کراچی: سرجانی ٹاؤن میں گھرمیں ڈکیتی کی واردات کے دوران خاتون کواجتماعی زیادتی کا نشانہ بنانے جانے کے مقدمے میں پولیس کو 25 روزبعد کامیابی مل گئی پولیس نے2 مبینہ ملزمان کو گرفتارکر کے ان کے قبضے سے اسلحہ ، لوٹا ہوا اوردیگرسامان برآمد کرلیا۔
سرجانی ٹاؤن انوسٹی گیشن پولیس نے لیاری ایکسپریس کے قریب کارروائی میں2 ملزمان طارق اورعبید حسین گرفتارکرلیا۔ پولیس کے مطابق گرفتار ملزمان کے قبضے سے پستول ،ایک اوزی گن، مسروقہ موبائل فون ،متعدد پی کیپس اورمہروں سمیت سمیت دیگرسامان برآمد کر کے ان کے خلاف غیر قانونی اسلحے کے دو مقدمات درج کر لیے گئے۔ پولیس کے مطابق گرفتارملزمان گھروں میں لوٹ مارکے دوران مبینہ طورپرخواتین سے زیادتی میں ملوث ہیں۔
اس حوالے سے ایس ایس پی ویسٹ سہائی عزیزنے دعویٰ کیا ہے کہ گرفتار ملزم طارق نے دوران تفتیش سرجانی ٹاؤن کے علاقے تیسرٹاؤن علی محمد مینگل گوٹھ میں واقع گھر میں ڈکیتی کی واردات کے دوران خاتون کو زیادتی کا نشانہ بنانےکا اعتراف جرم کیا ہے اور گرفتار ملزم کی نشاندہی پراس کے دوسرے ملزم عبید حسین کو گرفتار کیا گیا ہے۔
یہ بھی پڑھیں: کراچی میں سفاک گروہ سرگرم، دوران ڈکیتی خواتین سے اجتماعی زیادتی کا انکشاف
انھوں نے مزید بتایا کہ متاثرہ خاتون کی جانب سے بنوائے جانے والے ایک ملزم کا خاکہ گرفتار ملزم طارق سے کافی حد تک مشابہت رکھتا ہےاورگرفتارملزم اچھے کردار کا حامل نہیں ہے انھوں نے بتایا کہ گرفتار ملزمان کا سی آر او میں کوئی ریکارڈ سامنے نہیں آیا ہے تاہم ملزمان اب مینول ریکارڈ چیک کیا جا رہا ہے۔
ایس ایس پی ویسٹ نے بتایا کہ گرفتار ملزمان کو مجسٹریٹ کے روبرو پیش کیا جائے گا اور گرفتار ملزمان کی متاثرہ خاتون کے ذریعے شناخت پریڈ کی جائے گی، انویسٹی گیشن پولیس نے واقعے کی تفتیش کے دوران 8 مشتبہ افراد کو بھی حراست میں لیا تھا جنہیں تفتیش کے بعد رہا کردیا تمام مشتبہ افراد کے کوائف پولیس کے پاس جمع ہیں جنہیں وقت ضرورت طلب کیا جا سکتا ہے۔
The post کراچی میں دوران ڈکیتی خاتون سے اجتماعی زیادتی کے 2 ملزمان گرفتار appeared first on ایکسپریس اردو.
from ایکسپریس اردو » پاکستان https://ift.tt/3rf4ZxX
No comments:
Post a Comment
plz do not enter any spam link in the comment box