کراچی: سیوریج کے ناقص نظام کے باعث ملک بھر کے ایک کروڑ 70 لاکھ بچوں کے پیٹ میں کیڑے ہونے کا انکشاف، صوبائی محکمہ تعلیم اور محکمہ صحت نے تمام اسکولوں میں پیٹ کے کیڑے مار مہم چلانے کا فیصلہ کرلیا۔
ڈائریکٹریٹ پرائیوٹ اسکول کے رجسٹرار نے تمام نجی اسکول انتظامیہ کو خط لکھ دیا، خط میں کہا گیا ہے کہ وزارت صحت اور عالمی ادارہ صحت کے مشترکہ سروے میں انکشاف ہوا ہے کہ سیوریج کے ناقص نظام کے باعث ملک بھر کے ایک کروڑ 70 لاکھ بچوں کے پیٹ میں کیڑے ہیں، ملک بھر کے 40 اضلاع میں 5 سے 15 سال تک کی عمر کے بچے ناقص سیوریج نظام کے باعث متاثر ہورہے ہیں جبکہ کراچی کے 46 لاکھ بچوں کو علاج معالجے کی ضرورت ہے جس کے پیش نظر محکمہ صحت سندھ اور محکمہ تعلیم سندھ مشترکہ طور پر سندھ بھر کے اسکولوں میں پیٹ کے کیڑے مار مہم چلائیں گے۔
کراچی کے تمام اسکولوں میں 29 جنوری کو مہم چلائی جائے گی، مہم کے دوران بچوں کو پیٹ کے کیڑوں کو مارنے کی دوائی دی جائے گی، ایک استاد کو 200 طالب علموں کو دوائی دینے کی ذمے داری دی جائے گی اور اس استاد کو اسکول انتظامیہ کی جانب سے نامزد کیا جائے گا، اگر کسی اسکول میں 1000 بچے زیر تعلیم ہوں گے تو5 اساتذہ کو اس مہم کے لیے اسکول انتظامیہ کی جانب سے نامزد کیا جائے گا تاہم ڈائریکٹریٹ پرائیوٹ اسکول نے تمام نجی اسکولوں سے طالبعلموں اور استاتزہ کی تفصیلات بھی طلب کرلی ہیں، تمام نجی اسکول انتظامیہ 10 جنوری سے قبل تفصیلات ڈائریکٹوریٹ پرائیویٹ اسکول کو جمع کرانے کے پابند ہونگے۔
The post ملک کے ایک کروڑ 70 لاکھ بچوں کے پیٹ میں کیڑے ہونے کا انکشاف appeared first on ایکسپریس اردو.
from ایکسپریس اردو » پاکستان https://ift.tt/2ZfPgSj
No comments:
Post a Comment
plz do not enter any spam link in the comment box