شہریوں کی آسانی کیلیے سہولت سینٹرز پروگرام کا آغاز

پشاور: خیبر پختونخوا حکومت شہریوں کی سہولت اور آسانی کیلیے  شہری سہولت سنٹرز (سی ایف سی ایس )کا باقاعدہ آغاز کرنے جا رہی ہے۔

ڈیجیٹل ٹیکنالوجی کی جانب پیش قدمی کرتے ہوئے خیبر پختونخوا حکومت شہریوں کی سہولت اور آسانی کیلیے  شہری سہولت سنٹرز (سی ایف سی ایس )کا باقاعدہ آغاز کرنے جا رہی ہے اس سہولت کے تحت خیبر پختونخوا کے شہری اپنے بلز، کاغذات وغیرہ الیٹرانک طور پر جمع کر وا سکیں گے۔ پچھلے مہینے وزیراعظم عمران خان کی جانب سے شروع کئے گئے۔

ڈیجیٹل پاکستان فری پروگرام جس کے تحت 10لاکھ لوگوں کو ڈویلپنگ ڈیجیٹل سکلز سکھائی جائیں گے کے پی کے حکومت بھی پشاور میں شہری سہولت سنٹرز کا آغاز کرنے جا رہی ہے اس مقصد کیلئے صوبائی حکومت نے انفارمیشن ڈپارٹمنٹ کو منصوبہ شروع کرنے کی ہدایات جاری کر دی ہیں۔

ابتدائی طور پر سنٹرز میں شہریوں کوسات محکموں کے حوالے سے سہولیات دی جائیں گی جن میں ایکسائز ،پولیس ،واسا ،بورڈ آف ریونیو ،ہوم ڈپارٹمنٹ ،نادرا اور بلدیہ کا محکمہ شامل ہے محکمہ آئی ٹی افسران کے مطابق محکمہ نادرا کی طرح کام کریگا لیکن صرف صوبائی سطح پر جسے مستقبل میں دیگر محکموں تک بھی پھیلایا جا سکے گاپروگرام کے تحت شہری محکموں کا دورہ کئے بغیر اپنے بلز اور کاغذات الیکٹرانک طور پر جمع کر واسکیں گے۔

کے پی آئی ٹی بی کے ڈائریکٹر شہباز نے ایکسپریس ٹربیون سے گفتگو کرتے ہوئے کہا کہ اس پروگرام کے تحت شہری نقدی کے بغیر اپنی رقوم اور کاغذات ،بلز وغیرہ الیکٹرانک طور پر جمع کروا سکیں گے اسی طرح کا سسٹم پنجاب اور سندھ میں بھی کامیابی سے چل رہا ہے اور کے پی کے تیسرا صوبہ ہو گا جو اس سسٹم کو اپنائے گا ۔

 

The post شہریوں کی آسانی کیلیے سہولت سینٹرز پروگرام کا آغاز appeared first on ایکسپریس اردو.

from ایکسپریس اردو » پاکستان https://ift.tt/2tFaqy5