ یہ کون سا طریقہ ہے کہ ایف آئی اے کے تفتیشی واٹس ایپ پر نوٹس بھیجتے ہیں۔ ڈائریکٹر سائبر کرائم  نے جواب دیا کہ ایک شکایت کنندہ جس کے آباؤ و اجداد سے متعلق صحافی بلال غوری نے بات کی اس کو رپورٹ کرایا گیا۔ عدالت نے استفسار کیا کہ اگر کوئی میری فیملی سے متعلق کوئی بات کرے تو کیا میں شکایت درج کرا سکتا ہوں ؟  کیا کرمنل معاملے میں اسکو جرم کہا جا سکتا ہے ؟ کیا شفا یوسفزئی کی شکایت پر ایف آئی اے نیا نوٹس جاری کیا ؟۔

ایف آئی اے تفتیشی کی جانب سے نیا نوٹس عدالت کے سامنے پیش کردیا گیا۔ چیف جسٹس اطہر من اللہ نے ریمارکس دیئے کہ کسی کو وجہ بتائے بغیر نوٹس کرنا اسے دھمکی اور خوفزدہ کرنا ہے، اختیارات کو استعمال کرنے کے لیے آپ کے ایس او پیز ہونے چاہئیں، تفتیشی افسر کو نوٹس جاری کرنے سے پہلے معاملے کی چھان بین کرنی چاہئے، جس کی ساکھ متاثر ہو صرف وہی متاثرہ شخص شکائت کر سکتا ہے، یہ کون سا طریقہ ہے کہ ایف آئی اے کے تفتیشی افسر وٹس ایپ پر نوٹسز بھیجیں؟۔

ڈائریکٹر ایف آئی اے نے عدالت سے کا کہ شکائت کنندہ کے مطابق ستمبر 2020 میں بلال غوری نے میرے آباؤ اجداد کے بارے میں غلط باتیں کہیں۔ چیف جسٹس اطہر من اللہ نے ریمارکس دیئے کہ میرے والد کے بارے میں کوئی کچھ کہے تو کیا وہ کریمنل جرم بنے گا؟ اگر آپ نوٹس کے ساتھ اس کمپلینٹ کی کاپی بھجوا دیتے تو بہتر ہوتا۔

نجی ٹی وی کی اینکرپرسن شفا یوسفزئی کی صحافی اسد طور کے خلاف شکائت پڑھ کر سنائی۔ عدالت نے کہا کہ یہ عدالت اس حوالے سے واضع ہے کہ بنیادی حقوق پر عمل درآمد یقینی بنائے گی، ایف آئی اے کو اس تاثر کو ختم کرنا ہے کہ آپ صرف صحافیوں کو ٹارگٹ کر رہے ہیں، اگر سوسائٹی میں اختلاف رائے نہیں ہو گا تو ٹھیک نہیں ہے، پہلے بھی آپ کو سمجھایا تھا یہ پرسنل معاملہ ہے ،  آپ نے خود تسلیم کیا ہزاروں کیسز ہیں کیسے آپ وضاحت کریں گے کہ کچھ صحافیوں کو ٹارگٹ کیا جا رہا ہے، اگر ایف آئی اے نے اس طرح ہی جاری رکھا تو ایک جرنلسٹ بھی نہیں رہے گا ایک پارلیمنٹیرین نہیں رہے گا، عدالت اس پر نہیں جاتی کہ الزام درست ہے یا نہیں۔ دوسرے کیسز ایف آئی اے نے اس تاثر کو زائل کرنا ہے کہ آپ صرف صحافیوں کو ٹارگٹ کر رہے ہیں۔

The post ایف آئی اے سوسائٹی میں خوف پھیلا رہی ہے اس کا نوٹس دھمکی ہوتی ہے، اسلام آباد ہائی کورٹ appeared first on ایکسپریس اردو.

from ایکسپریس اردو » پاکستان https://ift.tt/3jyzRcd

پاکستان میں کورونا سے مزید 27 افراد جاں بحق، 979 مثبت کیسز رپورٹ

اسلام آباد: ملک میں کوروناوائرس سے مزید 27 افراد جاں بحق ہوگئے جب کہ 979 نئے مثبت کیسز رپورٹ ہوئے ہیں۔

نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ 24 گھنٹوں کے دوران ملک میں کورونا کی تشخیص کے لیے 42 ہزار 062 ٹیسٹ کیے گئے جن میں سے 979 افراد میں کورونا وائرس کی تصدیق ہوئی۔

ملک میں اب تک کورونا کے مصدقہ مثبت کیسز کی تعداد 957,371 ہوگئی ہے جن میں سے 903,484 مریض شفایاب ہو چکے ہیں۔ گزشتہ روز اس وبا نے مزید 27افراد کی زندگیوں کو نگل لیا۔ اس طرح ملک میں اب تک اس وبا سے جاں بحق افراد کی مجموعی تعداد 22 ہزار 281 ہوگئی ہے۔ ملک بھر میں کورونا وائرس کے فعال کیسز کی تعداد میں کمی آئی ہے اور فعال کیسز کی تعداد 31 ہزار 606 ہوگئی ہے۔

کورونا وائرس اوراحتیاطی تدابیر:

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلا کربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

The post پاکستان میں کورونا سے مزید 27 افراد جاں بحق، 979 مثبت کیسز رپورٹ appeared first on ایکسپریس اردو.

from ایکسپریس اردو » پاکستان https://ift.tt/3qCfJav

شناختی کارڈ نہ بننے کے خلاف معذور خاتون ہائی کورٹ پہنچ گئی

کراچی: 31 سالہ معذور خاتون شناختی کارڈ کے لیے دھکے کھانے پر مجبور ہوگئی اور اس نے سندھ ہائی کورٹ سے رجوع کرلیا۔

معذور خاتون نے ہائی کورٹ میں دائر کردہ درخواست میں موقف اپنایا کہ میں 31 سال کی ہو گئی ہوں لیکن قومی شناختی کارڈ نہیں بنایا جارہا، پیروں سے معذور ہونے کے باوجود نادرا دفاتر کے چکر کاٹ رہی ہوں۔

خاتون نے کہا کہ میں نے اپنے والد کو نہیں دیکھا، نہ ہی میں جانتی ہوں، والد کا شناختی کارڈز موجود ہونے کے باعث شناختی کارڈ جاری نہیں کیا جارہا مجھے قومی شناخت دیا جائے۔

The post شناختی کارڈ نہ بننے کے خلاف معذور خاتون ہائی کورٹ پہنچ گئی appeared first on ایکسپریس اردو.

from ایکسپریس اردو » پاکستان https://ift.tt/3hktMwX

لنڈی کوتل میں دھماکا، چار افراد جاں بحق اور چھ زخمی

 پشاور: خیبر پختون خوا کے علاقے لنڈی کوتل کے ایک گھر میں دھماکے سے 4 افراد جاں بحق اور چھ زخمی ہوگئے۔

ایکسپریس نیوز کے مطابق صوبہ خیبر پختون خوا لنڈی کوتل کے علاقے سدوخیل کے ایک گھر میں دھماکا ہوا ہے۔ اطلاع ملتے ہی پولیس اور امدادی ادارے فوری طور پر وہاں پہنچ گئے، زخمیوں اور لاشوں کو فوری طور پر پشاور اسپتال منتقل کردیا گیا۔

پولیس کے مطابق دھماکے کے سبب چار افراد جاں بحق اور چھ زخمی ہوگئے جن میں ایک خاتون اور تین بچے شامل ہیں۔ پولیس حکام کا کہنا ہے کہ تفتیش جاری ہے، شواہد جمع کیے جارہے ہیں اور دھماکے کی نوعیت کا جائزہ لیا جارہا ہے۔

The post لنڈی کوتل میں دھماکا، چار افراد جاں بحق اور چھ زخمی appeared first on ایکسپریس اردو.

from ایکسپریس اردو » پاکستان https://ift.tt/3qyw0x2

کسی بھی دباؤ کی صورت میں چین سے تعلقات متاثر نہیں ہوں گے، وزیراعظم

 اسلام آباد: وزیراعظم عمران خان نے کہا ہے کہ امریکا اور مغربی طاقتوں کا پاکستان کو جانب دارہونے پر مجبور کرنا درست نہیں، کسی دباؤ کی صورت میں چین سے تعلقات متاثر نہیں ہوں گے۔

چینی ٹی وی کو انٹرویو دیتے ہوئے وزیراعظم عمران خان کا کہنا تھا کہ پاکستان کے چین کے ساتھ ہمیشہ سے خاص تعلقات رہے ہیں، چین نے ہر مشکل گھڑی میں پاکستان کا ساتھ دیا۔

وزیراعظم نے کہا کہ خطے میں بڑی طاقتوں کے درمیان ایک عجیب سے کشمکش جاری ہے، امریکا چین کو لے کرتشویش میں ہے، امریکا نے بھارت اور دو مزید ممالک کے ساتھ مل کر خطے میں ایک اتحاد بنایا ہے، امریکا اور مغربی طاقتوں کا پاکستان کو جانب دارہونے پر مجبور کرنا درست نہیں۔

انہوں ںے کہا کہ ہمیں جانب دار ہونے کی ضرورت نہیں، سب کے ساتھ اچھے تعلقات ہونے چاہئیں، کسی بھی دباؤ کی صورت میں چین سے پاکستان کے تعلقات متاثر نہیں ہوں گے۔

The post کسی بھی دباؤ کی صورت میں چین سے تعلقات متاثر نہیں ہوں گے، وزیراعظم appeared first on ایکسپریس اردو.

from ایکسپریس اردو » پاکستان https://ift.tt/3qwVM4I

گھریلو صارفین، پاورسیکٹر اور برآمدی صنعتوں کو بلاتعطل گیس فراہم کی جائے گی، وزارت توانائی

 اسلام آباد: وزارت توانائی نے گیس کی پیداوری کمپنیوں کو کم سے کم وقت میں گیس کی پیداوار بڑھانے اور پی ایس او کو پاور سیکٹر کےلیے تیل کی فراہمی بڑھانے کے احکامات دے دیےہیں۔

وزارت توانائی  کے ترجمان کا کہنا ہے کہ بجلی کی طلب کو پورا کرنے کے لیے فرنس آئل اور ڈیزل سے بجلی پیدا کی جارہی ہے۔ پٹرولیم ڈویژن کی جانب سے گیس پیداوار بڑھانے سے متعلق ریفائنریز کو ہدایات جاری کردی گئیں ہیں، جب کہ پاور پلانٹس کو مقامی گیس کی فراہمی معمول سے بڑھادی ہے۔ جب کہ گیس کی پیداوری کمپنیوں کو کم سے کم وقت میں گیس کی پیداوار بڑھانے اور پی ایس او کو پاور سیکٹر کو تیل کی فراہمی بڑھانے کے احکامات بھی دے دیے گئے ہیں۔

ترجمان کے مطابق 25 جولائی سےپہلے پہلے ایل ایس ایف او کے دو اور 31 جولائی سے پہلے فرنس آئل کے دو کارگوز پاکستان پہنچ جائیں گے جب کہ پی ایس او نے لوسلفر فرنس آئل کے دو کارگوزکے لیے ٹینڈرز دے دیے ہیں۔

ترجمان نے کہا ہے کہ پیٹرولیم ڈویژن نے ایل این کے بحران پر قابو پانےکے لیے منصوبہ تیار کرلیا ہے جس کے تحت پہلے ایل این جی ٹرمینل کی بندش کے دوران دوسرا ٹرمینل 600 ایم ایم سی ایف ڈی گیس فراہم کرے گا۔ اور چار جولائی تک دونوں ٹرمینلز سے گیس کی فراہمی 824 ایم ایم سی ایف ڈی تک پہنچ جائے گی۔ ترجمان کا کہنا ہے کہ پانچ جولائی سے ایل این جی کا پہلا ٹرمینل گیس کی فراہمی شروع کردے گا، اور پانچ جولائی کو دونوں ٹرمینلزسے 1152 ایم ایم سی ایف ڈی گیس فراہم کی جائے گی۔

ترجمان نے بتایا کہ گیس کی قلت کے دورانیے میں گھریلو صارفین، کمرشل اور پاورسیکٹر اور برآمدی صنعتوں کو بلاتعطل گیس فراہم کی جائے گی۔  جب کہ گیس شارٹ فال سے نمٹںے کے لیے سی این جی اورسیمنٹ سیکٹر کو محدود گیس فراہم کی جارہی ہے۔ نان ایکسپورٹ انڈسٹری کو گیس کی فراہمی محدود کردی گئی ہے اور گیس قلت سے بچنے کے لیے اضافی مقامی گیس سسٹم میں شامل کی جارہی ہے۔

The post گھریلو صارفین، پاورسیکٹر اور برآمدی صنعتوں کو بلاتعطل گیس فراہم کی جائے گی، وزارت توانائی appeared first on ایکسپریس اردو.

from ایکسپریس اردو » پاکستان https://ift.tt/3hgdvJI

قتل اور بھتہ خوری میں ملوث لیاری گینگ وار کے 5 ملزمان گرفتار

کراچی  : سندھ رینجرز اور پولیس نے انٹیلی جنس معلومات کی بنیاد پر لیاری میں رانگی واڑہ اور مولا مدد میں مشترکہ کارروائی کرتے ہوئے قتل، اقدامِ قتل، بھتہ خوری اور مسلح ڈکیتی کی متعدد وارداتوں میں مطلوب 5 ملزمان کو گرفتار کرلیا۔

ترجمان سندھ رینجرز کے مطابق پاکستان رینجرز سندھ اور پولیس نے انٹیلی جنس معلومات کی بنیاد پر لیاری میں رانگی واڑہ اور مولا مدد میں مشترکہ کارروائی کرتے ہوئے قتل، اقدامِ قتل، بھتہ خوری اور مسلح ڈکیتی کی متعدد وارداتوں میں مطلوب 5 ملزمان سرور بلوچ، فائز عرف فیضی، صہیم عرف فہیم، جمشید اور شیراز کو گرفتار کرلیا۔

ترجمان سندھ رینجرز کے مطابق ملزمان فائز عرف فیضی اور صہیم عرف فہیم نے ملزم سرور بلوچ کے ایماء پر لیاری کے علاقے کھڈا مارکیٹ میں واقع بسم اللہ ہوٹل کے مالک محمد حنیف سے بھتہ نہ ملنے پر 6 اپریل 2021 کو ہوٹل پر فائرنگ کی جس کے نتیجے میں ہوٹل مالک کا بیٹا امان اللہ اورایک گاہک موقع پر ہلاک ہوگئے جس کی ایف آئی آر پولیس تھانہ کلری میں درج ہے۔

ترجمان کے مطابق دوران تفتیش ملزم سرور بلوچ نے اعتراف کیا کہ وہ 2009ء سے 2013ء تک لیاری گینگ وار سے منسلک رہا اور بھتہ خوری، منشیات فروشی اور گینگ وار کے مسلح مقابلوں میں شامل رہا، 2013ء میں کراچی آپریشن شروع ہوتے ہی ملزم اندرونِ سندھ فرار ہو گیا تھا اور 2019ء تک روپوش رہا۔

رینجرز کے ترجمان نے بتایا کہ 2019ء کے آخر میں دوبارہ لیاری میں رہائش اختیار کی اور مذکورہ بالا ملزمان کے ساتھ مل کر بھتہ خوری اور مسلح ڈکیتی جیسے جرائم میں ملوث رہا گرفتار ملزمان کو مع اسلحہ ایمونیشن قانونی کارروائی کے لیے پولیس کے حوالے کردیا گیا ہے۔

ترجمان سندھ رینجرز نے عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر03479001111 پر کال یا ایس ایم ایس کے ذریعے دیں، اطلاع دینے والے کا نام راز میں رکھا جائے گا۔

The post قتل اور بھتہ خوری میں ملوث لیاری گینگ وار کے 5 ملزمان گرفتار appeared first on ایکسپریس اردو.

from ایکسپریس اردو » پاکستان https://ift.tt/2Ta6ZMD

خیبر پختونخوا کے سرکاری اسکولوں میں موسم گرما کی چھٹیوں کا اعلان

محکمئہ تعلیم خیبر پختونخوا نے صوبے کے سرکاری اسکولوں میں موسم گرما کی تعطیلات کا اعلان کردیا ہے۔

خیبر پختونخوا کی وزارت تعلیم کی جانب سے جاری ہونے والے اعلامیے میں صوبے کے تمام سرکاری پرائمری، مڈل اور ہائیر سیکنڈری اسکولوں میں  موسم گرما کی تعطیلات کا اعلان کردیا ہے۔

اعلامیے کے مطابق سرکاری اسکول یکم جولائی سے 11 جولائی تک بند رہیں گے۔

The post خیبر پختونخوا کے سرکاری اسکولوں میں موسم گرما کی چھٹیوں کا اعلان appeared first on ایکسپریس اردو.

from ایکسپریس اردو » پاکستان https://ift.tt/2UemIKr

پنجاب کے سرکاری اسکولوں میں گرمیوں کی چھٹیوں کا اعلان

 لاہور: وزارتِ تعلیم پنجاب نے صوبے  کے سرکاری اسکولوں میں گرمیوں کی چھٹیوں کا اعلان کردیا ہے۔
صوبائی وزیر تعلیم مراد راس نے اپنی ٹوئٹ میں صوبے کے سرکاری اسکولوں میں ایک ماہ کی گرمیوں کی تعطیلات کا اعلان کردیا۔ چھٹیوں کا دورانیہ  یکم جولائی سے یکم اگست تک ہوگا۔ انہوں نے والدین اور بچوں سے گھروں پر رہنےاور ایس او پیز پر عمل درآمد کی درخواست بھی کی۔

ANNOUNCEMENT
Summer vacation for Schools of Punjab to start July 1st, 2021 till August 1st, 2021. In these times of vacation, my request to all the children and their families is to follow SOPs issued by the government.

— Murad Raas (@DrMuradPTI) June 29, 2021

The post پنجاب کے سرکاری اسکولوں میں گرمیوں کی چھٹیوں کا اعلان appeared first on ایکسپریس اردو.

from ایکسپریس اردو » پاکستان https://ift.tt/2SxLhl8

پتوکی میں بدبخت باپ نے اپنی بیٹی کو زیادتی کا نشانہ بنا ڈالا

پتوکی: بدبخت باپ نے اپنی ہی بیٹی کو جنسی زیادتی کا نشانہ بنا ڈالا ہے۔

چائلڈ پروٹیکشن بیورو کی چیئرپرسن سارہ احمد کا کہنا ہے کہ پرائم منسٹر پورٹل پر شکایت کے بعد بیورو کی ریسکیو ٹیم نے پتوکی میں کارروائی کر کے متاثرہ لڑکی کو بازیاب کرالیا، لڑکی کی عمر 15 سال ہے، لڑکی کے والد نے اسے جنسی زیادتی کا نشانہ بنایا۔

سارہ احمد کے مطابق ریسکیو ٹیم نے پولیس کے ساتھ مشترکہ کارروائی کرتے ہوئے جنسی زیادتی کی شکار لڑکی کی بہن کو تحویل میں لے لیا، متاثرہ لڑکی نے والد کے خلاف کارروائی کے لیے پولیس کو تحریری درخواست دی جس کے بعد پولیس نے ملزم باپ کو گرفتار کرلیا۔

بیورو کی چیئرپرسن کا کہنا ہے کہ زیادتی کا شکار لڑکی کو مکمل تحفظ  اور انصاف فراہم کیا جائے گا۔

The post پتوکی میں بدبخت باپ نے اپنی بیٹی کو زیادتی کا نشانہ بنا ڈالا appeared first on ایکسپریس اردو.

from ایکسپریس اردو » پاکستان https://ift.tt/35XvM9g

وزارت صحت نے عید الاضحیٰ سے متعلق نئی ہدایات جاری کردیں

اسلام آباد: وزارت صحت کی جانب سے عید الاضحیٰ سے متعلق نئی ہدایات جاری کردی گئی ہیں۔

وزارت صحت کی جانب سے جاری بیان میں کہا گیا ہے کہ یہ ہدایات مویشی منڈی، نماز عید، قربان گاہوں سے متعلق ہیں جن کا  مقصد نماز عید، قربانی کیلئے شہریوں کو رہنمائی فراہم کرنا ہے۔

وزارت صحت کے مطابق کورونا وائرس کی نئی قسم تیزی سے پھیل رہی ہے اور یہ کورونا کی نئی لہر کا سبب بن رہی ہیں، مویشی منڈیوں  میں کورونا سے بچاؤ کے لیے ایس او پیز پر عمل درآمد کیا جائے، مویشی منڈیوں میں سماجی فاصلہ یقینی بنایا جائے،  شہری عید الاضحیٰ کے دوران صرف ضروری  سفر سے کریں کیوں کہ نئی کورونا لہر کا خدشہ موجود ہے ۔

گائیڈلائنز کے مطابق سماجی فاصلے کا خیال رکھیں، فیملی تقریبات اور عید پر گلے ملنے سے اجتناب کیا جائے ،کورونا پھیلاؤ کا باعث بن سکتا ہے، ہجوم والی جگہوں پر اور نماز عید کے دوران رش سے کورونا وائرس پھیل سکتا ہے،  قربانی کے جانوروں کی آن لائن خریداری کو ترجیح دی جائے اور مویشی منڈیوں کے لیے کھلی جگہ کا انتخاب کیا جائے۔

وزارت صحت سے جاری گائیڈ لائنز میں کہا گیا ہے کہ ماسک کے بغیر لوگوں کا مویشی منڈی داخلے پر پابندی عائد کی جائے، منڈیوں کے داخلی ،خارجی راستوں پر سینیٹائزر رکھے جائیں، مویشی فروحت کرنے والوں کے لیے ویکیسن لازمی قرار دی جائے، ویکسین کے بغیر مویشی کی فروحت کا کاروبار نہیں کر سکیں گے، خریدار ماسک پہن کر منڈی جاہیں، بخار ،نزلہ زکام ،کھانسی اور گلہ خراب ہونے والے افراد مویشی منڈی نہ جاہیں، خریداری ،بیوپاری سے دو میٹر کا فاصلہ رکھیں۔

The post وزارت صحت نے عید الاضحیٰ سے متعلق نئی ہدایات جاری کردیں appeared first on ایکسپریس اردو.

from ایکسپریس اردو » پاکستان https://ift.tt/2TbM6AG

کے ایم سی کا 25 ارب 98 کروڑ سے زائد کا بجٹ منظور، کوئی نیا ٹیکس نہیں لگایا

 کراچی: بلدیہ عظمیٰ کراچی کے آئندہ مالی سال 2021-22 کے 25 ارب 98 کروڑ  24 لاکھ روپے سے زائد کے بجٹ کی منظوری دے دی گئی۔

ایکسپریس نیوز کے مطابق 1 کروڑ 19 لاکھ 47 ہزار روپے کے بجٹ میں اخراجات کا تخمینہ 25 ارب 97 کروڑ 4 لاکھ 67 ہزار روپے لگایا گیا ہے، ایڈمنسٹریٹر کراچی لئیق احمد نے حکومت سندھ کے نوٹیفکیشن کے تحت سٹی کونسل کے اختیارات استعمال کرتے ہوئے بجٹ کی منظوری دی جس میں کوئی نیا ٹیکس شامل نہیں کیا گیا ہے۔ اس موقع پر میٹروپولیٹن کمشنر دانش سعید، مشیر مالیات غلام مرتضیٰ بھٹو، سینئر ڈائریکٹر کوآرڈینیشن خالد خان، سینئر ڈائریکٹر فنانس اینڈ اکاؤنٹس راشد نظام، ڈائریکٹر بجٹ ناصر محمود، ڈائریکٹر ویلفیئر محمود بیگ، ڈائریکٹر پلاننگ آفاق مرزا اور دیگر افسران بھی موجود تھے۔

ایڈمنسٹریٹر کراچی لئیق احمد نے بجٹ کی منظوری دیتے ہوئے بتایا کہ آئندہ مالی سال کے بجٹ میں ان ترقیاتی اسکیموں کو ترجیح دی گئی ہے جن کا تعلق مفاد عامہ سے ہے، غیرترقیاتی اسکیمیں کم سے کم رکھی گئی ہیں، کراچی کے انفراسٹرکچر کو بہتر بنانے کے لئے سڑکوں، باغات، کھیل کے میدان، اسپورٹس کمپلیکس اور انجینئرنگ کے نئے اور جاری منصوبے شامل کئے گئے ہیں جبکہ سالانہ ترقیاتی پروگرام کے تحت شہریوں کو سہولت پہنچانے والی اسکیموں کو، جن میں گزشتہ مالی سال کے دوران شروع ہونے والی 200 اسکیمیں شامل ہیں، تیزی سے کام کرکے آئندہ سال مکمل کرلیا جائے گا۔

لئیق احمد نے بتایا کہ بلدیہ عظمیٰ کراچی کا آئندہ مالی سال کا بجٹ متوازن اور شہر کی ترقی و بہتری کا باعث ہوگا اور اس کے ذریعے شہر میں انفراسٹرکچر کو بہتر بنانے کا عمل جاری رہے گا، مالی سال 2021-22 کے دوران متوقع ریونیو کے اہداف کو حاصل کرنے پر توجہ مرکوز رہے گی اور غیر ترقیاتی اخراجات کو کم سے کم رکھا جائے گا جبکہ ترقیاتی کاموں پر توجہ دی جائے گی۔

ایڈمنسٹریٹر کراچی لئیق احمد نے کہا کہ مون سون سیزن کی آمد کے پیش نظر ان اسکیموں کو ترجیح دی جائے گی جن سے اس سیزن میں شہریوں کو ریلیف ملنے کی توقع ہے، برساتی نالوں کی صفائی کا عمل جاری ہے اور آئندہ بھی یہ عمل تواتر کے ساتھ جاری رہے گا، مختلف محکموں کے لئے ان کی ذمہ داریوں کے حساب سے فنڈز مختص کئے ہیں، سب سے زیادہ فنڈز میڈیکل اینڈ ہیلتھ کے شعبہ کے لئے مختص کئے ہیں تاکہ شہریوں کو بہتر اور معیاری علاج معالجے کی سہولت میسر آسکے، تفریحی سہولیات کی فراہمی کے لئے بلدیہ عظمیٰ کراچی کے چڑیا گھر، ہل پارک، کڈنی ہل پارک، باغ ابن قاسم سمیت تمام اہم مقامات کو بہتر بنایا جائے گاجبکہ مجموعی طور پر کے ایم سی کے 45 پارکس کو ترقی دی جائے گی اور فائر بریگیڈ کو ضروری سامان سے آراستہ کیا جائے گا۔

انہوں نے بتایا کہ کے ایم سی بجٹ میں آمدنی کا سب سے بڑا ذریعہ حکومت سے ملنے والا اوزیڈ ٹی شیئراینڈ گرانٹ ان ایڈ 15  ارب 7 کروڑ 56 لاکھ 62 ہزار روپے ہے جبکہ ڈسٹرکٹ اے ڈی پی کی مد میں 5  ارب روپے سے زائد وصولی متوقع ہے، آئندہ مالی سال کے بجٹ میں ترقیاتی کاموں کیلئے مجموعی طور پر 2  ارب 45 کروڑ 18 لاکھ روپے مختص کئے گئے ہیں، بلدیہ عظمیٰ کراچی کے ریونیومحکموں سے وصولی کا تخمینہ ایک ارب 70 کروڑ روپے اور محکمہ ایم یو سی ٹی سے وصولی کا تخمینہ ایک ارب ہے، ”کے الیکٹرک“ پر 1  ارب 85 کروڑ روپے کے واجبات اور کے پی ٹی پر 10کروڑ روپے کے واجبات بجٹ میں دکھائے گئے ہیں، اسی طرح آئندہ مالی سال کے دوران متوقع ریونیو کی مد میں ورلڈ بنک فنڈڈ پروجیکٹ کلک سے 1ارب 53 کروڑ 60لاکھ روپے، کلچر، اسپورٹس اینڈ ریکریشن سے 18کروڑ47لاکھ، ٹرانسپورٹ اینڈ کمیونیکیشن سے 26کروڑ 15لاکھ، ویٹرینری سروسز سے 22کروڑ29لاکھ 59ہزار، میونسپل سروسز سے 20کروڑ 10لاکھ، ایس بی سی اے سے انکم ٹرانسفر کی مد میں 10کروڑ، انجینئرنگ ڈپارٹمنٹ سے 9کروڑ 50لاکھ، میڈیکل اینڈ ہیلتھ سروسز سے 8کروڑ 14 لاکھ 15ہزار، پارکس اینڈ ہارٹی کلچر سے 3کروڑ 57لاکھ 80ہزار، انٹر پرائز اینڈ انویسٹمنٹ پروموشن سے 1کروڑ56لاکھ 25ہزار، سیکریٹریٹ وغیرہ سے دس لاکھ اورانفارمیشن ٹیکنالوجی سے 10ہزار روپے بجٹ میں شامل کئے گئے ہیں۔

ایڈمنسٹریٹر کراچی لئیق احمد کے مطابق اخراجات کی مد میں سب سے بڑی رقم 5ارب 21لاکھ31ہزار روپے محکمہ میڈیکل اینڈ ہیلتھ سروسز کیلئے مختص کی گئی ہے جبکہ ڈسٹرکٹ اے ڈی پی کی مد میں اخراجات کا تخمینہ 5 ارب اور ڈیبٹ سروسنگ، ٹرانسفر فنڈز برائے پینشن اور دیگر متفرق اخراجات کیلئے 4ارب90کروڑ59لاکھ دکھایا گیاہے، دیگر محکموں میں میونسپل سروسز کیلئے 3 ارب 38کروڑ95 لاکھ، کلک  ورلڈ بینک فنڈڈ پروجیکٹ کیلئے 1ارب 53 کروڑ 60لاکھ، ریونیو محکموں بشمول لینڈ، اسٹیٹ، زیڈ او ٹی، انفورسمنٹ، کچی آبادی، پی ڈی اورنگی اور چارجڈ پارکنگ کیلئے 1ارب 26کروڑ34 لاکھ، محکمہ انجینئرنگ کیلئے 1ارب 19کروڑ43لاکھ، پارکس اینڈ ہارٹی کلچر کیلئے 1ارب 3 کروڑ 94لاکھ، سیکریٹریٹ وغیرہ کیلئے 85کروڑ20لاکھ، کلچر اسپورٹس اینڈ ریکریشن کیلئے 84کروڑ33لاکھ46ہزار، فنانس اینڈ اکاؤنٹس اور ایم یو سی ٹی کیلئے 34کروڑ54لاکھ68ہزار، محکمہ قانون کیلئے 16کروڑ49لاکھ26ہزار، انٹر پرائز اینڈ انویسٹمنٹ پروموشن کیلئے 8کروڑ86لاکھ، ٹرانسپورٹ اینڈ کمیونیکیشن کیلئے 7کروڑ12لاکھ، اور انفارمیشن ٹیکنالوجی ڈپارٹمنٹ کیلئے 6کروڑ20لاکھ روپے رکھے گئے ہیں۔

انہوں نے مزید کہا کہ آئندہ مالی سال کے دوران جن ترقیاتی منصوبوں کیلئے رقم مختص کی گئی ہے ان میں مچھلی چوک سے کینپ وڈ تک سڑک کی تعمیر کیلئے 80 کروڑ روپے، علامہ شبیر احمد عثمانی روڈ کی بحالی و ترقی کیلئے30 کروڑ، برساتی نالوں کی صفائی کیلئے 12 کروڑ، تمام پلوں کے ایکس پینشن جوائنٹس کی مرمت کیلئے 10کروڑ، ذوالفقارآباد آئل ٹینکرز ٹرمینل پر ڈرینج / سیوریج لائنز کی فراہمی وتنصیب کیلئے 10 کروڑ، ہیپوڈروم کی تزئین ومرمت کیلئے 8کروڑ10لاکھ، فش ایکوریم کی ترقی و بہتری کیلئے 8کروڑ، سڑکوں، فٹ پاتھوں اور پلوں کی ترقی و مرمت کیلئے 8کروڑ، ایمپریس مارکیٹ سے متصل شہاب الدین مارکیٹ پارکنگ پلازہ کیلئے 7کروڑ، کے ایم سی کے اسپتالوں میں وینٹی لیٹرز کی خریداری کیلئے 6کروڑ 80لاکھ، مائی کولاچی روڈ پر اسٹریٹ لائٹس کی تنصیب ومرمت کیلئے 6کروڑ، سڑکوں کے اطراف شجر کاری کیلئے 5کروڑ، کراچی چڑیا گھر اور سفاری پارک میں جانوروں اورپرندوں کی خریداری کیلئے 5کروڑ، کے ایم سی کے اسپتالوں میں طبی، برقی اور دیگر آلات کی خریداری کیلئے4 کروڑ 90 لاکھ، سفاری پارک اور چڑیا گھر کی ترقی اور بہتری کیلئے 4کروڑ جبکہ آغا خان پارک میں بیڈمنٹن پارک کی تعمیر کیلئے ڈیڑھ کروڑ روپے رکھے گئے ہیں۔

The post کے ایم سی کا 25 ارب 98 کروڑ سے زائد کا بجٹ منظور، کوئی نیا ٹیکس نہیں لگایا appeared first on ایکسپریس اردو.

from ایکسپریس اردو » پاکستان https://ift.tt/3jpywnH

کلفٹن میں رہائش پذیر افراد کے لیے پالتو کتوں کی رجسٹریشن لازمی قرار

 کراچی: کنٹونمنٹ بورڈ کلفٹن میں رہنے والے مکینوں کے لیے پالتو کتوں کی رجسٹریشن لازمی قرار دیدی گئی۔

کنٹونمنٹ بورڈ کے اعلامیے کے مطابق سی بی سی کی حدود میں رہائش پذیر مکین اپنے پالتو کتوں کی باقاعدہ رجسٹریشن کرائیں گے، پالتوں کتوں کے حوالے سے مالکان مکمل معلومات فراہم کرنے کے مجاز ہوں گے، پالتو کتوں کی رجسٹریشن کنٹونمنٹ ایکٹ 1924 کے شق نمبر 119 کے تحت کی جارہی ہے، گھروں میں کتے پالنے والے مکین اپنا نام، شناختی کارڈ نمبر، پتہ، رابطہ نمبر، کتے کی نسل، جنس اور رنگ کی تفصیلات فراہم کریں گے۔

اس خبر کو بھی پڑھیں : کراچی میں پالتو کتوں نے واک کرنے والے شہری کو بھنبوڑ ڈالا

اس بات کی بھی معلومات دی جائیں کہ کتا رکھنے کا کیا مقصد ہے اور اس کی ویکسینشن کب کرائی گئی۔ ذرائع کا کہنا ہے کہ رجسٹریشن فارم کے ہمراہ پالتو کتے کی تصویر، ویکسنیشن کارڈ اور ویٹنری ڈاکٹرکی رپورٹ منسلک کرنا بھی لازم ہوگا۔

واضح رہے کہ چند روز قبل کلفٹن میں پالتو کتوں نے حملہ کرکے شہری کو شدید زخمی کردیا جس پر متاثرہ شہری نے مقدمہ درج کرایا تھا۔

The post کلفٹن میں رہائش پذیر افراد کے لیے پالتو کتوں کی رجسٹریشن لازمی قرار appeared first on ایکسپریس اردو.

from ایکسپریس اردو » پاکستان https://ift.tt/2Ucjnfb

سونا 900 روپے فی تولہ سستا ہوگیا

 کراچی: سونے کی فی تولہ قیمت میں 900 روپے کی کمی واقع ہوگئی۔

بین الاقوامی بلین مارکیٹ میں فی اونس سونے کی قیمت 10 ڈالر کی کمی سے 1768 ڈالر کی سطح پر پہنچنے کے باعث مقامی صرافہ مارکیٹوں میں بھی منگل کو فی تولہ اور فی دس گرام سونے کی قیمتوں میں بالترتیب 900 روپے اور 772 روپے کی کمی واقع ہوگئی۔

اس کے نتیجے میں کراچی ، حیدرآباد ، سکھر ، ملتان ، لاہور ، فیصل آباد ، راولپنڈی ، اسلام آباد ، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 108600 روپے اور فی دس گرام سونے کی قیمت گھٹ کر 93107 روپے ہوگئی۔

اسی طرح فی تولہ چاندی کی قیمت بھی 10روپے گھٹ کر  1410 روپے اور دس گرام چاندی کی قیمت 8.58روپے گھٹ  کر 1208.84روپے ہوگئی۔

The post سونا 900 روپے فی تولہ سستا ہوگیا appeared first on ایکسپریس اردو.

from ایکسپریس اردو » پاکستان https://ift.tt/3h5kfeB

فردوس شمیم نقوی کا سندھ اسمبلی کی رکنیت سے مستعفی ہونے کا اعلان

کراچی: پی ٹی آئی کے رکن سندھ اسمبلی فردوس شمیم نقوی نے مستعفی ہونے کا اعلان کردیا۔

سندھ اسمبلی کے باہر میڈیا سے بات کرتے ہوئے پاکستان تحریک انصاف کے رہنما اور رکن سندھ اسمبلی فردوس شمیم نقوی نے کہا کہ پچھلے تین سال سے جمہوریت کا جنازہ دیکھتے آرہے ہیں، کل قائد حزب اختلاف کا مائیک کھولنے کی اجازت نہیں دی اور اراکین کو معطل کیا گیا۔

فردوس شمیم نقوی کا کہنا تھا کہ اس ایوان میں اپنے حلقے کی خدمت نہیں کرسکا، میں احتجاجاً سندھ حکومت کے خلاف استعفیٰ فلور پر دیکر آچکا ہوں، میرے پاس احتجاج کے لیے سڑکیں موجود ہیں۔

دوسری جانب سندھ اسمبلی میں اپوزیشن لیڈر اور پی ٹی آئی رہنما حلیم عادل شیخ نے کہا کہ چوروں لٹیروں ڈاکووں کو معاف نہیں کریں گے، میثاق جمہوریت پر عمل نہیں ہورہا، جمہوریت پر چھری چلانا شروع کی گئی ہے۔

The post فردوس شمیم نقوی کا سندھ اسمبلی کی رکنیت سے مستعفی ہونے کا اعلان appeared first on ایکسپریس اردو.

from ایکسپریس اردو » پاکستان https://ift.tt/3hjgZuO

2 سالہ بچی کوزیادتی کے بعد قتل کرنے والے مجرم کو دوبارسزائے موت

سرگودھا: دوسالہ بچی کوزیادتی کے بعد قتل کرنے والے مجرم کو دوبارسزائے موت اورعمرقید کی سزا سنادی گئی۔ 

ایکسپریس نیوزکے مطابق سرگودھا میں ایڈیشنل سیشن جج کوٹ مومن ظفراللہ نیازی نے دوسالہ بچی کوزیادتی کے بعد قتل کرنے والے مجرم کو دوبارسزائے موت اورعمرقید کی سزا سنا دی گئی۔ مجرم کوپانچ لاکھ روپے ہرجانہ بھی ادا کرنا ہوگا۔

پولیس نے جیو فینسنگ کے ذریعے مجرم کو گرفتارکرکے چالان عدالت میں پیش کیا تھا۔ مجرم مبشرنے للیانی میں دوسالہ بچی کو اغوا کے بعد زیادتی کا نشانہ بنایا اورگلہ دبا کرقتل کردیا تھا۔

The post 2 سالہ بچی کوزیادتی کے بعد قتل کرنے والے مجرم کو دوبارسزائے موت appeared first on ایکسپریس اردو.

from ایکسپریس اردو » پاکستان https://ift.tt/3hkkP6S

دفاعی ادارے کو گاڑیوں میں ٹریکنگ نمبر پلیٹس کا ٹینڈر دینے کا حکم

 کراچی: سندھ ہائیکورٹ نے جدید ٹریکنگ نمبر پلیٹس سے متعلق بڑا حکم جاری کرتے ہوئے ٹینڈر میں استثنی دینے کیخلاف نجی کنٹریکٹر کی درخواست مسترد کردی۔

جسٹس محمد جنید غفار اور جسٹس مسز راشدہ اسد پر مشتمل دو رکنی بینچ نے سندھ میں گاڑیوں میں جدید ٹریکنگ نمبر پلیٹس لگانے سے متعلق محفوظ فیصلہ سنادیا۔ سندھ میں گاڑیوں میں جدید ٹریکنگ نمبر پلیٹس لگانے کی راہ ہموار ہوگئی۔

عدالت نے وزارت دفاع کے ماتحت ادارے کو جدید ٹریکر نمبر پلیٹس کا ٹینڈر درست قرار دیدیا اور ٹینڈر میں استثنی دینے کے خلاف نجی کنٹریکٹر کی درخواست مسترد کردی۔ عدالت نے فیصلے میں کہا ہے کہ جدید ٹریکنگ نمبر پلیٹس پر تمام قانون نافذ کرنے والے اداروں کی مشاورت ہونی چاہیے۔ گاڑیوں میں عالمی سطح کی جدید ٹریکنگ نمبرز پلیٹس لگائی جائیں۔

سندھ حکومت نے موقف اختیار کیا کہ ایف آر آئی ڈی نمبر پلیٹس بنانا حساس کام ہے۔ حساسیت کے پیش نظر یہ ٹینڈر این آر ٹی سی کو دیا گیا۔ ایف آر آئی ڈی نمبر پلیٹس صرف نیشنل ریڈیو اینڈ ٹیلی کمیونیکیشن کارپوریشن ہی بنا سکتی ہے۔

سرکاری وکیل نے موقف دیا تھا کہ معاملے کی حساسیت کے تحت سندھ حکومت کو استثنی دینے کا اختیار حاصل ہے۔ نجی کنٹریکٹر کی جانب سے اعتراض کو مسترد کردیا جائے۔ عدالت نے نجی کنٹریکٹر کی درخواست مسترد کردی۔ درخواست پر فیصلہ جسٹس محمد علی مظہر اور جسٹس ارشد حسین خان نے محفوظ کیا تھا۔

The post دفاعی ادارے کو گاڑیوں میں ٹریکنگ نمبر پلیٹس کا ٹینڈر دینے کا حکم appeared first on ایکسپریس اردو.

from ایکسپریس اردو » پاکستان https://ift.tt/3y7XfB1

گوادر میں ڈیم بنانے کیلئے زمینوں پر قبضوں کیخلاف احتجاج

گوادر: شنزانی ڈیم متاثرین نے صوبائی حکومت کے خلاف احتجاجی ریلی نکالی اور مظاہرہ کیا۔

مظاہرین نے نعرے بازی کرتے ہوئے کہا کہ صوبائی حکومت ڈیم بنانے کے نام پر زمینداروں کی ہزاروں ایکڑ اراضیات پر قبضہ کررہی ہے، آباؤ اجداد کی زمینوں کو سرکاری اراضی کہنا حق تلفی ہے۔

مظاہرین کا کہنا تھا کہ یہ ہماری جدی پشتی زمینیں ہیں اور ہمارے گھر یہاں پر آباد ہیں، ہمیں ہماری اراضیات پر جانے بھی نہیں دیا جا رہا اور زمینداروں کو معاوضہ بھی نہیں دیا جارہا۔

The post گوادر میں ڈیم بنانے کیلئے زمینوں پر قبضوں کیخلاف احتجاج appeared first on ایکسپریس اردو.

from ایکسپریس اردو » پاکستان https://ift.tt/3hjBYgX

لاہور دھماکے میں بھارتی اور افغان خفیہ ایجنسیوں کے ملوث ہونے کا انکشاف

 اسلام آباد: لاہور دھماکے میں افغان انٹیلی جنس ایجنسی این ڈی ایس اور بھارتی خفیہ ایجنسی را کے ملوث ہونے کا انکشاف ہوا ہے جس سے دونوں ممالک کی خفیہ ایجنسیوں کا گٹھ جوڑ بے نقاب ہوگیا۔

ذرائع کے مطابق لاہور دھماکے میں بھارت اور افغانستان کی خفیہ ایجنسیوں را اور این ڈی ایس کے ملوث ہونے کا انکشاف ہوا ہے۔ ملکی خفیہ ایجنسیوں نے ایک بار پھر مذموم عزائم کا سراغ لگا لیا جس سے بھارت کے مذموم عزائم کھل کر سامنے آگئے۔

ایک بار پھر ثابت ہوگیا کہ را اور این ڈی ایس کے ذریعے پاکستان میں دہشت گرد کارروائیاں کر کے ملک میں قائم امن اور آشتی کو خراب کرنے کی کوشش کی جارہی ہے۔ پاکستا ن ایک عرصے سے اس حوالے سے عالمی قوتوں کے سامنے سوالات اُٹھاتا رہا ہے۔

پاکستان کی انٹیلی جنس ایجنسیز نے اس حوالے سے بار ہا ثبوت دُنیا کے سامنے رکھے ہیں جب کہ ڈی جی آئی ایس پی آر میجر جنرل بابر افتخار اور وزیر خارجہ شاہ محمود قریشی، این ڈی ایس اور را کے گٹھ جوڑ کو پہلے ہی ڈوزئیر کی شکل میں دُنیا کے سامنے بے نقاب کر چکے ہیں۔

بلوچستان، قبائلی اضلاع اور لائن آف کنٹرول پر مسلسل ناکامی کے بعد را اوراین ڈی ایس کی بے چینی میں مزید اضافہ ہوا ہے، پاکستان میں امن اور ترقی دُشمن کی آنکھوں میں کھٹکنے لگی ہے اور اسی لیے سلیپر ز سیل کے ذریعے دہشت گردی کی کارروائیوں کی ناکام کوشش کی گئی۔

دشمن بھول گیا کہ پاکستان کی سیکیورٹی مضبوط ہاتھوں میں ہے۔ پاک سرزمین کی انٹیلی جنس ایجنسیز اس حوالے سے مکمل چوکنا اور دُشمن انٹیلی جنس ایجنسیز کے منصوبوں کو ناکام بنانے کے لئے دن رات مصروف عمل ہیں۔ دشمن کے منصوبے کسی صورت کامیاب نہیں ہوں گے۔

اس تمام صورت حال میں یہ سوال بھی اُٹھتا ہے کہ ٹھوس شواہد کے باوجود کیا بین الاقوامی ادارے اب ہندوستان کو کٹہرے میں لائیں گے یا اب بھی پاکستان کو ہی مورد الزام ٹھہرایا جاتا رہے گا؟

The post لاہور دھماکے میں بھارتی اور افغان خفیہ ایجنسیوں کے ملوث ہونے کا انکشاف appeared first on ایکسپریس اردو.

from ایکسپریس اردو » پاکستان https://ift.tt/2U7oOfe

فنانس بل 2021-22 منظوری کے لیے قومی اسمبلی میں پیش

 اسلام آباد: وزیر خزانہ شوکت ترین نے فنانس بل 2021-22 منظوری کیلئے ایوان میں پیش کر دیا۔

اسپیکر اسد قیصر کی زیر صدارت قومی اسمبلی کا اجلاس جاری ہے جس میں وفاقی حکومت نے بجٹ منظوری سے متعلق تمام تیاریاں مکمل کرلی ہیں۔ وزیر خزانہ شوکت ترین نے فنانس ترمیمی بل ایوان میں پیش کیا تو اپوزیشن کی جانب سے بل کی شدید مخالفت کی گئی۔

شوکت ترین؛

وزیر خزانہ شوکت ترین نے قومی اسمبلی میں اظہار خیال کرتے ہوئے کہا کہ 74 سال میں پہلی مرتبہ اس حکومت نے غریب کے لیے روڈ میپ دیا، 40 لاکھ غریب لوگوں کو گھر ملیں گے، صحت کارڈ ملیں گے اور سہولیات ملیں گی، کور انفلیشن ابھی بھی سات فیصد ہے تاہم فوڈ انفلیشن میں اضافہ ہوا ہے جب کہ کھانے پینے کی اشیاء کی قیمتوں میں کمی صرف زراعت کی ترقی سے ممکن ہے۔

شوکت ترین نے کہا کہ   آپ جو خسارہ چھوڑ کر گئے اس کی وجہ سے آئی ایم ایف کے پاس جانا پڑا، اگلے چند سالوں میں نچلی سطح پر خوشحالی ہوگی، ہمارا مقصد لوگوں کو گرفتار کرنا نہیں، آپ سیاست نہ کریں میرٹ پر بات کریں اور مجھ پر میرٹ پر تنقید کریں میں ٹھیک کروں گا۔

نوید قمر؛

رہنما پیپلزپارٹی سید نوید قمر نے اظہار خیال کرتے ہوئے کہا کہ اس ملک کا کاروباری طبقہ پہلے ہی نیب سے تنگ تھا، اب ایف بی آر کو گرفتاری کے اختیارات دیے جا رہے ہیں، اب کاروباری لوگ کہیں گے خدا کا واسطہ ایف بی آر سے بچاؤ اور نیب کے حوالے کردو، پہلے ایف بی آر جرمانہ عائد کرتا تھا، اب اس کے ہاتھ میں ڈنڈا ہے، ایسے لوگوں کو اختیارات دیے جا رہے جن کا ریکارڈ اچھا نہیں۔

خرم دستگیر؛

رہنما (ن) لیگ خرم دستگیر نے کہا کہ اگلے سال حکومت ٹیکس وصولیوں کا ہدف حاصل نہیں کر سکے گی، حکومت صرف غریب اور متوسط طبقے کے گرد پھندا تنگ کر رہی ہے۔

The post فنانس بل 2021-22 منظوری کے لیے قومی اسمبلی میں پیش appeared first on ایکسپریس اردو.

from ایکسپریس اردو » پاکستان https://ift.tt/35ZJg4q

وفاقی سرکاری تعلیمی اداروں میں گرمیوں کی چھٹیوں کا اعلان

 اسلام آباد: وفاقی نظامت تعلیمات نے بارہ روز کے لیے گرمیوں کی چھٹیاں دینے کا فیصلہ کیا ہے۔

ڈائریکٹر اکیڈمک سعدیہ عدنان کی جانب سے جاری نوٹیفکیشن میں کہا گیا ہے کہ تعلیمی ادارے اٹھارہ جولائی سے یکم اگست تک بند رہیں گے۔ دو اگست کو تعلیمی سرگرمیاں دوبارہ بحال ہو جائیں گی۔

پروموشن پالیسی بھی جاری کر دی گئی ہے جس میں پہلی سے ساتویں کلاسز کو بغیر امتحان پاس کرنے کے فیصلے کی توثیق کرتے ہوئے ہدایات جاری کی ہیں کہ ادارے میں ہی طلباء کی چار اسسمنٹ لی جائیں جن کا ریکارڈ محفوظ رکھا جائے۔

پالیسی میں کہا گیا ہے کہ اسسمنٹ کا نتیجہ جو بھی ہوکسی بھی طالب علم کو فیل نہیں کیا جائے گا۔ پروموشن پالیسی میں کہا گیا ہے کہ گرمیوں کی چھٹیاں صرف طلباء کو دی جائیں گی۔ ذرائع کے مطابق چھٹیوں کے دوران اساتذہ کو نئے یکساں سلیبس کی ٹریننگ دی جائے گی۔

تعلیمی حلقوں نے پالیسی کو تنقید کا نشانہ بناتے ہوئے کہا ہے کہ شدید گرمی میں تعلیمی ادارے کھولنا سمجھ سے بالا تر فیصلہ ہے، بارہ روز کی چھٹیوں میں ہی عید الاضحی کی تعطیلات بھی شامل ہیں۔

The post وفاقی سرکاری تعلیمی اداروں میں گرمیوں کی چھٹیوں کا اعلان appeared first on ایکسپریس اردو.

from ایکسپریس اردو » پاکستان https://ift.tt/3qz3E5U

دو شادیاں کرنے والے شوہر کی ایک بیوی سے جھگڑے کے بعد خودکشی

 کراچی: قیوم آباد بی ایریا میں واقع مکان سے ایک شخص کی گلے میں پھندا لگی لاش ملی ہے۔

پولیس کا کہنا ہے کہ متوفی نے بیوی سے جھگڑے کےبعد گلے میں پھندا لگا کرخود کشی کی ہے۔ ڈیفنس تھانے کے علاقے قیوم آباد بی ایریا میں واقع مکان سے ایک شخص کی گلے میں پھندا لگی لاش ملی ہے ۔

اطلاع ملنے پر پولیس موقع پر پہنچ گئی اور لاش کو تحویل میں لینے کے بعد ضابطے کی کارروائی کے لیے چھیپا ایمبولینس کے ذریعے جناح اسپتال منتقل کردیا جہاں متوفی کی شناخت 30 اشفاق ولد محمدریاض کے نام سے کرلی گئی۔

متوفی شخص ڈیفنس میں کسی بنگلے میں کام کرتا تھا ۔ اس حوالے سے ڈیفنس پولیس نے بتایا کہ ابتدائی معلومات کے مطابق متوفی شخص نے دو شادیاں کی ہوئی تھیں اورایک بیوی سے جھگڑے کے بعد اس نے گلے میں رسی کا پھندا لگا کر خود کشی کی ہے تاہم اس حوالے سے مزید تفتیش جاری ہے۔

The post دو شادیاں کرنے والے شوہر کی ایک بیوی سے جھگڑے کے بعد خودکشی appeared first on ایکسپریس اردو.

from ایکسپریس اردو » پاکستان https://ift.tt/3vYsRI0

نیشنل بینک کے صدر عارف عثمانی کو فوری عہدے سے ہٹانے کا حکم

 اسلام آباد: ہائی کورٹ نے نیشنل بینک کے صدر عارف عثمانی کو فوری عہدے سے ہٹانے کا حکم دے دیا۔

اسلام آباد ہائی کورٹ کے فاضل جج جسٹس محسن اختر کیانی نے عارف عثمانی کی بطور صدر نیشنل بینک تعیناتی کے خلاف درخواست پر 2 جون کو محفوظ کیا گیا فیصلہ سنایا۔

عدالت عالیہ نے متعلقہ ڈگری اور تجربہ نہ ہونے پر عارف عثمانی کو فوری ہٹانے کا حکم دیا۔ عدالت نے قرار دیا کہ چیئرمین نیشنل بینک بورڈ آف ڈائریکٹرز زبیر سومرو کی تعینات بھی منصفانہ نہیں ہوئی۔

واضح رہے کہ حکومت نے 2019 میں عارف عثمانی کو 3 سال کے لیے صدر نیشنل بینک تعینات کیا تھا۔ اسلام آباد ہائی کورٹ میں عارف عثمانی کی بطور صدر نیشنل بینک تعیناتی کے 12جنوری 2019 کے نوٹی فکیشن کو چیلنج کیا گیا تھا۔

درخواست گزار کا موقف تھا کہ عارف عثمانی کی تعیناتی قواعد اور ایس ای سی پی قوانین کی خلاف ورزی ہے۔ ان کی تعیناتی شفافیت کے تقاضوں کے مطابق نہیں ہوئی۔

The post نیشنل بینک کے صدر عارف عثمانی کو فوری عہدے سے ہٹانے کا حکم appeared first on ایکسپریس اردو.

from ایکسپریس اردو » پاکستان https://ift.tt/3jpvGiA

اٹلی سفارتخانہ سے ایک ہزار شنجن ویزا اسٹکر چوری ہوگئے

 اسلام آباد: اٹلی سفارتخانہ سے ایک ہزار شنجن ویزا اسٹکر چوری ہوگئے۔

ذرائع کے مطابق ڈپلومیٹک انکلیو میں اٹلی کے سفارتخانہ سے ایک ہزار شنجن ویزا اسٹکر چوری ہوگئے، یہ اسٹیکرز سفارتخانہ کے لاکر سے چوری ہوئے، واردات کا انکشاف جون کے دوسرے ہفتے میں ہوا جب کہ چوری ہونے والے 750 شینجن ویزا اسٹکرز سیریل نمبرز ITA041913251 تا ITA041914000 ہیں جب کہ 250 ویزا اسٹکرز کا سیریل نمبر ITA041915751 تا ITA041916000 بتایا گیا ہے۔

ذرائع کا کہنا ہے کہ وزارت خارجہ نے ایف آئی اے اور وزارت داخلہ کو تحقیقات کے لیے خط لکھ دیا ہے، فارن آفس کے مراسلے کے بعد ایف آئی اے کو تحقیقات کے لیے ضروری احکامات جاری کردیے گئے ہیں جب کہ جب کہ اطالوی سفارتخانہ معاملے کی خود بھی تحقیقات کر رہا ہے۔

ذرائع کے مطابق چوری ہونے والے ویزا اسٹیکرز کی ٹریکنگ کے لیے تمام انٹری و ایگزٹ پوائنٹس پر نگرانی کی جائے، جیسے ہی چوری شدہ ویزا اسٹیکرز استعمال ہوں یا تحویل میں لیے جائیں گے تو فارن آفس و ایمبیسی کو بھی آگاہ کردیا جائے گا۔

The post اٹلی سفارتخانہ سے ایک ہزار شنجن ویزا اسٹکر چوری ہوگئے appeared first on ایکسپریس اردو.

from ایکسپریس اردو » پاکستان https://ift.tt/2Tf5A7e

ورلڈ بینک نے پاکستان کیلئے 80 کروڑ ڈالر کی منظوری دے دی

 اسلام آباد: عالمی بینک توانائی اور انسانی وسائل کے شعبوں کے دو منصوبوں کیلئے پاکستان کو 80 کروڑ ڈالر فراہم کرے گا۔

 

عالمی بینک کے جاری کردہ اعلامیہ کے مطابق پاکستان کیلئے منظورکی جانے والی فنانسنگ میں سے 40 کروڑ ڈالر پاکستان پروگرامنگ فار ایفورڈ ایبل اینڈ کلین انرجی(پی اے سی) کیلئے منظور کئے گئے ہیں جبکہ 40 کروڑ ڈالر کی دوسری فنانسنگ ہیومن انویسٹمنٹ ٹو فوسٹر ٹرانسمیشن منصوبے کے لیے منظور کئے گئے ہیں۔

اعلامیہ کے مطابق رقم دو منصوبوں کیلئے منظورکی گئی ہے، عالمی بینک کی منظور کردہ رقم کلین انرجی پروگرام اور سیکیورنگ ہیومین انویسٹمنٹ ٹو فوسٹر ٹرانسمشن منصوبے پر خرچ ہوگی۔

عالمی بینک اعلامیہ میں بتایا گیا ہے کہ پاکستان کو درپیش مالی چیلنجز سے نمٹنے کیلئے پاورسیکٹر ریفارمز انتہائی اہم ہیں اس سے انرجی مکس کی صورتحال بہترہوگی اوربجلی کی پیداواری لاگت میں کمی واقع ہوگی، اس کے علاوہ گردشی قرضے میں کمی واقع ہوگی اور ملک میں توانائی کے شعبہ میں پائداری آئے گی ۔

اعلامیہ کے مطابق پاکستان کیلئے منظورکئے جانے والے 40 کروڑ ڈالر کے دوسرے منصوبے سے ملک میں صحت اورایجوکیشن سروسزمیں بہتری آئے گی اوراس سے غریب ومتوسط طبقے کیلئے آمدن بڑھانے کے مواقع بڑھیں گے جس سے اقتصادی کی ترقیاتی کی رفتاربہترہوگی۔

The post ورلڈ بینک نے پاکستان کیلئے 80 کروڑ ڈالر کی منظوری دے دی appeared first on ایکسپریس اردو.

from ایکسپریس اردو » پاکستان https://ift.tt/3y9JMch

کراچی سمیت سندھ بھر میں سی این اسٹیشنز 5 جولائی تک بند

کراچی: سوئی سدرن گیس کمپنی  نے سی این جی کی بندش کے دورانیے میں مزید 144 گھنٹوں کا اضافہ کردیا۔

کراچی سمیت سندھ بھر میں سی این جی اسٹیشنز پیر 5 جولائی کی صبح 8 بجے تک بند رہیں گے۔  سوئی سدرن گیس کمپنی کی مطابق کنڑ پساکھی گیس فیلڈ کی بندش سے 160 ایم ایم سی ایف ڈی گیس کی قلت کا سامنا ہے۔

The post کراچی سمیت سندھ بھر میں سی این اسٹیشنز 5 جولائی تک بند appeared first on ایکسپریس اردو.

from ایکسپریس اردو » پاکستان https://ift.tt/3hernnF

پی آئی اے طیارے کی بھارتی حدود میں پرواز

 کراچی: خراب موسم کے باعث مسافروں کی سلامتی کے پیش نظر پی آئی اے طیارہ 8 منٹ تک بھارتی حدود میں اڑتا رہا۔

ذرائع کے مطابق مذکورہ واقعہ جمعہ کو پیش آیا جس میں قومی ایئرلائن کی کراچی سے لاہور جانے والی پرواز پی کے 306 نے مختصر وقت کے لیے بھارتی حدود استعمال کی۔ جس وقت جہاز لاہور کے قریب پہنچا تو اس وقت جہاز کے اپنے مقررہ روٹ پر سفر جاری رکھنے کے لیے موسم سازگار نہیں تھا۔

غیرمعمولی موسمی حالات کے پیش نظر اور مسافروں کی قیمتی جانوں کے تحفظ کی وجہ سے قوانین کے تحت جہاز کے عملے کو بھارتی حدود کا استعمال ناگزیر ہوگیا تھا۔

ذرائع کے مطابق پرواز کو بغیر بھارتی حدود استعمال کیے ایک متبادل راستہ بلوچستان کے ذریعے پشاور ائرپورٹ پر لینڈنگ کے بھی موجود تھا تاہم اس میں راستے کی طوالت کے پیش نظر اضافی ایندھن کی ضرورت تھی۔

ترجمان پی آئی اے کے مطابق دوران پرواز جہاز کے کپتان نے لاہور اور دہلی ایئر ٹریفک کنٹرول سے کلیئرنس حاصل کی جبکہ دونوں ممالک کے مابین موجود ہاٹ لائن پر مبنی ایلفا کنٹرول، ائرڈیفنس کلیئرنس بھی موجودتھی۔

ترجمان پی آئی اے کے مطابق قومی ائر لائن کا جہاز پیشگی اطلاع کے بعد 8 منٹ تک بھارتی فضائی حدود میں رہا، جہاز کو بھارتی حدود سے گزار کر اسلام آباد ائرپورٹ پر اتارا گیا۔

ترجمان سول ایوی ایشن کے مطابق خراب موسم یا ایمرجنسی میں انٹرنیشنل قوانین کے تحت پرواز کسی بھی ملک کی طرف موڑی جا سکتی ہے، ایمرجنسی میں بین الاقوامی ایوی ایشن آرگنائزیشن رکن ممالک پر معاہدوں کی  پاس داری لازم ہے۔

The post پی آئی اے طیارے کی بھارتی حدود میں پرواز appeared first on ایکسپریس اردو.

from ایکسپریس اردو » پاکستان https://ift.tt/3A8qK7B

فیول ایڈجسٹمنٹ کی مد میں بجلی کی قیمتوں میں اضافے کا امکان

 اسلام آباد: ملک بھر میں گیس کا بحران بڑھنے سے پاور پلانٹس کو گیس کی فراہمی بند، وزارت توانائی نے بجلی کی پیداوار برقرار رکھنے کے لیے پاور پلانٹس کو فرنس آئل درآمد کرانے کے لیے این او سی جاری کردیا۔

ایکسپریس نیوز کے مطابق ملک میں جاری گیس بحران کی وجہ سے بجلی بنانے والے پاور پلانٹس کو گیس کی فراہمی بند ہونے سے بجلی کی رسد میں کمی ہوسکتی ہے، جس سے نمٹنے کے لیے پیٹرولیم اور پاور ڈویژن نے کابینہ کی قائمہ کمیٹی برائے توانائی کی مشاورت سے فرنس آئل درآمد کرنے کی اجازت دے دی ہے۔

وزارت توانائی کے ذرائع کے مطابق پاور پلانٹس کو فرنس آئل پر چلا نے سے بجلی کے بحران پر قابو پانے میں مدد ملے گی جب کہ فرنس آئل پر پیدا ہونے والی مہنگی بجلی کی کا بوجھ بھی ماہانہ فیول پرائس کی مد میں بوجھ بھی صارفین برداشت کریں گے، یاد رہے کہ کے الیکٹرک کو اکتوبر 2020 میں بھی 50 ہزار میٹرک ٹن فرنس آئل امپورٹ کی اجازت دی گئی تھی۔

The post فیول ایڈجسٹمنٹ کی مد میں بجلی کی قیمتوں میں اضافے کا امکان appeared first on ایکسپریس اردو.

from ایکسپریس اردو » پاکستان https://ift.tt/3A6gugj

حکومت کا کورونا پابندیوں میں مزید نرمی کا اعلان

 اسلام آباد: حکومت نے کورونا وائرس کی ایس او پیز میں نرمی کا اعلان کردیا، یکم جولائی سے کاروباری اوقات 10 بجے تک ہوں گے، صرف ویکسینیٹڈ افراد کو ریسٹورنٹس میں کھانے اور سنیما جانے کی اجازت ہوگی، تعلیمی اداروں سے متعلق فیصلہ صوبائی حکومتیں کریں گی۔

وفاقی وزیر اسد عمر کی زیر صدارت این سی او سی کا اجلاس ہوا جس میں ملک بھر میں جاری کورونا وائرس کی صورتحال اور این پی آئیز کا تفصیلی جائزہ لیا گیا۔

اجلاس میں این سی او سی کی جانب سے پابندیوں میں نرمی لانے کا فیصلہ کیا گیا اور طے کیا گیا کہ اس کا اطلاق یکم جولائی سے 31 اگست تک ہوگا۔

کاروباری مراکز کو 10 بجے تک کھلنے کی اجازت

اجلاس میں کاروباری مراکز کے اوقات کار رات 10 بجے تک کرنے کا فیصلہ کیا گیا، پیٹرول پمپس، میڈیکل اسٹورز سمیت ضروریات کے اہم کاروباروں کو چوبیس گھنٹے کھلنے کی اجازت ہوگی۔

صرف ویکسین لگوانے والے ریسٹورنٹ میں کھا سکیں گے

ریسٹورنٹس کو آؤٹ ڈور ڈائننگ کی اجازت ہوگی تاہم ان ڈور پر 50 فیصد کی پابندی عائد ہوگی۔ فیصلوں کے مطابق صرف ویکسین لگوانے والے افراد ہی ان ڈور ڈائننگ کی سہولت حاصل کرسکیں گے، ہوٹلز اور ریسٹورنٹس انتظامیہ کی جانب سے ویکسی نیشن سرٹیفیکیٹس چیک کرنے کا لائحہ عمل بنایا جائے گا۔

شادی میں 400 افراد تک شرکت کی اجازت

اسی طرح شادی کی تقریب آؤٹ ڈور ہوگی جس میں 400 افراد تک شرکت کرسکیں گے، 200 تک ویکسینیٹڈ افراد ان ڈور شادی کی تقریب میں شریک ہوسکیں گے۔

ثقافتی، مذہبی اور دیگر اجتماعات پر پابندی، مزارات کھلے رہیں گے

این سی او سی کے مطابق ثقافتی، مذہبی اور دیگر اجتماعات پر پابندی برقرار رہے گی، مزارت کو ایس او پیز کے اطلاق کے ساتھ دوبارہ کھلنے کی اجازت ہوگی۔

صرف ویکسین شدہ افراد سنیما آسکیں گے

این سی او سی نے لوگوں کو سستی تفریح فراہم کرنے کی غرض سے سنیما کھلنے کی اجازت دینے کا فیصلہ کیا۔ فیصلے کے مطابق رات ایک بجے تک صرف ویکسی نیشن شدہ افراد کے لیے سنیما کھولنے کی اجازت ہوگی۔

ٹرانسپورٹ، پارکس و تفریح گاہیں کھلی رہیں گی

پبلک ٹرانسپورٹ کو 70 فیصد کی گنجائش کے ساتھ چلنے کی اجازت ہوگی، تفریحی مقامات، سوئمنگ پول کو 50 فیصد کی گنجائش کے ساتھ کھلنے کی اجازت ہوگی۔

تعلیمی اداروں سے متعلق فیصلے صوبائی حکومتیں کریں گی

تعلیمی اداروں سے متعلق این سی او سی کے اجلاس میں فیصلہ کیا گیا کہ تعلیمی اداروں میں موسم گرما کی چھٹیوں کے حوالے سے فیصلوں کا اختیار صوبائی حکومت کے پاس ہوگا اور وہ ہی اس حوالے سے احکامات جاری کریں گی۔

The post حکومت کا کورونا پابندیوں میں مزید نرمی کا اعلان appeared first on ایکسپریس اردو.

from ایکسپریس اردو » پاکستان https://ift.tt/3A4q0k1

سندھ اسمبلی میں اپوزیشن ارکان علامتی جنازہ لے آئے، اجلاس میں شدید ہنگامہ آرائی

 کراچی: سندھ اسمبلی کا اجلاس شدید ہنگامہ آرائی کی نذر ہوگیا، اپوزیشن ارکان جمہوریت کے علامتی جنازے کے طور پر ایوان میں چار پائی اٹھا کر لے آئے، اسپیکر نے اس اقدام کو ایوان کی سنگین بے حرمتی قرار دیتے ہوئے ذمہ دار ارکان کے خلاف کارروائی کا اعلان کردیا۔

ایکسپریس نیوز کے مطابق پیر کو سندھ اسمبلی کا اجلاس اسپیکر سراج درانی کی زیر صدارت شروع ہوا۔ پی ٹی آئی کے دو ارکان عدیل احمد اور ادیبہ حسن نے کہا کہ سندھ میں جمہوریت کی موت واقع ہوگئی ہے دعا کروائی جائے۔ دعا کے بعد اپوزیشن لیڈر نے بولنا چاہا تو اسپیکر نے وہ انہیں وقفہ سوالات کے بعد بات کرنے دیں گے لیکن حلیم عادل بضد رہے جس پر ان کا مائیک بند کردیا گیا اور ایوان میں شور شرابہ شروع ہوگیا۔

اسپیکر نے وقفہ سوالات شروع کرنے کا اعلان کردیا لیکن ہنگامہ آرائی کے باعث وقفہ سوالات ہنگامہ آرائی کی نذر ہوگیا۔ اپوزیشن ارکان نشستوں سے کھڑے ہوگئے اور انہوں نے شدید نعرے بازی شروع کردی۔ ہنگامہ آرائی کے دوران کچھ اپوزیشن ارکان اپنے کاندھوں پر چارپائی اٹھاکر ایوان میں لے آئے جب کہ کچھ کے ہاتھوں میں بستر بھی تھے۔

اسمبلی اسٹاف نے انہیں روکنے کی کوشش کی مگر پی ٹی آئی ارکان منع کرنے کے باوجود چارپائی لے کر ایوان میں زبردستی داخل ہوئے۔ اس موقع پر پی ٹی آئی کی خاتون رکن سدرہ عمران نے اسمبلی اسٹاف کو متنبہ کیا کہ مجھے ہاتھ لگانے کی کوشش مت کرنا۔

اسپیکر آغا سراج نے سخت برہمی کا اظہار کرتے ہوئے کہا کہ آپ اسمبلی کی بے حرمتی کررہے ہیں انہوں نے اسمبلی اسٹاف کو ہدایت کی کہ چارپائی اور بستروں کو باہر پھینک دیں۔

اپوزیشن ارکان کا کہنا تھا کہ پیپلز پارٹی نے سندھ میں جمہوری اقدار اور روایات کا جنازہ نکال دیا ہے اس لیے وہ جمہوریت کے علامتی جنازے کے طور پر چار پائی لانے پر مجبور ہوئے ہیں۔

ایم کیو ایم کے محمد حسین نے کہا کہ اپوزیشن لیڈر کو بات کرنے کی اجازت دی جائے۔ وزیر پارلیمانی امور مکیش کمار چاﺅلہ نے ایوان میں جاری بدنظمی کے حوالے سے کہا کہ ان لوگوں نے پورے ملک اور غریب آدمی کا جنازہ نکال دیا ہے، کچھ تو شرم کرو۔

ایوان نے شور شرابے کے دوران صحافیوں کے تحفظ کے بل کی دوبارہ منظوری دی جسے گورنر سندھ نے بعض اعتراضات کے ساتھ واپس کردیا تھا۔

وزیر اطلاعات ناصر حسین شاہ نے کہا کہ یہ خود نئے نئے آرڈی ننس نکال دیتے ہیں۔ گورنر نے صحافیوں کے بل پر اعتراض لگایا ہے لیکن ہم دوبارہ بل منظور کررہے ہیں۔

اس موقع پر اپوزیشن ارکان نے نعرے لگانے شروع کردیئے کہ اجلاس نہیں چلے گا۔ ان کے ہاتھوں میں ایک بینر بھی تھا جس پر تحریر تھا کہ جمہوریت کا جنازہ ہے ذرا دھوم سے نکلے۔

اسپیکر نے کہا کہ جنہوں نے اسمبلی کی بے حرمتی کی ہے ان کے خلاف ایکشن لوں گا۔ بعد ازاں اسپیکر نے سندھ اسمبلی کا اجلاس منگل کی دوپہر دو بجے تک ملتوی کردیا۔

 

The post سندھ اسمبلی میں اپوزیشن ارکان علامتی جنازہ لے آئے، اجلاس میں شدید ہنگامہ آرائی appeared first on ایکسپریس اردو.

from ایکسپریس اردو » پاکستان https://ift.tt/3xZ5a3I

پاکستانی سفارتخانوں میں وزیر خارجہ پورٹل کا آغاز

 اسلام آباد: بیرون ملک پانچ پاکستانی سفارتخانوں میں وزیر خارجہ پورٹل کا آغاز کر دیا گیا۔ 

ترجمان دفترخارجہ زاہد حفیظ کی جانب سے جاری بیان میں بتایا گیا ہے کہ بیرون ملک پانچ پاکستانی سفارتخانوں میں وزیر خارجہ پورٹل کا آغاز کر دیا گیا ہے، پہلے مرحلہ میں ایف ایم پی پانچ ممالک میں رہنے والے اوورسیز پاکستانیوں کو آن لائن دستیاب ہوگا۔

ترجمان نے  بتایا کہ پانچ ممالک میں بارسلونا دبئی جدہ لندن اور نیویارک شامل ہیں، ان ممالک میں رہنے والے پاکستانی اس کی ایپ ڈاوٴن لوڈ کر کے اپنے مسائل اور شکایات درج کرا سکتے ہیں، پورٹل کا مقصد سمندر پار پاکستانیوں کے مسائل ترجیحی بنیادوں پر حل کرنا ہے۔

 

The post پاکستانی سفارتخانوں میں وزیر خارجہ پورٹل کا آغاز appeared first on ایکسپریس اردو.

from ایکسپریس اردو » پاکستان https://ift.tt/3he1F2D

اوورسیز پاکستانیوں کو ووٹ کا حق؛ حکومت نے شہباز شریف فارمولا مسترد کردیا

 اسلام آباد: وزیراعظم کے مشیر  برائے پارلیمانی امور بابر اعوان نے اوورسیز پاکستانیوں کے حوالے سے شہباز شریف کا پلان فراڈ قرار دے دیا۔

انہوں نے کہا کہ ووٹ کا اختیار سمندر پار پاکستانیوں کا بنیادی حق ہے، حزب اختلاف آئین سے کھلواڑ نہ کرے، حکومت پارلیمنٹ کو سپریم سمجھتے ہوئے تمام کام پارلیمنٹ کے ذریعے کرنا چاہتی ہے۔ اپوزیشن لیڈر پارلیمنٹ میں آکر بات کریں، پتلی گلی سے نہ نکلیں، مذاکرات کیلئے دروازے کھلے ہیں، اپوزیشن جماعتوں کو دعوت دیتا ہوں کہ جوڈیشل ریفارمز پر حکومت کے ساتھ بیٹھیں۔

یہ بھی پڑھیں: شہبازشریف نے بیرون ملک مقیم پاکستانیوں کے حق نمائندگی کا نیا فارمولا پیش کردیا

وزیراعظم کے مشیر برائے پارلیمانی امور ڈاکٹر بابر اعوان نے اسلام آباد میں پریس کانفرنس کرتے ہوئے کہا کہ شہباز شریف نے 2 بار پارلیمان کی بالادستی کو ماننے سے انکار کیا، پاکستانی جس بھی خطے میں ہو ووٹ اس کا حق ہے، شہباز شریف چاہتے ہیں ایک کروڑ پاکستانیوں کو ووٹ کے حق سے محروم کر دیا جائے۔ بابر اعوان کا کہنا تھا کہ اگر اسمبلی بھی اوورسیز پاکستانیوں سے ووٹ کا حق چھیننا چاہے تو آئین اس کی اجازت نہیں دیتا، شہباز شریف پتلی گلی نا ڈھونڈیں، جو گفتگو کرنی ہے پارلیمنٹ میں کریں۔

سابق وزیراعظم نواز شریف سے متعلق بات کرتے ہوئے مشیر برائے پارلیمانی امور کا کہنا تھا کہ نواز شریف کے خلاف جو عدالتی فیصلہ آیا ہے اس کے بعد وہ بند گلی میں چلے گئے ہیں، ان کی ضمانت کا آرڈر ختم ہوگیا ہے۔ نواز شریف کو قانون کے سامنے سرنڈر کرنا پڑےگا، انہیں پاکستان آکر قید کاٹنی ہے، مفرور کے پاس آئینی حقوق نہیں رہتے۔

اس موقع پر وزیر مملکت فرخ حبیب نے کہا کہ شہباز شریف نے ضمانت دیتے ہوئے کہا تھا کہ نواز شریف کو واپس لاؤں گا، آپ دوسروں کو نصیحت، خود میاں فصیحت بنے ہوئے ہیں، شہباز شریف کے پاس کوئی اخلاقی جواز نہیں کہ اپوزیشن لیڈر رہیں، ان کو اصلاحات، صاف شفاف انتخابات میں کوئی دلچسپی نہیں، ان کو سب سے بڑی رکاوٹ وزیراعظم نظر آتے ہیں، یہ عدالتی فیصلوں کو بھی نہیں مانتے، نواز شریف متحدہ بانی تو بن سکتے ہیں، نیلسن منڈیلا نہیں بن سکتے۔

The post اوورسیز پاکستانیوں کو ووٹ کا حق؛ حکومت نے شہباز شریف فارمولا مسترد کردیا appeared first on ایکسپریس اردو.

from ایکسپریس اردو » پاکستان https://ift.tt/2Sxop5r

جوہر ٹائون دھماکے میں ملک دشمن ایجنسیاں براہ راست ملوث ہیں ، وزیراعلی پنجاب

لاہور: وزیر اعلی پنجاب عثمان بزدار کا کہنا ہے کہ جوہر ٹاؤن دھماکے میں ملک دشمن ایجنسیاں براہ راست ملوث ہیں۔

ایٹ کلب لاہور میں آئی جی پنجاب انعام غنی کے ہمراہ پریس کانفرنس کرتے ہوئے وزیراعلیٰ پنجاب انعام غنی کا کہنا تھا کہ 23 جون کو جوہر ٹاؤن میں کار بم دھماکا ہوا جس سے 3 افراد شہید اور 22 زخمی ہوئے، اطلاع ملتے ہی زخمیوں کو علاج معالجہ کی بہترین سہولیات دیں، میں خود جناح اسپتال گیا اور زخمیوں کی عیادت کی، جب کہ شہدا کے ورثا اور زخمیوں کی مالی معاونت بھی کریں گے۔

وزیراعلیٰ کا کہنا تھا کہ دھماکے کے حوالے سے دہشت گردوں تک پہنچنا ایک ٹیسٹ کیس تھا، لیکن تحقیقاتی ٹیم نے سائنسی بنیاد پر کام کیا، اور سی ٹی ڈی نے 16 گھنٹوں میں قومی و بین الاقوامی کرداروں کو بے نقاب کردیا، صرف 4 روز میں تمام دہشت گردوں کو گرفتار کرلیا گیا، ریکی کرنے والے دہشت گردوں کو بھی گرفتار کیا جو پنجاب حکومت سمیت تمام اداروں کی کامیابی ہے۔

وزیراعلیٰ کا کہنا تھا کہ جوہر ٹاؤن دھماکے کی دہشت گردی میں دیگر ممالک شامل ہیں جنہوں نے مالی معاونت دی، واقعے میں ملک دشمن ایجنسیاں براہ راست ملوث ہیں۔

آئی جی پنجاب انعام غنی کا کہنا تھا کہ دھماکے کی جگہ سے شواہد جمع کیے اور دھماکے میں استعمال ہونے والی گاڑی کے ذریعے ملزمان تک پہنچے، چند گھنٹوں میں ان لوگوں تک پہنچے جنہوں نے گاڑی حاصل کی اور دہشتگردوں کے نیٹ ورک کو 16 گھنٹوں میں ٹریس کرکے گرفتار کرلیا۔ جوہر ٹاؤن دھماکے میں 10 کے قریب مقامی مرد و خواتین شامل تھے، جس نے گاڑی میں بارودی مواد بھرا اسی شخص نے گاڑی سے دھماکا کیا، جن لوگوں نے گاڑی خریدی یا مرمت کرنے میں شامل تھے سب کو گرفتار کرلیا گیا ہے، واقعے کے ماسٹر مائنڈ کی بھی شناخت ہو گئی ہے، سی ٹی ڈی اور پنجاب پولیس کی مدد سے پورا نیٹ ورک بے نقاب ہواہے، پہلا واقعہ نہیں ہوگا بلکہ جوجو  واردتیں ہوئیں ان کے مرکزی کرداروں تک پہنچیں گے۔

آئی جی پنجاب نے بتایا کہ دھماکے میں استعمال ہونے والی گاڑی 2010 میں چھینی گئی، اور 2011 میں گاڑی کے مالک نے سپرداری پر گاڑی واپس لی، جس وقت گاڑی ناکہ پر رکی اس کے پاس سپرداری کے کاغذات تھے اور نمبر پنجاب کا تھا، سیف سٹی کے کیمرے سے تصدیق ہوئی کہ پولیس اہلکار نے گاڑی کو چیکنگ کے لیے روکا تھا،  کیمروں میں نظر آنے والے ملزم کا تعلق کے پی سے ہے لیکن وہ اچھی پنجابی بولتا ہے۔ گاڑی نارمل روٹین میں کھڑی ہوئی اور اس کا ہدف پولیس تھی لیکن دہشت گرد رکاوٹ کی وجہ سے آگے نہیں جاسکے۔

انعام غنی کا کہنا تھا کہ اگلی تحقیقات کےلئے تمام شواہد انٹیلی ایجنسیوں کو دے دئیے ہیں، انٹیلی ایجنسیاں خود بتائیں گی کہ واقعے میں  کون ملوث رہا ہے، لیکن اتنا ضرور ہے کہ یہ ممکن ہی نہیں کہ دشمن ایجنسی کا کوئی نمائندہ پاکستان آجائے اور خود آپریٹ کرے، ملک دشمن ایجنسیز کو ایجنٹس مل جاتے ہیں، ایجنٹس مڈل ایسٹ سے ہائر کیے جاتے ہیں، دشمن ایجسنیوں کا پتہ ہے کہ وہ پاکستانیوں سے پیسے کے بل بوتے پر کام لیتے ہیں۔

The post جوہر ٹائون دھماکے میں ملک دشمن ایجنسیاں براہ راست ملوث ہیں ، وزیراعلی پنجاب appeared first on ایکسپریس اردو.

from ایکسپریس اردو » پاکستان https://ift.tt/3qxBUi3

کوہاٹ میں نامعلوم افراد نے گھر میں گھس کر خاتون پر تیزاب پھینک دیا

کوہاٹ: نامعلوم افراد گھر میں گھس کر خاتون پر تیزاب پھینک کر فرار ہوگئے۔

ایکسپریس نیوز کے مطابق کوہاٹ کینٹ میں نامعلوم افراد ایک گھر میں گھس کر نوجوان لڑکی کے چہرے اور جسم پر تیزاب پھینک کر فرار ہوگئے۔ تیزاب گردی سے لڑکی کا چہرہ اور جسم کے کچھ حصہ متاثر ہوا، لڑکی کو فوری طور پر قریبی اسپتال منتقل کردیا گیا، ابتدائی طبی امداد کے بعد اسے ڈویژنل اسپتال منتقل کردیا گیا جہاں اس کی حالت تشویشناک بتائی جارہی ہے۔

واقعے کی ایف آئی آر لڑکی کی والدہ کی مدعیت میں درج کرائی گئی جس کے مطابق وقوعہ رات کا ہے، ان کی کسی سے کوئی دشمنی نہی، وہ کسی ملزم کو نہیں جانتی۔ پولیس نے ایف آئی آر کے اندراج کے بعد ملزمان کی گرفتاری کے لیے تفتیش شروع کردی ہے۔

The post کوہاٹ میں نامعلوم افراد نے گھر میں گھس کر خاتون پر تیزاب پھینک دیا appeared first on ایکسپریس اردو.

from ایکسپریس اردو » پاکستان https://ift.tt/2Sya8FF

مفتی عزیز کے جسمانی ریمانڈ کی استدعا مسترد، جیل بھیج دیا گیا

 لاہور: عدالت نے بچے سے بدفعلی کے ملزم مفتی عزیز الرحمن کے جسمانی ریمانڈ کی استدعا مسترد کرتے ہوئے اسے 14 روزہ جوڈیشل ریمانڈ پر جیل بھیج دیا۔

کینٹ کچہری میں بچے سے بدفعلی کے کیس کی سماعت ہوئی۔ پولیس نے جسمانی ریمانڈ ختم ہونے پر مفتی عزیز الرحمن کو عدالت میں پیش کیا اور اس کے مزید جسمانی ریمانڈ کی استدعا کی۔

عدالت نے جسمانی ریمانڈ کی استدعا مسترد کرتے ہوئے مفتی عزیز الرحمن کو 14 روزہ جوڈیشل ریمانڈ پر جیل بھیج دیا۔

پس منظر

لاہور میں مدرسے جامعہ منظورالاسلام سے منسلک مفتی عزیز الرحمن کی نازیبا ویڈیو لیک ہوئی تھی، جس میں وہ بچے کے ساتھ زیادتی کرتے ہوئے دکھائی دیئے، جس کے بعد پولیس نے بدفعلی کا شکار ہونے والے نوجوان صابر شاہ کی درخواست پر مفتی عزیز الرحمان کے خلاف مقدمہ درج کرلیا، ایف آئی آرکے متن کے مطابق نوجوان صابر شاہ کو جان سے مارنے کی دھمکیاں دی گئیں جس پرپولیس نے مقدمہ میں بدفعلی کرنے اور جان سے مارنے کی دفعات درج کیں۔

یہ پڑھیں: بچے سے بدفعلی کرنے والے ملزم مفتی عزیز الرحمان گرفتار

انویسٹی گیشن شمالی چھاؤنی پولیس نے مفتی عزیز الرحمان کو گرفتار کرلیا۔ پولیس ذرائع کے مطابق مقدمہ درج ہونے کے بعد مفتی عزیز الرحمان لاہور سے دوسرے شہر فرار ہوگئے تھے، پولیس نے مفتی عزیز الرحمان کو میانوالی سے گرفتار کیا۔ جب کہ انویسٹی گیشن پولیس نے مفتی عزیز الرحمان کے دو بیٹوں کو بھی گرفتار کرلیا۔

The post مفتی عزیز کے جسمانی ریمانڈ کی استدعا مسترد، جیل بھیج دیا گیا appeared first on ایکسپریس اردو.

from ایکسپریس اردو » پاکستان https://ift.tt/3jiANkz

زلفی بخاری کی اپنے دورہ اسرائیل سے متعلق خبروں کی تردید

 اسلام آباد: وزیراعظم کے سابق معاون خصوصی زلفی بخاری نے دورہ اسرائیل سے متعلق خبروں کو مسترد کردیا۔

وزیراعظم عمران خان کے سابق معاون خصوصی زلفی بخاری نے دورہ اسرائیل سے متعلق خبروں کو مسترد کرتے ہوئے کہا کہ میں اسرائیل نہیں گیا، پاکستانی اخبار اسرائیلی اخبار کے ذرائع کا حوالہ دے کر کہتا ہے میں اسرائیل گیا ہوں اور پھر اسرائیلی اخبار اسی پاکستانی اخبار کے ذرائع کا حوالہ دے کر کہتا ہے میں اسرائیل گیا، حیران ہوں کہ یہ کونسے خیالی ذرائع ہیں جب کہ بظاہر میرے ہی خلاف خبر پر میرا موقف شامل نہیں کیا گیا۔

The post زلفی بخاری کی اپنے دورہ اسرائیل سے متعلق خبروں کی تردید appeared first on ایکسپریس اردو.

from ایکسپریس اردو » پاکستان https://ift.tt/3qsGZbq

سستی سبزی بیچنے پر دکاندار کو گرفتار کرنے والے مجسٹریٹ کیخلاف کارروائی

 لاہور: انتظامیہ نے پرائس کنٹرول مجسٹریٹ کاشف بشیر کی غلطی پر اس کے خلاف فوری کارروائی شروع کردی۔

رائیونڈ میں سبزی فروش کے خلاف غلط استغاثہ بھرنے پر ڈپٹی کمشنر لاہور مدثر ریاض ملک نے سخت کارروائی کرتے ہوئے مجسٹریٹ کاشف بشیر سے اختیارات واپس لے لیے۔

یہ بھی پڑھیں: لاہور میں سستی سبزی فروخت کرنے پر دکان دار گرفتار

ڈی سی لاہور نے کاشف بشیر سے اختیارات واپس لینے کا لیٹر خود دستخط کر کے جاری کیا اور کاشف بشیر سے جواب طلبی بھی کرلی۔ ڈی سی لاہور نے مجسٹریٹ کاشف بشیر کو کسی بھی قسم کی پرائس کنٹرول کی چیکنگ سے فوری طور پر روک دیا گیا۔ کاشف بشیر کو پرائس کنٹرول ایکٹ 1977 کے تحت اختیارات دیے گئے تھے۔

یہ بھی پڑھیں: شہباز گل کا سبزی فروش کو گرفتار کرانے والے مجسٹریٹ کیخلاف کارروائی کا مطالبہ

گزشتہ روز لاہور کی رائیونڈ پولیس نے ’سستی‘ سبزی فروخت کرنے پر دکان دار کو گرفتار کر کے اس کے خلاف ایف آئی آر بھی کاٹ دی ہے۔ سبزی سستی فروخت کرنے پر درج ہونے والی ایف آئی آر کے متن کے مطابق سبزی فروش وقاص محمد رائیونڈ روڈ پر سرکاری ریٹ لسٹ سے کم قیمت پر سبزی فروخت کر رہا تھا ۔ جس پر پرائس کنٹرول مجسٹریٹ چوہدری کاشف بشیر کی مدعیت میں اس کے خلاف مقدمہ درج کرلیا گیا۔

 

The post سستی سبزی بیچنے پر دکاندار کو گرفتار کرنے والے مجسٹریٹ کیخلاف کارروائی appeared first on ایکسپریس اردو.

from ایکسپریس اردو » پاکستان https://ift.tt/3h2BkFG