پشاور: کراچی آنے والی عوامی ایکسپریس ریت سے بھرے ٹرالر سے ٹکرا گئی تاہم تمام مسافر معجزانہ طور پر محفوظ رہے۔
ایکسپریس نیوز کے مطابق پشاور کے قریب اضاخیل میں جلد باز ڈرائیور نے عین اس وقت اپنی ریت سے بھری ٹریکٹر ٹرالی کو پٹری کی دوسری جانب لے جانے کی کوشش کی جب کراچی آنے والی عوامی ایکسپریس وہاں سے گزر رہی تھی۔ نتیجے میں ٹرین ٹرالی سے ٹکرا گئی تاہم ڈرائیور کی مستعدی کے باعث بڑا حادثہ نہیں ہوا اور تمام مسافر محفوظ رہے۔
حادثے کے دوران ٹریکٹر ٹرالی میں سوار تین افراد میں سے 2 نے چھلانگ لگادی جب کہ ایک شخص ایسا نہ کرسکا جس کے باعث وہ زخمی ہوگیا۔ زخمی کی شناخت الطاف کے نام سے ہوئی ہے اور اسے طبی امداد کے لیے لیڈی ریڈنگ اسپتال منتقل کیا گیا ہے۔
The post مسافر ٹرین کا ریت سے بھرے ٹرالر سے تصادم ، مسافر معجزانہ طور پر محفوظ appeared first on ایکسپریس اردو.
from ایکسپریس اردو » پاکستان https://ift.tt/2sX3fAX
No comments:
Post a Comment
plz do not enter any spam link in the comment box