جھاڑیوں سے لاپتہ ہونیوالے کم عمر لڑکے کی پھندا لگی لاش برآمد

 کراچی:  لیاقت آباد ایف سی ایریا میں لال اسکول کے قریب جھاڑیوں سے کم عمرلڑکے کی لاش ملنے کی اطلاع پر پولیس موقع پرپہنچ گئی۔

لڑکے کی شناخت 11 سالہ محمد سلمان ولد اعظم کے نام سے کر لی گئی، ایس ایچ او شریف آباد کامران حیدر نے بتایا کہ کم عمرلڑکا موسیٰ کالونی کا رہائشی تھا اورگلبرک تھانے میں لڑکے کے لا پتہ ہونی کی آیف آئی آر بھی درج ہے، لاش کے معائنے اور پوسٹ مارٹم کے بعد ہی وجہ موت کا تعین ہوسکے گا۔

گلبرگ تھانے کے ایس ایچ او فرخ ہاشمی نے بتایا کہ لڑکا 9 دسمبرکو شام 6 بجے گھر سے کھیلنے کے لیے نکلا تھا اور واپس نہیں لوٹا،اتوار کی رات لڑکے کے والد تھانے آئے تھے اورپولیس نے انھیں بیٹے کے لاپتہ ہونے کا مقدمہ درج کرانے کا کہا تھا جس پر والد نے اپنے بیٹے کے لاپتہ ہونے کا مقدمہ درج کرایا تھا  انھوں نے بتایا کہ اب تک لڑکے کی موت کی وجہ کا تعین نہیں ہوسکا ہے۔

The post جھاڑیوں سے لاپتہ ہونیوالے کم عمر لڑکے کی پھندا لگی لاش برآمد appeared first on ایکسپریس اردو.

from ایکسپریس اردو » پاکستان https://ift.tt/3mkhpBB