فضل الرحمان نے تنقید کرنے والوں کو خارج کرکے بتادیا وہ کتنے جمہوری ہیں، شبلی فراز

 اسلام آباد: وزیراطلاعات شبلی فراز کا کہنا ہے کہ مولانا فضل الرحمان نے اپنے دیرینہ ساتھیوں کی تنقید کرنے پر پارٹی سے خارج کرکے قوم کودکھادیا کہ وہ اندر سے کتنے جمہوری ہیں۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر اطلاعات شبلی فراز کا کہنا تھا کہ مولانا فضل الرحمان پر اصولی تنقید کرنے والوں کو پارٹی سے نکالنا آمریت اور فسطائیت کی بدترین شکل ہے، ان کے فیصلے نے ثابت کردیا کہ جے یوآئی (ف) میں ڈکٹیٹر شپ مسلط ہے، اپنے دیرینہ ساتھیوں کی تھوڑی سی تنقید برداشت نہ کرنے والوں نے قوم کو دکھا دیا کہ وہ اندر سے کتنے جمہوری ہیں۔

مولانافضل الرحمن پر اصولی تنقیدکرنے والوں کو پارٹی سے نکالنا آمریت اور فسطائیت کی بدترین شکل ہے۔ فیصلے نے ثابت کردیا کہ جے یوآئی(ف) میں ڈکٹیٹرشپ مسلط ہے۔ اپنے دیرینہ ساتھیوں کی زرا سی تنقید برداشت نہ کرنے والوں نے قوم کودکھادیا کہ وہ اندر سے کتنے جمہوری ہیں۔

— Senator Shibli Faraz (@shiblifaraz) December 26, 2020

وزیر اطلاعات کا کہنا تھا کہ دوسروں کو اسلام کی مثالیں اور حوالے دینے والوں سے پوچھتا ہوں کہ کیا اسلام میں سوال پوچھنے پر ایسا ہی سلوک کیاجاتا ہے، آپ کی جماعت میں آزادی اظہارکا یہ عالم ہے؟ عہدے بھائیوں اور چہیتوں میں بانٹ کر جماعت پر جمہوریت کا لیبل چپکانے سے لوگوں کو دھوکا نہیں دیاجاسکتا۔

The post فضل الرحمان نے تنقید کرنے والوں کو خارج کرکے بتادیا وہ کتنے جمہوری ہیں، شبلی فراز appeared first on ایکسپریس اردو.

from ایکسپریس اردو » پاکستان https://ift.tt/2Ktyyw5