مشکل حالات میں ہم سب کو صبر اور ثابت قدم رہنے کی ضرورت ہے، آرمی چیف

 راولپنڈی: آرمی چیف جنرل قمر جاوید باجوہ کا کہنا ہے کہ مشکل حالات میں ہم سب کو صبر اور ثابت قدم رہنے کی ضرورت ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی ہدایت پر طبی سامان کی ایمرجنسی سپلائی کوئٹہ کے لیے روانہ کردی گئی ہے جو بلوچستان میں کورونا وائرس سے نمٹنے کے لیے مددگار ثابت ہوں گی۔

“…Most advanced nations / govts are finding it extremely difficult to fight this pandemic. Pakistan Govt is striving hard to acquire & supply the required resources. In this hour of distress we must remain patient and steadfast.” COAS (2/2)

— DG ISPR (@OfficialDGISPR) April 7, 2020

آئی ایس پی آر کے مطابق آرمی چیف جنرل قمر جاوید باجوہ نے اپنے بیان میں کہا کہ کورونا کے خلاف جنگ میں ڈاکٹرز اور طبی عملہ فرنٹ لائن سپاہی ہیں، کورونا سے نمٹنے کے لیے ترقی یافتہ ممالک اور وہاں کی حکومتوں کو مشکلات کا سامنا ہے تاہم حکومت ضروری وسائل اور آلات کے حصول کے لیے کوشاں ہے جب کہ مشکل حالات میں ہم سب کو صبر اور ثابت قدم رہنے کی ضرورت ہے۔

 

 

The post مشکل حالات میں ہم سب کو صبر اور ثابت قدم رہنے کی ضرورت ہے، آرمی چیف appeared first on ایکسپریس اردو.

from ایکسپریس اردو » پاکستان https://ift.tt/2JMjtBO