پتوکی میں سنگدل باپ نے ظلم کی انتہا کرتےہوئے بیوی کے ساتھ مبینہ جھگڑے کے بعد اپنے 5 بچےجمبر لنک نہر میں پھینک دئیے۔
پتوکی میں سنگدل باپ نے سفاکیت کی تمام حدیں پار کردیں، نواحی قصبے پھولنگر میں سنگدل باپ نے بیوی سے جھگڑے پر اپنے 5 معصوم بچوں کو نہر میں پھینک دیا جن میں سے 4 سالہ فضاء اور 2 سالہ احمد کی لاشیں ریسکیو اہلکاروں نے نہر سے نکال لیں۔
5 گھنٹے ریسکیو آپریشن جاری رہنے کے باوجود باقی 3 بچوں 10 سالہ نادیہ، 8 سالہ زین محمد اور 5 سالہ نفیسہ کی تلاش میں کامیابی نہ ہو سکی جس پر آپریشن صبح تک روک دیا گیا۔
واقعے کے بعد پولیس نے ملزم کو گرفتار کرلیا جب کہ ڈی پی او قصورنے جائے وقوعہ کا دورہ کیا اور کہا کہ ملزم سے باقاعدہ تفتیش کے بعد حقائق سامنے آئیں گے۔
The post سنگدل باپ کا ظلم؛ بیوی سے جھگڑے کے بعد اپنے 5 بچے نہر میں پھینک دیئے appeared first on ایکسپریس اردو.
from ایکسپریس اردو » پاکستان https://ift.tt/3qpWvUW
No comments:
Post a Comment
plz do not enter any spam link in the comment box