کراچی میں ٹریفک مسائل پر قابو پانے کیلیے پولیس کا سائیکل اسکواڈ قائم

کراچی: شہر کے تجارتی مرکز صدر میں ٹریفک کے مسائل پر قابو پانے کے لیے ٹریفک پولیس کا سائیکل اسکواڈ قائم کردیا گیا۔

تفصیلات کے مطابق کراچی کے تجارتی مرکز صدر میں ٹریفک کے بے ہنگم دباؤ اور رش پر قابو پانے کے لیے ٹریفک پولیس میں سائیکل اسکواڈ قائم کردیا گیا ہے ، اس سلسلے میں گزشتہ روز صدر میں سادہ و پروقار تقریب منعقد ہوئی ، ڈی آئی جی ٹریفک اقبال دارا نے اسکواڈ کا افتتاح کیا۔

اس موقع پر ڈی آئی جی ٹریفک کا کہنا تھا کہ ٹریفک کے بے پناہ رش کے باعث ٹریفک پولیس کا رش کے مقام تک پہنچنا دشوار ہوجاتا تھا جس کی وجہ سے سائیکل اسکواڈ کی اشد ضرورت محسوس ہوتی تھی، اسی ضرورت کو مدنظر رکھتے ہوئے محکمے میں سائیکل اسکواڈ کا قیام عمل میں لایا گیا ہے ، سائیکل پر ٹریفک پولیس کا اہلکار زیادہ جلدی رش کے مقام تک پہنچ سکے گا اور ٹریفک جام پر قابو پانے میں مدد حاصل ہوگی، سائیکلوں پر سوار پولیس اہلکار صدر کے علاقے میں ٹریفک جام کے دوران اپنے فرائض سر انجام دیں گے۔

اقبال دارا کا کہنا تھا کہ مذکورہ اسکواڈ فوارہ چوک سے موبائل مارکیٹ اور بمبینو سگنل سے ایٹریئم مال تک پٹرولنگ کرے گا، واکی ٹاکی اور دیگر لوازمات سے لیس ڈبل پارکنگ اور نو پارکنگ میں گاڑیوں کو بذریعہ لفٹر بھی اٹھوائے گا، اس کے علاوہ شہریوں کو ٹریفک قوانین سے متعلق آگاہی بھی دے گا۔

تقریب کے دوران ڈی آئی جی اقبال دارا نے ٹریفک پولیس کے لیے بنایا گیا موبائل ٹوائلٹ کا بھی افتتاح کیا۔ انھو ں نے بتایا کہ ٹرک میں بنایا گیا موبائل ٹوائلٹ شہر میں گشت کرے گا اور ضرورت کے تحت ٹریفک پولیس کے افسران و جوان اسے فون کرکے بھی بلاسکتے ہیں۔ ڈی آئی جی ٹریفک نے موبائل لکی اسٹار ٹریفک سیکشن کا بھی افتتاح کیا۔

واضح رہے کہ صدر کا علاقہ شہر کا تجارتی مراکز ہے ، یہاں کئی تجارتی مراکز قائم ہیں جہاں شہریوں کی آمدورفت کا سلسلہ جاری رہتا ہے اور اسی وجہ سے یہ علاقہ پارکنگ اور ٹریفک کے بے پناہ مسائل کا شکار رہتا ہے ، ماضی میں بھی کئی تجربے کیے گئے کبھی سڑکوں کی بندش اور کبھی سڑکوں کو ایک رویہ کیا گیا ، اب اس علاقے میں ایسے ہی مسائل کے حل کے لیے سائیکل اسکواڈ قائم کردیا گیا ہے ۔

The post کراچی میں ٹریفک مسائل پر قابو پانے کیلیے پولیس کا سائیکل اسکواڈ قائم appeared first on ایکسپریس اردو.

from ایکسپریس اردو » پاکستان https://ift.tt/3e7uM7e

پی پی پی نے ایک تیر سے شیر سمیت کئی شکار کیے، بلاول

 کراچی: چیئرمین پاکستان پیپلزپارٹی بلاول بھٹو زرداری نے کہا ہے کہ پی پی پی نے ایک تیر سے شیر سمیت کئی شکار کیے۔

بلاول بھٹو زرداری نے کراچی میں پریس کانفرنس کرتے ہوئے کہا کہ ہم نے حکومت کو ہرمیدان میں شکست دلوائی، پیپلزپارٹی کی کامیابی نے ثابت کردیا کراچی کے عوام پی ٹی آئی حکومت کے ساتھ نہیں، انہوں نے این اے 249 بلدیہ کراچی میں تاریخی کامیابی دلوائی اور پھر سے پی ٹی آئی کو عبرتناک شکست دی، عوام اپوزیشن کے ساتھ کھڑے ہیں اور انہوں نے سلیکٹڈ حکومت کو مستردکر دیا ہے۔

ن لیگ کے الیکشن میں دھاندلی کے الزامات سے متعلق سوال کے جواب میں بلاول بھٹو کا کہنا تھا کہ ن لیگی دوستوں کو ہارمانناسیکھنا چاہیے، اگر کوئی الزامات لگا رہا ہے تو ثابت کرے، مریم نواز کا بیان غیر ذمہ دارانہ ہے، عمران خان اوراسٹیبلشمنٹ کے بجائے پیپلزپارٹی کا مقابلہ کرنا اور اپوزیشن کے ساتھ ہی اپوزیشن کرنا ان کا شوق ہے، دھاندلی کے ثبوت ہیں تو سامنے لائیں ورنہ ہار مان لیں، ڈسکہ الیکشن کا شور مچایا گیا،کیا یہاں فائرنگ ہوئی؟کسی کو اغوا کیا گیا؟، کوئی ثابت نہیں کر سکتا کہ پیپلزپارٹی نے کوئی دھاندلی کی ہے۔

یہ بھی پڑھیں: شیر کا شکار کرنا آسان نہیں رہا، مریم نواز

بلاول بھٹو زرداری نے کہا کہ پہلے سلیکٹڈکےبعددوسراسلیکٹڈ ہم ہرکسی کا مقابلہ کرنےکیلئے تیار ہیں، تاریخ اٹھا کر دیکھیں کس جماعت نے سب سے زیادہ دھاندلی کی ہے، کون سی جماعت سلیکٹ ہوتی رہی، کون سی جماعت اوریجنل سلیکٹڈ ہے؟اب یہ ہمیں لیکچر دیں گے؟، ن لیگ جیت جاتی تو میں خود شہباز شریف کو فون کرکے مبارکباد دیتا، شکست پر ن لیگ کا ردعمل انتہائی بچکانہ ہے جس کا نقصان اسی کو ہوگا، ہم نے ایک تیر سے بلے، پتنگ، ڈولفن، ملا اور شیر سمیت کئی شکار کیے۔

چیرمین پی پی پی نے کہا کہ پی ڈی ایم سے متعلق سی ای سی کے فیصلوں پر قائم ہیں، اپوزیشن کی جماعتیں کنفیوز ہیں کہ استعفے دینا چاہتی ہیں یا نہیں، اپوزیشن اتحاد میں کچھ ایسے دوست ہیں جو عمران خان اور عثمان بزدار کو نہیں ہٹانا چاہتے، تو ایسے میں ہم کیا کرسکتے ہیں۔

جسٹس فائزعیسیٰ کیخلاف ریفرنس کے معاملے پر ایک سوال کے جواب میں بلاول بھٹو زرداری نے صدر پاکستان عارف علوی اور وزیر قانون فروغ نسیم کے استعفے کامطالبہ کرتے ہوئے کہا کہ جسٹس فائزعیسیٰ کےخلاف جھوٹے ریفرنس پروزیرقانون کومستعفی ہوناچاہیے، وزیراعظم کی پوری کابینہ اس میں ملوث ہے، جسٹس قاضی فائز عیسیٰ کے خلاف سازش کی تحقیقات ہونی چاہیے، کیا وجہ تھی سپریم کورٹ کے جج کی کرادکشی کی گئی، عمران خان کی کابینہ کو اپنے جرم کا حساب دینا ہوگا۔

بلاول بھٹو نے مزید کہا کہ بشیرمیمن کے بیان کو شک کی نظرسے دیکھتے ہیں، بشیرمیمن کو کوئی غیرقانونی حکم دیا جا رہا تھا تو ٹی وی پر آ کر بتاتے، بشیر میمن کے خلاف تحقیقات ہونی چاہئیں، سپریم کورٹ نے اصغر خان کیس کو فالو کرنے کا حکم دیا، بشیرمیمن عدالتی حکم نہ مان کر توہین عدالت کے مرتکب ہوئے، بشیرمیمن عدالتی حکم ماننے کے بجائے پیپلزپارٹی کے پیچھے پڑ گئے۔

The post پی پی پی نے ایک تیر سے شیر سمیت کئی شکار کیے، بلاول appeared first on ایکسپریس اردو.

from ایکسپریس اردو » پاکستان https://ift.tt/3xwJeh7

تحریک انصاف کا این اے 249 کے الیکشن نتائج چیلنج کرنے کا اعلان

 کراچی: پاکستان تحریک انصاف کراچی کے صدر خرم شیر زمان نے این اے 249 کے الیکشن نتائج چیلنج کرنے کا اعلان کردیا۔

رکن سندھ اسمبلی خرم شیر زمان نے انصاف ہاؤس میں پریس کانفرنس سے خطاب کرتے ہوئے کہا ہے کہ این اے 249 میں الیکشن کمیشن شفاف انتخابات کرانے میں ناکام ہوا ہے۔ ہماری درخواست تھی کہ الیکشن رمضان میں نہ کرایا جائے۔ ہمیں اندازہ تھا کہ ٹرن آؤٹ نہیں ہوگا۔ خواتین رمضان میں ووٹ کاسٹ نہیں کر سکی، رمضان گرمی کی شدت کی وجہ سے عوام ووٹ کاسٹ نہیں کرسکے۔ ہم ضمنی انتخابات کے نتائج کو مکمل طور پر مسترد اور چیلنج کرنے کا اعلان کرتے ہیں۔

خرم شیر زمان نے مزید کہا کہ کرونا کے پھیلاؤ کا ذمہ دار الیکشن کمیشن کو سمجھتے ہیں۔ کرونا کو پھیلانے میں الیکشن کمیشن کا سب سے بڑا کردار ہے۔ سندھ کی تمام سیاسی جماعتوں نے الیکشن کی تاریخ آگے بڑھانے کی درخواست کی تھی۔ تمام سیاسی جماعتوں نے جلسے کیے۔ 28 تاریخ کی رات تک پی ٹی آئی جیت رہی تھی، 29 کو جب الیکشن ہوا پی ٹی آئی کے کیمپوں پر عوام کو رش تھا۔ جو سی ایم ایس سسٹم ہم استعمال کر رہے تھے اس میں 17 ہزار ووٹ واضح ہو رہے ہیں۔ بلدیہ میں پیپلز پارٹی بتادے 14 سالوں میں کوئی ترقیاتی کام کروایا ہو۔ بلدیہ کے سابق رکن اسمبلی فیصل واوڈا نے 35 کروڑ خرچ کیے، پی ٹی آئی ایم این اے نے بلدیہ میں کام کروائے۔ نتائج ایسے ہیں جیسے پیپلز پارٹی کو بلدیہ کے عوام بہت چاہتے ہیں، 3 روز پہلے پیپلز پارٹی سروے میں کہیں نہیں تھی۔ پی ٹی آئی سروے میں سب سے اوپر تھی۔ مفتاح اسماعیل لوگوں سے باتیں سننے کے بعد حلقے میں نہیں آئے۔

انہوں نے مزید کہا کہ الیکشن پری پلانڈ تھا۔ ہمارے لوگوں کو فارم 45 نہیں دیا جارہا تھا۔ الیکشن کمیشن کا جاری کردہ بیان حیران کن ہے۔ الیکشن کمیشن کیلئے شرم کا مقام ہے، کمیشن کی اسکروٹنی ہونی چاہیے، اس کا آڈٹ کرایا جائے کہ کس کی کتنی جائدادیں ہیں، الیکشن کمیشن میں رزلٹ کو تبدیل کیا گیا، پیپلز پارٹی نے الیکشن کمیشن میں دھاندلی کا نظام متعارف کروا دیا ہے۔ انشاللہ ہم اس الیکشن کو چیلنج کریں گے اور عدالت سے رجوع کریں گے۔

خرم شیر زمان کا مزید کہنا تھا کہ اگر بلدیاتی انتخابات اور عام انتخابات 2023 کی ایسی ہی تیاری ہے تو دیگر جماعتیں انتخابات میں شرکت نہ کریں، الیکشن کمیشن خود فیصلہ کرلے کہ کون کس نمبر پر آئے گا۔ ایم کیو ایم لندن ایک دور میں ایسا ہی کام کرتی تھی۔ ووٹرز کو کہہ دیا جاتا تھا کہ آپ کا ووٹ ہوچکا ہے، ہم اس الیکشن کے نتائج کو چیلنج کرینگے۔ پیپلز پارٹی کی کامیابی ظاہر ہے کہ الیکشن فکسڈ تھا۔ الیکشن کمیشن نے غیر جانبداری کا مظاہرہ نہیں کیا۔

The post تحریک انصاف کا این اے 249 کے الیکشن نتائج چیلنج کرنے کا اعلان appeared first on ایکسپریس اردو.

from ایکسپریس اردو » پاکستان https://ift.tt/3t56RK9

کراچی گرین لائن کیلئے چین میں بس تیار

کراچی گرین لائن منصوبے کیلئے چین میں بس تیار کرلی گئی۔

وفاقی وزیر منصوبہ بندی اسد عمر نے بتایا ہے کہ کراچی گرین لائن ٹرانسپورٹ منصوبے کے لئے پروٹو ٹائپ بس چائنہ میں تیار کر لی گئی، انسپیکشن منظوری کے بعد 80 بسوں کی تعمیر شروع ہو جائے گی اور انشاءاللہ جولائی کے آخر یا اگست کے شروع میں یہ بسیں کراچی پہنچ جائیں گی۔

گرین لائن کے 24 کلومیٹر ٹریک کا فیزون مکمل ہوچکا ہے اور دوسرے فیز پر کام جاری ہے۔ گرین لائن اور اورنج لائن کیلئے حکومت نے چینی کمپنی سے بسوں کی فراہمی کا معاہدہ کیا ہے۔

The post کراچی گرین لائن کیلئے چین میں بس تیار appeared first on ایکسپریس اردو.

from ایکسپریس اردو » پاکستان https://ift.tt/3uaBpLY

ایف اے ٹی ایف سیاسی بنیادوں پر فیصلے کرتی ہے، ہنگرین وزیر خارجہ

 اسلام آباد: ہنگرین وزیر خارجہ نے کہا ہے کہ ایف اے ٹی ایف سیاسی بنیادوں پر فیصلے کرتی ہے۔

دفتر خارجہ اسلام آباد میں ہنگری کے وزیر خارجہ پیٹر سحارتو کے ہمراہ نیوز کانفرنس میں وزیر خارجہ شاہ محمود قریشی کا کہنا تھا کہ معاشی سفارتی کاری کے تحت دونوں ممالک کی بزنس کمیونٹی کا اجلاس ہوا ، کئی معاہدے ہوئے جن میں سائبر سیکیورٹی بھی شامل ہے ، ایف اے ٹی ایف کو منی لانڈرنگ اور ٹیرر فناسنگ کیخلاف استعمال ہونا چاہیے، ایف اے ٹی ایف کو سیاسی مقاصد کیلئے استعمال نہیں ہونا چاہیے۔

وزیر خارجہ شاہ محمود قریشی کا کہنا تھا کہ ہنگری پاکستان میں سرمایہ کاری کے فروغ میں 84 ملین ڈالر خرچ کرے گا، ہنگری پاکستان کیلئے براہ راست فلائٹس آپریشن شروع کر رہا ہے، یہ دوسرے وزیر خارجہ ہیں جنہو‌ں نے ایف اے ٹی ایف پر سوال اٹھایا ہے۔

ہنگری کے وزیر خارجہ پیٹر سحارتو کا کہنا تھا کہ پاکستان کا دہشتگردی کیخلاف جنگ میں اہم کردار رہا ، افغان امن عمل اور دوحہ مذاکرات میں سہولت کاری پر پاکستان کے کردار کو سراہتے ہیں، خطے میں امن اور استحکام کیلئے پاکستان کا کردار مثالی ہے ،پاکستان کے ساتھ تجارت کو بڑھانا چاہتے ہیں ، پاکستانی طلبہ کو یونیورسٹیوں میں اسکالر شپ دیں گے ، وزیر اعظم کے دس ارب درختوں کے منصوبے میں تعاون کر رہے ہیں۔

پیٹر سحارتو نے مزید کہا کہ ایف ٹی ایف سمیت کچھ عالمی تنظیمیں ٹیکنیکل کے بجائے سیاسی بنیادوں پر فیصلے کرتی ہیں ، ہم سمجھتے ہیں ان تنظیموں کو ٹیکنیکل بنیادوں پر فیصلے کرنے چاہئیں ایف اے ٹی ایف نے کچھ عرصہ ہنگری کو بھی گرے لسٹ میں رکھا ہے۔

Üdvözöljük Pakisztánban Minister for Foreign Affairs and Trade, #PéterSzijjártó. Constructive engagements today between our respective business delegations for more meaningful #EconomicDiplomacy. Great to witness signing of partnerships between in dairy, cyber sec & pharma pic.twitter.com/ITx4MvjO4k

— Shah Mahmood Qureshi (@SMQureshiPTI) April 30, 2021

The post ایف اے ٹی ایف سیاسی بنیادوں پر فیصلے کرتی ہے، ہنگرین وزیر خارجہ appeared first on ایکسپریس اردو.

from ایکسپریس اردو » پاکستان https://ift.tt/3t4g6Kv

ہارون آباد میں ماں نے اپنے دو بیٹوں کو زہر دیکر قتل کردیا

پنجاب کے علاقے ہارون آباد میں چک 18 ون آر میں ماں نے اپنے دو سگے بیٹوں کو زہر دیکر موت کے گھاٹ اُتار دیا۔

پولیس ذرائع کے مطابق ثمینہ بی بی زوجہ حافظ محمد امین نے اپنے خاوند سے فون پر جھگڑا کرنے کے بعد خود کالا پتھر پی لیا اور اپنے بچوں کو بھی پلادیا، جس کے نتیجے میں اس کے دونوں بیٹے جاں بحق ہوگئے۔

جاں بحق ہونیوالے عبدالوہاب کی عمر چھ سال اور عبدالمناف کی عمر آٹھ سال ہے۔ پولیس نے لاشوں کو اور ماں ثمینہ بی بی کو وکٹوریہ اسپتال منتقل کردیا جہاں اس کی حالت تشویش ناک بتائی جاتی ہے۔ پولیس نے واقعے کا مقدمہ درج کرکے تفتیش شروع کردی ہے۔

واضح رہے کہ کالا پتھر ہیئر کلرز میں استعمال ہوتا ہے لیکن  زندگی سے مایوس افراد نے اسے موت کا آسان ذریعہ بنا لیا ہے ،اس کو  پانی میں ملا کر پینے سے دیکھتے ہی دیکھتے انسان موت کی وادی میں چلا جاتا ہے۔

The post ہارون آباد میں ماں نے اپنے دو بیٹوں کو زہر دیکر قتل کردیا appeared first on ایکسپریس اردو.

from ایکسپریس اردو » پاکستان https://ift.tt/3aSjuSn

لاہور میں ہفتہ اور اتوار کو مکمل لاک ڈاؤن ہوگا

لاہورمیں کورونا وائرس کی بے قابو ہوتی صورت حال کے پیش نظر پابندیاں مزید سخت کردی گئیں۔

ہفتہ اور اتوار کو لاہور شہر میں مکمل لاک ڈاؤن ہو گا۔ کمشنر لاہور ڈویژن کیپٹن (ر) محمد عثمان نے کہا کہ ان دو روز میں تمام قسم کے کاروبار اور مارکیٹیں مکمل بند رہیں گی، صرف میڈیکل اسٹور، پٹرول پمپ، ویکسی نیشن سنٹرز، دودھ دہی، گوشت اور سبزی کی دوکانیں کھلی رہیں گی، لہذا شہریوں سے گزارش ہے کہ آج ہی اشیاء ضروریہ کی خریداری کرلیں، ہفتہ اور اتوار کو بین الصوبائی ٹرانسپورٹ پر بھی مکمل پابندی ہوگی۔

یہ بھی پڑھیں: اسلام آباد میں ہفتہ اور اتوار کو مکمل لاک ڈاؤن لگادیا گیا

کمشنر لاہور نے کہا کہ کورونا وائرس سے روزانہ ریکارڈ تعداد میں قیمتی جانیں ضائع ہو رہی ہیں، اس لیے کورونا وائرس کا پھیلاؤ روک کر قیمتی جانیں بچانے کے لیے مشکل فیصلے کرنا لازم ہے، عوام مشکل کی اس گھڑی میں سخت فیصلوں کو کامیاب بنانے میں ہمارا ساتھ دیں، یہ مشکل اور کڑا امتحان ہے، کورونا کے خلاف احتیاطی تدابیر اپنائیں، اپنی اور اپنے پیاروں کی زندگیاں محفوظ بنائیں۔

The post لاہور میں ہفتہ اور اتوار کو مکمل لاک ڈاؤن ہوگا appeared first on ایکسپریس اردو.

from ایکسپریس اردو » پاکستان https://ift.tt/3xJYp6L

باڑہ اسپتال میں پی ٹی آئی کے ایم این اے اقبال آفریدی کے ناروا سلوک کے خلاف ہڑتال

 پشاور: ڈوگرہ باڑہ تحصیل ہیڈ کوارٹر ہسپتال میں پی ٹی آئی کے ایم این اے اقبال آفریدی کی جانب سے مبینہ طور پر ہسپتال کے ایم ایس کو گالیاں اور دھمکیوں کے خلاف ڈاکٹروں نے ہڑتال کردی۔

ڈاکٹروں نے ہسپتال میں تمام طبی سروسز کا بائیکاٹ کیا ہوا ہے جس سے مریضوں کو مشکلات کا سامنا ہے۔ پراونشل ڈاکٹرز ایسوسی ایشن کے مطابق پی ٹی آئی کے ایم این اے اقبال آفریدی نے درجنوں افراد کیساتھ کورونا ایس او پیز کے خلاف وزری کرتے ہوئے ہسپتال کا دورہ کیا اور ہسپتال کے انچارج ڈاکٹر جہانگیر کے ساتھ نازیبا زبان استعمال کی۔

احتجاج کرتے والے ڈاکٹرز نے مطالبہ کیا ہے کہ صوبے میں اپیڈیمک ایکٹ اور سیکورٹی ایکٹ 2020کے تحت کورونا ایس او پیز کی خلاف ورزی اور کار سرکار میں مداخلت پر پی ٹی آئی کے ایم این اے اقبال آفریدی کے خلاف مقدمہ درج کرکے انکو گرفتار کیا جائے۔

ایسوسی ایشن کے مطابق ایم این اے کی ناراضگی کی وجہ کورونا ویکسینیشن کاؤنٹر کا افتتاح ان سے نہ کروانا تھا۔ ڈاکٹرز تنظیموں نے اعلان کیا ہے کہ ڈوگرہ ٹی ایچ کیو ہسپتال میں کورونا ویکسینیشن سمیت  تمام سروسز کا مکمل بائیکاٹ ایف آئی ار کے اندراج تک جاری رہے گا۔

The post باڑہ اسپتال میں پی ٹی آئی کے ایم این اے اقبال آفریدی کے ناروا سلوک کے خلاف ہڑتال appeared first on ایکسپریس اردو.

from ایکسپریس اردو » پاکستان https://ift.tt/3nABbej

مجھ سے بڑے غلط فیصلے بھی ہوجاتے ہیں، وزیراعظم

گلگت بلتستان: وزیراعظم عمران خان کا کہنا ہے کہ مجھ سے بڑے غلط فیصلے بھی ہوجاتے ہیں، ماضی میں ٹکٹ دینے میں کئی غلطیاں ہوئیں۔

وزیراعظم عمران خان نے گلگت بلتستان میں ترقیاتی منصوبوں کی افتتاحی تقریب میں اپنے خطاب میں کہا کہ اسد عمرکوجی بی  پیکیچ کے لئے خراج تحسین پیش کرتا ہوں، کم پیسے کے باجود اس طرح کا پیکیج  بڑاکارنامہ ہے، 15 سال کی عمر میں پہلی بار اسکول ٹرپ کے ساتھ گلگت بلتستان آیا، ہمارے حکمران چھٹیاں منانے لندن جاتے ہیں، ان کو اس علاقے کا پتا ہی نہیں، جی بی کا اصل پوٹینشل سیاحت ہے، قرض کی ادائیگی  کی وجہ سے ہمارے پاس کم پیسا ہوتا ہے۔

وزیراعظم نے کہا کہ گلگت بلتستان سوئٹزرلینڈ سے اچھا علاقہ ہے۔ ہمارے حکمرانوں نے ہمیشہ اسے نظراندازکیا۔ جب جی بی میں سیاحت میں ترقی ہوگی تو ملک کو فائدہ ہوگا۔

وزیراعظم عمران خان نے کہا کہ مجھ سے بڑے غلط فیصلے بھی ہوجاتے ہیں، ماضی میں مجھ سے ٹکٹ دینے میں کئی غلطیاں ہوئیں، ٹکٹ دینے میں غلط فیصلے پراکثرسوچتارہتاہوں، کچھ لوگ اپنی ذات کوفائدہ پہنچانے کیلئے اقتدار میں آتے ہیں۔

The post مجھ سے بڑے غلط فیصلے بھی ہوجاتے ہیں، وزیراعظم appeared first on ایکسپریس اردو.

from ایکسپریس اردو » پاکستان https://ift.tt/3xAf4t3

یکم مئی سے پٹرول کی قیمت میں اضافے کا امکان

 اسلام آباد: یکم مئی سے پٹرول اور ڈیزل کی قیمتوں میں اضافے کا امکان ہے۔

ذرائع کے مطابق اوگرا نے پٹرولیم مصنوعات کی قیمتوں میں اضافے کی سمری پٹرولیم ڈویژن کو بھیج دی ہے جس کے مطابق پٹرول کی قیمت میں 5.75 روپے فی لیٹر اور ڈیزل کی قیمت میں 6 روپے فی لیٹر تک اضافے کی تجویز کی گئی ہے۔

ذرائع کا کہنا ہے کہ پٹرول اور ڈیزل کی مجوزہ قیمتوں کا تعین موجودہ پٹرولیم لیوی کی شرح پر کیا گیا ہے، پٹرول پر موجودہ لیوی 11 روپے 23 پیسے اور ڈیزل پر 15 روپے 29 پیسے فی لیٹر ہے جب کہ قیمتوں کا حتمی فیصلہ وزارت خزانہ وزیراعظم کی مشاورت سے کرے گی۔

The post یکم مئی سے پٹرول کی قیمت میں اضافے کا امکان appeared first on ایکسپریس اردو.

from ایکسپریس اردو » پاکستان https://ift.tt/2QJPQYD

کراچی میں کالعدم تحریک لبیک کے 25سے زائد ملزمان کی ضمانت منظور

 کراچی: انسداد دہشتگردی کی خصوصی عدالت نے کالعدم تحریک لبیک پاکستان کے سربراہ سعد رضوی کی گرفتاری کے بعد شہر میں ہنگامہ آرائی کے مقدمے میں  25سے زائد ملزمان کی ضمانت منظور کرلی۔

کراچی کی انسداد دہشتگردی کی خصوصی عدالت کے روبرو کالعدم تحریک لبیک پاکستان کے سربراہ سعد رضوی کی گرفتاری کے بعد شہر میں ہنگامہ آرائی سے متعلق کیس کی سماعت ہوئی۔

کالعدم تحریک لبیک کے 25سے زائد کارکنان عدالت میں پیش ہوئے۔ عدالت نے ملزمان کی فی کس 30ہزار روپے کے عوض ضمانت منظور کرلی۔

عدالت نے ضمانتی مچلکے جمع کروانے پر ملزمان کو رہا کرنے کا حکم دیدیا۔ پولیس کے مطابق کالعدم تحریک لبیک کے سربراہ سعد رضوی کی گرفتار کے بعد ملزمان نے ہنگامہ آرائی کی، انہوں نے ایئر پورٹ اور نیو کراچی تھانے کی حدود میں جلاؤ گھیراؤ کیا اور شہریوں کی املاک کو نقصان پہنچایا۔

The post کراچی میں کالعدم تحریک لبیک کے 25سے زائد ملزمان کی ضمانت منظور appeared first on ایکسپریس اردو.

from ایکسپریس اردو » پاکستان https://ift.tt/3e5noJD

این اے 249 میں (ن) لیگ کا الیکشن چوری کیا گیا ہے، مریم نواز

 لاہور: نائب صدر (ن) لیگ مریم نواز کا کہنا ہے کہ الیکشن کمیشن کو متنازع الیکشن کے نتائج کو روکنا ہوگا کیوں کہ یہاں الیکشن چوری ہوا ہے۔

نائب صدر مسلم لیگ (ن) مریم نواز نے کراچی کے حلقہ این اے 249 میں ہونے والے ضمنی انتخاب کے نتائج کو مسترد کرتے ہوئے کہا کہ ووٹر ٹرن آوٹ بمشکل 15-18 فیصد اور گنتی کا عمل ساڑھے آٹھ گزرنے کے بعد بھی جاری رہا، یہاں بھی دھند چھا گئی تھی یا عملہ اتنی تاخیر سے پہنچا، ہمیں بے وقوف سمجھ رکھا ہے کیا۔

ووٹر ٹرن آوٹ بمشکل 15-18 فیصد اور گنتی کا عمل ساڑھے آٹھ گزرنے کے بعد بھی جاری ؟ یہاں بھی دھند چھا گئی تھی کہ عملہ اتنی تاخیر سے پہنچا؟ بےوقوف سمجھ رکھا ہے کیا؟

— Maryam Nawaz Sharif (@MaryamNSharif) April 29, 2021

مریم نواز کا کہنا تھا کہ الیکشن کمیشن کو متنازع الیکشن کے نتائج کو روکنا ہوگا، مسلم لیگ ن سے صرف چند سو ووٹوں سے الیکشن چوری ہوا تاہم نتائج نہ بھی روکے تو یہ فتح عارضی ہوگی۔ ان کا کہنا تھا کہ جلد ہی یہ سیٹ مسلم لیگ (ن) کو واپس ملے گی، عوام کے ووٹ چوری کرنے والے جلد آپ کے کٹہرے میں کھڑے ہوں گے۔

Election stolen from PMLN by only a few hundred votes. ECP must withhold the results of one of the most disputed & controversial elections. Even if it doesn’t, this victory will be temporary and will Insha’Allah come back to PMLN soon.
ووٹ کو عزت مل رہی ہے اور مل کر رہے گی

— Maryam Nawaz Sharif (@MaryamNSharif) April 29, 2021

The post این اے 249 میں (ن) لیگ کا الیکشن چوری کیا گیا ہے، مریم نواز appeared first on ایکسپریس اردو.

from ایکسپریس اردو » پاکستان https://ift.tt/3eAP9c0

ملک میں اگلے چند ہفتے خطرناک ہیں، کورونا ایس او پیزپرعمل کیا جائے، اسد عمر

 اسلام آباد: وفاقی وزیربرائے منصوبہ بندی اسد عمرکا کہنا ہے کہ کورونا وبا کے باعث ملک میں اگلے چند ہفتے خطرناک ہیں اس لیے ایس او پیز پر عمل کیا جائے۔

سماجی رابطے کی ویب سائٹ ٹوئٹرپروفاقی وزیر منصوبہ بندی اسد عمر نے کہا کہ ملک میں کورونا کے 5 ہزار360 مریضوں کی حالت نازک ہے جوآکسیجن پرہیں۔ آکسیجن پرجانے والے مریضوں کی تعداد پچھلے سال جون کی نسبت ستاون فیصد زیادہ ہے۔

Total number of critical care covid patients on oxygen reached 5360 yesterday. This is 57% more than the peak last june. Alhamdulillah have so far managed to cope with this huge increase because of proactively building capacity of the entire system from oxygen production to beds

— Asad Umar (@Asad_Umar) April 30, 2021

اسد عمر نے کہا کہ الحمداللہ، کورونا مریضوں کی بڑھتی تعداد کی فی الحال بہترحکمت عملی سے سنبھال رکھا ہے، اگلے چند ہفتے خطرناک ہیں، ایس اوپیزپرعمل کیا جائے، اللہ ہمیں بچائے رکھے۔

The post ملک میں اگلے چند ہفتے خطرناک ہیں، کورونا ایس او پیزپرعمل کیا جائے، اسد عمر appeared first on ایکسپریس اردو.

from ایکسپریس اردو » پاکستان https://ift.tt/3gRItJs

عمران خان کو بدترین حکمران کے طور پر یاد رکھا جائے گا، بلاول بھٹو

 کراچی: چیئرمین پاکستان پیپلزپارٹی بلاول بھٹو زرداری کا کہنا ہے کہ عمران خان کو ایک ایسے بدترین حکمران کے طور پر یاد رکھا جائے گا جس نے کرپشن کو فروغ دیا۔

پاکستان پیپلزپارٹی کے چیئرمین بلاول بھٹو زرداری نے پی ٹی آئی حکومت کو ملکی تاریخ کی سب سے کرپٹ حکومت قرار دیتے ہوئے کہا کہ عمران خان ایمنسٹی انٹرنیشنل کی رپورٹیں لہرا کر سب کو کرپٹ کہتے تھے اور آج وہی ادارہ کہہ رہا ہے کہ پی ٹی آئی حکومت نے سب سے زیادہ لوٹ مار کی۔

بلاول بھٹو زرداری نے کہا کہ شروع میں ہی حکومت کو بتادیا تھا کہ نیب اور معیشت ساتھ ساتھ نہیں چل سکتے مگر عمران خان نہیں مانے اور ملکی معیشت تباہ ہوگئی، عمران خان کو ایک ایسے بدترین حکمران کے طور پر یاد رکھا جائے گا جس نے احتساب کا نعرہ لگاکر کرپشن کو فروغ دیا۔

The post عمران خان کو بدترین حکمران کے طور پر یاد رکھا جائے گا، بلاول بھٹو appeared first on ایکسپریس اردو.

from ایکسپریس اردو » پاکستان https://ift.tt/3xD0UaE

پیپلزپارٹی نے ایک نشست کیلئے نظام کو یرغمال بنایا، فواد چوہدری

 اسلام آباد: وفاقی وزیربرائے سائنس وٹیکنالوجی فواد چوہدری کا کہنا ہے کہ پیپلزپارٹی نے ایک نشست کیلئے نظام کو یرغمال بنایا۔

وفاقی وزیربرائے سائنس وٹیکنالوجی فواد چوہدری نے ٹوئٹ میں کہا کہ پیپلزپارٹی نے ایک نشست کیلئے جس طرح نظام کویرغمال بنایا اس سے الیکشن اصلاحات کی ضرورت کا احساس پہلے سے بھی زیادہ شدت سے محسوس ہوتا ہے۔

فواد چوہدری نے کہا کہ ایک بارپھراپوزیشن سے کہتا ہوں کہ وزیراعظم کی تجاویزپرغور کریں، ووٹنگ کی شرح سے اندازہ ہوتا ہے عوام کا انتخابی عمل سے اعتبار ختم ہورہا ہے۔

واضح رہے کہ قومی اسمبلی حلقہ این اے 249 کے ضمنی انتخاب میں پیپلزپارٹی نے پی ٹی آئی کوبدترین شکست دے دی جب کہ مسلم لیگ (ن) کے امیدوار مفتاح اسماعیل دوسرے نمبر پررہے۔

The post پیپلزپارٹی نے ایک نشست کیلئے نظام کو یرغمال بنایا، فواد چوہدری appeared first on ایکسپریس اردو.

from ایکسپریس اردو » پاکستان https://ift.tt/3aQIPfo

سینئرصحافی مرزا خرم بیگ کورونا سے انتقال کرگئے

 کراچی:  سینئرصحافی مرزاخرم بیگ کورونا وائرس کی وجہ سے گذشتہ روز ( جمعرات کو) انتقال کر گئے، ان کی عمر 49سال تھی، ان کا انتقال مقامی اسپتال میں کووڈ 19کے باعث ہونے والی طبی پیچیدگیوں کی وجہ سے ہوا۔

KB کی عرفیت سے مشہور مرزا خرم بیگ طویل عرصے تک ایکسپریس میڈیا گروپ سے وابستہ رہے۔ ابتدا میں وہ ایکسپریس میڈیا کے میگیزین @ انٹرنیٹ کے ایڈیٹر تھے، پھر گروپ کے اخبار بزنس ٹوڈے کے ایڈیٹر مقرر ہوئے۔ بعدازاں 2010ء  میں دی ایکسپریس ٹریبیون کی ٹیم کا حصہ بن گئے۔

ایکسپریس ٹریبیون میں شمولیت سے قبل مرزا خرم بیگ  ڈان نیوز ٹی  وی اور بعدازاں ایک انگریزی چینل سے وابستہ رہے جہاں انھوں  نے اسپورٹس ایڈیٹر کی حیثیت سے فرائض انجام دیے۔ یہاں وہ  اسپورٹس شو کی میزبانی کرتے رہے  اور نیوزاینکر کے طور پر بھی خدمات انجام دیں۔ مرزا خرم بیگ کے صحافتی کیریئر کا آغاز  پاکستان پریس انٹرنیشنل (پی پی آئی ) سے ہوا۔

2004 سے 2006 تک وہ دی نیوز انٹرنیشنل کے سیٹی ایڈیٹر ( کراچی) بھی رہے۔ مرزا خرم بیگ کے انتقال پر ان کے رفقائے کار نے گہرے رنج و غم کا اظہار کیا ہے۔ ان کی بے وقت موت پر  کمال صدیقی نے، جو 2013 میں  ایکسپریس ٹریبیون میں ان کے ایڈیٹر تھے،  کہا کہ خرم بیگ ایک شاندار انسان تھے۔

وہ انتہائی محنتی اور اپنے کام میں ماہر تھے اور ہمیشہ کام کے معیار کو بلند کرنے کی کوشش کرتے تھے۔ مرزا خرم بیگ نے میڈیا کنسلٹنٹ اور  کونٹینٹ اسٹریٹجسٹ کے طور پر بھی خدمات انجام دیں۔ وہ مطالعے سے گہرا شغف رکھتے تھے اور ایک اچھے لکھاری بھی تھے۔ کاروباری اور کھیل کے موضوعات کے علاوہ ٹیکنالوجی پر ان کی تحریریں باقاعدگی سے شایع ہوتی تھیں۔  چار برس تک وہ  ایک  بین الاقوامی آرگنائزیشن Qineqt سے بطور بزنس ایڈیٹر وابستہ رہے۔

پچھلے دو سال سے وہ کے الیکٹرک کے  کونٹینٹ اینڈ کمیونی کیشن ڈپارٹمنٹ میں خدمات انجام دے رہے تھے۔ انھوں نے پسماندگان میں بیوہ اور تین بیٹے چھوڑے ہیں۔

کراچی یونین آف جرنلسٹس کے سینئر رکن اور ایکسپریس ٹریبون سے وابستہ سینئر صحافی خرم بیگ کے انتقال پر صدر کے یو جے اعجاز احمد، جنرل سیکریٹری عاجز جمالی، نائب صدور لبنیٰ جرار، ناصر شریف، جوائنٹ سیکریٹری طلحہ ہاشمی، رفیق بلوچ ، خازن یاسر محمود، کے یو جے کے سینئر اراکین حسن عباس، سید جان بلوچ، شاہد غزالی، اکبر جعفری اور دیگر تعزیت کا اظہار کیا ہے۔

The post سینئرصحافی مرزا خرم بیگ کورونا سے انتقال کرگئے appeared first on ایکسپریس اردو.

from ایکسپریس اردو » پاکستان https://ift.tt/3eGQEFV

فضل الرحمن کی پھر دعوت، اے این پی کا واپس نہ جانیکا فیصلہ

 پشاور:  پاکستان ڈیموکریٹک موومنٹ کے سربراہ مولانا فضل الرحمٰن کی جانب سے پیپلزپارٹی اور اے این پی کو اتحاد میں واپسی کی دعوت کے باوجود اے این پی نے اپنے فیصلہ پر قائم رہتے ہوئے پی ڈی ایم میں واپس نہ جانے پر اتفاق کیا ہے۔

مولانا فضل الرحمٰن نے گزشتہ دنوں پی ڈی ایم اجلاس کے بعد اے این پی اور پیپلزپارٹی کو ایک مرتبہ پھر پی ڈی ایم میں واپس آنے کی دعوت دی تاہم اس سلسلے میں تاحال ان کی جانب سے اے این پی کی قیادت کے ساتھ کسی قسم کا کوئی براہ راست رابطہ نہیں ہوسکا ،اس بارے میں اے این پی کے مرکزی ترجمان زاہدخان نے ایکسپریس کوبتایا کہ اے این پی اور پیپلزپارٹی کے معاملات الگ ہیں۔

پیپلزپارٹی نے صرف پی ڈی ایم کے عہدوں سے استعفے دیئے ہیں اور وہ اتحاد کوچھوڑ کر باہر نہیں گئی جبکہ اے این پی تو پی ڈی ایم کو چھوڑ کر باہر آگئی ہے اور ہم نے جو بھی فیصلہ کیاہے وہ بڑی سوچ سمجھ اور مشاورت کے بعد کیا اس لیے ہماری واپسی کا کوئی امکان نہیں۔

The post فضل الرحمن کی پھر دعوت، اے این پی کا واپس نہ جانیکا فیصلہ appeared first on ایکسپریس اردو.

from ایکسپریس اردو » پاکستان https://ift.tt/3vActOf

بشیر میمن کی گھی فیکٹری پر چھاپہ، انتظامیہ سے پوچھ گچھ

ہالا:  پی ایس کیو سی اے کی خصوصی ٹیم نے سابق ڈی جی ایف آئی اے بشیر میمن کی سانگھڑ و شہدادپور روڈ پر واقع گھی فیکٹری پر چھاپہ مارا اور کوالٹی چیک کرنے کے ساتھ لائسنس سے متعلق ریکارڈ طلب کرلیا ہے۔

پاکستان اسٹینڈرڈ کوالٹی کنٹرول اتھارٹی کی ٹیم نے سابق ڈی جی ایف آئی اے بشیر میمن کی سانگھڑ و شہدادپور روڈ پر واقع گھی فیکٹری پرچھاپے کے دوران ریکارڈ اور لائسنس چیک کیا۔ لائسنس کی تجدید نہ ہونے پر فیکٹری انتظامیہ سے پوچھ گچھ کی گئی۔

سابق ڈی جی ایف آئی اے بشیر میمن کا کہنا تھا کہ گھی فیکٹری کے لائسنس کی تجدید کیلئے پہلے ہی درخواست جمع کرواچکا ہو۔ رزق دینے والا اللھ ہے۔ مجھے کسی کا ڈر اور خوف نہیں۔پی ٹی آئی کے حکمرانوں پر الزامات عائد نہیں کیے بلکہ حقیقت بیان کی ہے۔ اگر میں نے اتنے ہی غلط اور جھوٹے الزام لگائے تو انہیں پریشان ہونے کی کیا ضرورت ہے۔

ہالا میں واقع اپنی رہائشگاہ پر ایکسپریس سے خصوصی گفتگو کرتے ہوئے بشیر میمن کا کہنا تھا کہ الزامات تو وہ ہوتے جو تحریری دیتا میں نے تو باتیں کی۔ اب یہ لوگ لیگل پراسیس میں آگئے ہیں اور مجھے ایک قانونی نوٹس بھیجا گیا ہے۔ ان کی مہربانی ہے میں اس کا جواب دونگا۔

بشیر میمن نے واضح کیا کہ نون لیگ سے میرا کوئی تعلق نہیں، میں اب ریٹائرڈ ہو کر گھر میں بیٹھا ہوں۔ کیا نون لیگ دوبارہ پاور میں آنے کے بعد مجھے پھر نوکری دے گی۔؟ مجھے سمجھ نہیں آرہی کس طرح کی باتیں کی جارہی ہیں۔ ہونا تو یہ چاہیے کہ حکمرانوں کو چاہیے تھا کہ میں نے جو کہا اس کے بارے میں میڈیا میں آکر بتاتے کہ میں نے کیا جھوٹ بولا۔ الٹا سوشل میڈیا پر طوفان بدتمیزی برپا کردیا اور انہیں مغلظات تک دی جارہی ہیں۔ انہوں نے کہا کہ مغلظات دینے والے بچوں سے کہتا ہو کہ وہ غلیظ باتوں سے اجتناب برتیں۔

The post بشیر میمن کی گھی فیکٹری پر چھاپہ، انتظامیہ سے پوچھ گچھ appeared first on ایکسپریس اردو.

from ایکسپریس اردو » پاکستان https://ift.tt/3aMsrwA

صوبہ سندھ میں بچوں پر جسمانی تشدد میں کمی نہ آ سکی

 کراچی:  بچوں کے خلاف جرائم کی روک تھام کیلیے سندھ طویل عرصے سے جدوجہد میں مصروف ہے جہاں قانونی ڈھانچے کے باوجود بچوں کے حقوق کی خلاف ورزی جاری ہے۔

مختلف اضلاع سے موصولہ اطلاعات سے پتہ چلتا ہے کہ ان اداروں میں اساتذہ کا معمول ہے کہ وہ کمسن طلبہ کو انتہائی غیرانسانی اور ہتک آمیز سلوک کا نشانہ بناتے ہوئے ان کو سزا دیتے ہیں۔

سوشل میڈیا پر ایک ایسی ہی وڈیو وائرل ہوئی جس میں دیکھا جاسکتا ہے کہ ضلع عمرکوٹ میں ایک مدرسے کے عالم دین نے7سے 8سال کی عمر کے تین طالب علموں کو زدوکوب اور تشدد کا نشانہ بنایا، آپ لوگ ہمیشہ دیر سے کیوں آتے ہیں ؟، اگر آپ نے غلطی کو دوبارہ دہرایا تو میں آپ کا قتل کردوں گا، ’’وڈیو میں استاد کی حقارت آمیز گفتگو سنتے ہوئے دیکھا جاسکتا ہے۔

ایسے ہی واقعات کو دیکھتے ہوئے 4سال قبل  سندھ اسمبلی نے جسمانی سزا کا بل 2016 منظور کیا تھا  تاکہ بچوں کو ہر طرح کے تعلیمی اداروں اور دیکھ بھال کے مراکز میں تشدد سے بچایا جاسکے۔اس بل میں بچوں کے خلاف طاقت کے استعمال کو کالعدم قرار دینے کی کوشش کی گئی، بل میں بچے کے انسانی وقار اور جسمانی سالمیت کا احترام کرنے کے حق کے تحفظ پر بھی خصوصی زور دیا گیا ہے۔

بچوں کے حقوق برائے قومی کمیشن (این سی آر سی) سندھ چیپٹر کے ممبر اقبال احمد ڈیٹھو کے مطابق قواعد تیار کیے گئے ہیں لیکن حتمی منظوری کے منتظر ہیں تاہم  قواعد کی ایک کاپی  جو ایکسپریس ٹریبیون نے حاصل کی جس میں انکشاف کیا گیا کہ جس شخص نے بھی بچے پر تشدد کیا ہو ،اسے مقامی سطح پر تشکیل دی گئی چائلڈ پروٹیکشن کمیٹیاں (تحقیقات کے بعد) اس معاملے کو ڈسٹرکٹ ایجوکیشن آفیسر کے پاس مزید تفتیش اور کارروائی کیلیے بھیجیں گی۔

دوسری طرف صوبائی وزیر صحت کے ترجمان نے اس معاملے پر بات کرتے ہوئے کہا کہ طویل التوا کا شکار انسداد جسمانی تشدد سے متعلق سزا کا بل اس وقت حتمی شکل میں ہے جو بھی شکایات کو رجسٹرڈ کرتا ہے یا جب بھی میڈیا میں اس طرح کے واقعات کی خبریں آتی ہیں ان کے خلاف کارروائی کرتے ہیں۔

انھوں نے ایکسپریس کو بتایا کہ وزیر تعلیم سندھ اس معاملے سے متحرک ہیں اور انھوں نے پہلے ہی حکام کو آگاہ کیا ہے کہ جسمانی یا دیگر قسم کی سزا کو اسکول کی سطح پر برداشت نہیں کیا جائے گا۔

The post صوبہ سندھ میں بچوں پر جسمانی تشدد میں کمی نہ آ سکی appeared first on ایکسپریس اردو.

from ایکسپریس اردو » پاکستان https://ift.tt/3gXsHwu

الیکشن ہارنے میں PTI کراچی زیادہ قصور وار ہے، ڈاکٹر عامر لیاقت

 اسلام آباد:  پی ٹی آئی کے رہنما ڈاکٹر عامرلیاقت حسین نے کہا کہ میں کراچی میں ایک شناخت رکھتا ہوں۔

ایکسپریس نیوزکے پروگرام ’’کل تک‘‘ میں میزبان جاوید چوہدری سے گفتگو کرتے ہوئے انھوں نے کہاکہ میںنے یہاں سے 2002 کا الیکشن بھی لڑا اور جیتا اور آج 10 سال بعد جب میں دوبارہ آیا تو بھی الیکشن جیت گیا۔ کراچی کی قیادت کو پتہ نہیں ہے کہ کراچی کے ووٹرزکوکس طرح موٹیویٹ کیا جاتا ہے اور اس سارے الیکشن میں عامر لیاقت حسین کو استعمال ہی نہیں کیا گیا۔ اور اس کے علاوہ ٹکٹ دیتے ہوئے مشاورت بھی نہیں کی گئی حالانکہ آپس میں مشورہ کرنے کا حکم قرآن نے بھی دیا ہے۔

انہوں نے کہا کہ ایم کیو ایم اور پیپلز پارٹی دونوں جماعتوں نے یہاں کوئی کام نہیں کروایا اورافسوسناک بات یہ ہے کہ پانی کے قریب ہوتے ہوئے بھی اس حلقے میں پانی فراہم نہیں کیا گیا۔ تحریک انصاف نے یہاں کام کیا تھا لیکن امیدوار مناسب کھڑا نہیں کر سکی۔ الیکشن ہارنے میں کراچی کی تنظیم زیادہ قصور وار ہے۔

مسلم لیگ (ن) کے رہنماکھیل داس نے کہا کہ کراچی کے  عوام جب 2013 میں بدامنی کی آگ میںجل رہے تھے تو نواز شریف نے کراچی کا امن بحال کیا ۔ 2018 میں لوگوں کو امید تھی کہ شہباز شریف آئیںگے اورپانی بھی دیں گے، سڑکیں بھی بنائیں گے اور مسائل حل کریں گے،  اڈا پانی کا وزیر توبن گیا لیکن حلقے میں پانی نہیں دے سکا۔

مفتاح اسماعیل نے کہاہے کہ میں اس پانی کی چوری کو روکوں گا اور اس کے خلاف قانونی جنگ لڑوں گا اورجیسے بھی ہوسکاپانی مہیاکروں گا۔ یہ حلقہ ہمیشہ سے (ن) لیگ کارہاہے۔

پیپلز پارٹی کے رہنما قادرمندوخیل نے کہاکہ جو آپ نے77پولنگ اسٹیشنزکارزلٹ بتایاہے میں اس سے اتفاق نہیں کرتا کیونکہ میرے سامنے جو46پولنگ اسٹیشنزکارزلٹ آیاہے اس کے مطابق پیپلزپارٹی پہلے نمبر پر جبکہ مسلم لیگ(ن) تیسرے نمبرآرہی ہے اورزمینی حقائق بھی یہی ہیں کہ مسلم لیگ کے جیتنے کا دور دور تک امکان نہیں ہے۔ انھوں نے ادھرکے ووٹوں کوادھرکی یونین کونسل میں ڈال دیا ہے اورجوہمارے لوگوں کے پاس ووٹوں کی لسٹیں تھیں اندرپریذائیڈنگ افسران کے پاس ادھوری لسٹیں تھیں۔

ان کا کہنا تھا کہ رمضان کے مہینے میں روزے کی حالت میں گرمی کی کے موسم میں ووٹرزکوادھر ادھر دوڑاناپری پول رگنگ ہے، حکومت نے جوٹائیگر فورس کوروناکیلیے بنائی تھی اسے آج اس حلقے میں الیکشن کیلیے استعمال کیاگیا ہے۔

The post الیکشن ہارنے میں PTI کراچی زیادہ قصور وار ہے، ڈاکٹر عامر لیاقت appeared first on ایکسپریس اردو.

from ایکسپریس اردو » پاکستان https://ift.tt/3uiEvO5

میر پورخاص؛ زہریلی قلفی کھانے سے 3 بچے جاں بحق

میر پور خاص: زہر خورانی سے غریب سبزی فروش کے 3 کمسن بچے جاں بحق ہوگئے۔

میرپورخاص کے علاقے ڈھولن آباد کے رہائشی ذاکر کے گھر اس وقت قیامت ٹوٹ پڑی جب چند گھنٹوں میں ہی اس کے3  بچے موت کی آغوش میں چلے گئے۔

پولیس کے مطابق گھر کے7 افراد نے گزشتہ شب ایک ریڑھی بان سے قلفیاں خرید کر کھائی تھیں تاہم علی الصباح 5 سالہ ضمیرا، ڈیڑھ سالہ عبدالہادی اور 3 سالہ اقصیٰ کو الٹیاں اور دست لگ گئے جس کے بعد انہیں پہلے سول اسپتال میرپورخاص منتقل کیا گیا جہاں سے تشویشناک حالت میں تینوں بچوں کو سول اسپتال حیدرآباد لے جایاگیا جہاں وہ چل بسے۔

The post میر پورخاص؛ زہریلی قلفی کھانے سے 3 بچے جاں بحق appeared first on ایکسپریس اردو.

from ایکسپریس اردو » پاکستان https://ift.tt/333tdks

جنوبی وزیرستان؛ مذاکرات کامیاب 3روز سے جاری احتجاج ختم

ڈیرہ اسماعیل خان: مظاہرین اور صوبائی حکومت میں مذاکرات کامیاب ہو گئے۔

آئی جی ایف سی اور کمشنر ڈیرہ کی طرف سے مطالبات تسلیم کرنے پرجنوبی وزیرستان میں تین روز سے جاری احتجاج ختم اور نعشوں کی تدفین کر دی گئی، لدھا کے علاقہ بی بی زئی راغزی میں دو نوجوانوں کلام الدین اور انعام اللہ کے قتل کیخلاف ہزاروں افراد کا دھرنا 3 دن سے جاری تھا۔

کمشنرعامر لطیف کے مطابق تحریری فیصلے کے تحت مقتولین کے لواحقین کو شہدا پیکج کے تحت دو دو سرکاری نوکریوں سمیت 20، 20 لاکھ روپے معاوضہ دیا جائیگا۔

The post جنوبی وزیرستان؛ مذاکرات کامیاب 3روز سے جاری احتجاج ختم appeared first on ایکسپریس اردو.

from ایکسپریس اردو » پاکستان https://ift.tt/3xCcLFR

7500 اور 15 ہزار روپے والے انعامی بونڈز ختم کرنے کا اعلان

 اسلام آباد: حکومت نے فیٹف (ایف اے ٹی ایف) کی شرائط پوری کرنے کے لیے 7500 اور 15 ہزار روپے مالیت کے انعامی بونڈز ختم کردیئے اور عوام کو بانڈز کی واپسی کے لیے 31 دسمبر تک مہلت دے دی۔

ایکسپریس کو دستیاب دستاویز کے مطابق حکومت کی جانب سے دو نوٹی فکیشن جاری کیے گئے ہیں جن میں بتایا گیا ہے کہ پندرہ ہزار اور ساڑھے سات ہزار روپے مالیت کے پرائز بانڈز کی فروخت پر فوری طور پر پابندی عائد کردی گئی ہے ساتھ ہی ان کی یکم مئی کو ہونے والی  قرعہ اندازی بھی منسوخ کردی گئی۔

نوٹی فکیشن کے مطابق صارفین مذکورہ بونڈز 31 دسمبر تک بینکوں سے کیش کراسکیں گے، تاریخ گزرنے کے بعد بونڈز کے عوض کیش نہیں مل سکے گا بلکہ بونڈز واپس کرکے پچیس ہزار روپے والے اور چالیس ہزار روپے والے رجسٹرڈ انعامی بونڈز حاصل کیے جاسکیں گے، ان بانڈز کی واپسی سے اسپیشل سیونگ سرٹیفکیٹ، ڈیفنس سیونگ سرٹیفکیٹ بھی حاصل کیے جاسکیں گے۔

نوٹی فکیشن کے مطابق بونڈز کی واپسی پر رقم صارفین کے بینک اکاؤنٹس میں منتقل ہوگی اورصارفین اسٹیٹ بینک آف پاکستان کی ملک بھر میں قائم 16 فیلڈ آفسز، مجاز کمرشل بینکوں اور قومی بچت کے مراکز کے ذریعے ہی بونڈز واپس کرسکیں گے۔

The post 7500 اور 15 ہزار روپے والے انعامی بونڈز ختم کرنے کا اعلان appeared first on ایکسپریس اردو.

from ایکسپریس اردو » پاکستان https://ift.tt/3gTpIVZ

بشیر میمن کو فائز عیسیٰ کے خلاف کیس بنانے کے لیے کبھی نہیں کہا، عمران خان

 اسلام آباد: وزیراعظم عمران خان نے سابق ڈی جی ایف آئی بشیر میمن کے الزامات کو بے بنیاد قرار دیتے ہوئے کہا کہ بشیر میمن کو کبھی بھی فائزعیسیٰ کے خلاف  کیسز بنانے یا تحقیقات کے لیے نہیں کہا۔

ان خیالات کا اظہار وزیراعظم عمران خان  نے ٹی وی اینکرز کے ساتھ ہونے والی ملاقات میں کیا۔ عمران خان نے کہا کہ بشیر میمن صرف اومنی گروپ کی مشترکہ تحقیقاتی کمیٹی میں پیش رفت پربریف کرتے تھے، ریفرنس فائل کرنے کا کام تو بشیرمیمن کا ہی نہیں تھا، البتہ بشیر میمن کوخواجہ آصف کے اقامے کے معاملے پر تحقیقات کے لیے کہا تھا۔

ان کا کہنا تھا کہ بشیر میمن کے تمام الزامات حقائق کے منافی ہیں، نہ ہی انہیں کبھی خاتون اول کی تصویر کے معاملے میں مریم نواز پر دہشت گردی کا مقدمہ بنانے کا کہا، نہ ہی انہیں کبھی مریم نواز، ن لیگ یا پیپلز پارٹی کے خلاف کیسز کا کہا گیا۔

وزیراعظم نے کہا کہ بشیر میمن کو خواجہ آصف کے اقامے کے معاملے پر ضرور کہا تھا کہ تحقیقات کریں یہ کیسے ہوسکتا ہے کہ کوئی خارجہ اور دفاع کا وزیر ہوتے ہوئے غیر ملکی اقامہ اور تنخواہ لیتا ہو؟ انہوں نے بتایا کہ خواجہ آصف کیس کی تحقیقات کا فیصلہ بھی کابینہ اجلاس میں کیا گیا تھا۔ وزیراعظم نے مزید کہا کہ ڈاکٹر رضوان کو ہٹایا نہیں، ابوبکر خدا بخش بھی ان کے ساتھ ہوں گے

جہانگیر ترین کے بارے میں پوچھے گئے سوال پر عمران خان کا کہنا تھا کہ ان کے معاملے میں انصاف ہوگا اور جہانگیر ترین کے معاملے پر ملاقات کرنے والے وفد نے جوڈیشل کمیشن بنانے کا کہا ہے۔

The post بشیر میمن کو فائز عیسیٰ کے خلاف کیس بنانے کے لیے کبھی نہیں کہا، عمران خان appeared first on ایکسپریس اردو.

from ایکسپریس اردو » پاکستان https://ift.tt/3vHfP23

مقامی وبین الاقوامی مارکیٹوں میں سونے کی قیمت میں اضافہ

کراچی: پاکستان میں سونے کی فی تولہ قیمت میں 300 روپے اور 10گرام کی قیمت میں 257 روپے کا اضافہ ہوگیا۔

بین الاقوامی بلین مارکیٹ میں فی اونس سونے کی قیمت 11ڈالر کے اضافے سے 1776ڈالر کی سطح پر پہنچنے کے باعث مقامی صرافہ مارکیٹوں میں بھی جمعرات کو فی تولہ اور فی دس گرام سونے کی قیمتوں میں بالترتیب 300روپے اور 257روپے کا اضافہ ہوگیا۔

جس کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 103900روپے اور فی دس گرام سونے کی قیمت بڑھ کر 89078روپے ہوگٸی۔

اسی طرح فی تولہ چاندی کی قیمت10روپے بڑھکر 1360روپے پر مستحکم رہی اور دس گرام چاندی کی قیمت 8.58روپے بڑھکر 1165.98روپے ہوگٸی۔

The post مقامی وبین الاقوامی مارکیٹوں میں سونے کی قیمت میں اضافہ appeared first on ایکسپریس اردو.

from ایکسپریس اردو » پاکستان https://ift.tt/3vvWYqC

اسٹیٹ بینک کا عیدالفطر پر نئے کرنسی نوٹ جاری نہ کرنے کا فیصلہ

 کراچی: کورونا وبا کے باعث اسٹیٹ بینک نے اس سال بھی عیدالفطر پر نئے کرنسی نوٹ جاری نہ کرنے کا فیصلہ کیا ہے۔

کورونا وبا کے پھیلاؤ کو روکنے کے لئے اسٹیٹ بینک آف پاکستان نے رواں سال عیدالفطر کےموقع  پر بھی نئے کرنسی نوٹ جاری نہ کرنے کا فیصلہ کرلیا ہے۔ حکام کا کہنا ہے کہ کورونا وباء کے تناظر میں عید الفطر پر عوام کے لئے کسی بھی مالیت کے نئےکرنسی نوٹوں کا  اجراء نہیں کیا جائے گا، گزشتہ سال بھی کورونا وباء کے پیش نظر نئے نوٹوں کا اجراء نہیں کیا گیا تھا۔

واضِح رہے کہ ہرسال عیدالفطر کے موقع پر تقریبا 300ارب روپے کے اضافی کرنسی نوٹ چھاپے جاتے ہیں جسے عوام میں تقسیم کردیاجاتا ہے۔ رواں سال بھی مرکزی بینک کی جانب سے عیدالفطر کے موقع پر نئے کرنسی نوٹوں کے عدم اجرا سے نئے اور کرارے نوٹوں کے خواہشمندوں کا دباؤ کرنسی نوٹوں کی مارکیٹوں پر بڑھ جائے گا جس کی وجہ سے نئے کرنسی نوٹ فروخت کرنے والوں کی چاندی ہوجائے گی۔

یہاں یہ امر قابل ذکر ہے کہ ہرسال عیدالفطر کے موقع پر 10 روپے، 20 روپے، 50 روپے اور 100 روپے کے نئے کرنسی نوٹوں کی طلب بڑھ جاتی ہے جس کا فائدہ اٹھاتے ہوئے کرنسی ڈیلر دس روپے کی نئی گڈی پر اضافی 200 سے 400 روپے، 20 روپے کی گڈی پر 300 سے 500روپے، 50 روپے کی گڈی پر 600 سے 700 روپے اور 100 روپے کی گڈی پر 800 سے 1000روپے وصول کرتے ہیں۔

The post اسٹیٹ بینک کا عیدالفطر پر نئے کرنسی نوٹ جاری نہ کرنے کا فیصلہ appeared first on ایکسپریس اردو.

from ایکسپریس اردو » پاکستان https://ift.tt/3gSCjZx

راولپنڈی میٹرو بس کو حادثہ، جڑواں شہروں میں بس سروس معطل

راولپنڈی میٹرو بس کو پریڈ گراونڈ اسٹاپ کے قریب حادثہ پیش آیا ہے۔

راولپنڈی میٹرو بس مسافروں سے بھری بس حفاظتی جنگلے سے ٹکرا گی جس کے باعث بس کو شدید نقصان پہنچا تاہم معجزانہ طور پر تمام مسافر محفوظ رہے۔ حادثے کے بعد جڑواں شہروں میں میٹروبس سروس معطل ہوگی۔

میٹروس بس انتظامیہ ذرائع نے بتایا کہ راولپنڈی سے اسلام آباد جاتے ہوئے میٹروبس پریڈ گراونڈ سٹاپ کے قریب حفاظتی جنگلے سے ٹکرا گی، متاثرہ بس کو کرین کی مدد سے ٹریک سے ہٹا کر ڈپو میں منتقل کردیا گیا ہے، حادثہ کے بعد جڑواں شہروں میں میٹرو بس سروس معطل ہے جس سے مسافروں کو شدید پریشانی کا سامنا ہے۔

The post راولپنڈی میٹرو بس کو حادثہ، جڑواں شہروں میں بس سروس معطل appeared first on ایکسپریس اردو.

from ایکسپریس اردو » پاکستان https://ift.tt/3u9s8Us

ملتان میں 12 افراد کی بینائی ضائع ہونے پر اسپتال کو صرف 5 لاکھ روپے جرمانہ

ملتان: پنجاب ہیلتھ کیئر کمیشن نے نجی لئیق رفیق اسپتال کے میڈیکل کیمپ میں غلط سرجری کے باعث 12 افراد کی بینائی ضائع ہونے کی تحقیقات مکمل کر لیں۔

آنکھوں کے غلط آپریشنز پر لئیق رفیق ہسپتال کو5 لاکھ روپے جرمانہ عائد کردیا گیا جبکہ آپریشن کرنے والے ڈاکٹر کا کیس پاکستان میڈیکل کمیشن اورمحکمہ صحت کو بھجوا دیا گیا۔

ترجمان پنجاب ہیلتھ کیئر کمیشن کے مطابق ڈاکٹر حسنین کے خلاف فوجداری کارروائی کی تجویز دی گئی ہے اور مقدمے کا فیصلہ متاثرین پر چھوڑ دیا گیا ہے کہ وہ ڈاکٹر کے خلاف اندراجِ مقدمہ کے لیے پولیس کودرخواست دے سکتے ہیں۔

یہ بھی پڑھیں: ملتان میں غلط سرجری کے باعث 11 مریض بینائی سے محروم

لئیق رفیق ہسپتال ملتان میں گزشتہ ماہ 16 افراد کی آنکھوں کے آپریشنز کیے گئے تھے مگردو روزبعدہی 12اشخاص کوشدیدانفیکشن ہوگیا اوربعدازاں انکی بینائی جاتی رہی۔

مبینہ غفلت پر ابتدائی کارروائی کر تے ہوئے کمیشن کی چار رکنی ٹیم نے نجی ہسپتال کے آپریشن تھیٹرزسربمہرکر کے علاج معالجہ کی تفصیلات حاصل کرنے کے ساتھ ساتھ تمام ریکارڈ قبضہ میں لے لیاتھا۔

The post ملتان میں 12 افراد کی بینائی ضائع ہونے پر اسپتال کو صرف 5 لاکھ روپے جرمانہ appeared first on ایکسپریس اردو.

from ایکسپریس اردو » پاکستان https://ift.tt/32VKDj0

کراچی میں موٹرسائیکل کی ریس لگاتے منچلے کو لینے کے دینے پڑگئے

 کراچی: موٹر سائیکل پر ریس لگانے والے منچلے نوجوانوں سے شہریوں نے نمٹنے کا انوکھا طریقہ اختیار کرلیا۔

موٹر سائیکلوں پر ریس لگانے والے منچلے نوجوانوں سے شہریوں نے نمٹنے کا انوکھا طریقہ اختیار کرلیا، عائشہ منزل فلائی اوور سے اترتے ہوئے کریم آباد جانے والی سڑک پر مشتعل شہریوں نے ایک موٹر سائیکل کو نذر آتش کر دیا، مذکورہ واقعے کی فوٹیج سوشل میڈیا پر وائرل ہوگئی جس میں ویڈیو بنانے والے شخص کا کہنا تھا کہ ریس لگانے والے موٹر سائیکل سواروں نے عائشہ منزل فلائی اوور کے قریب متعدد موٹر سائیکل سواروں کو ٹکر مار دی تھی جس پر کچھ خواتین اور بچے بھی سوار تھے وہ گر کر زخمی ہوگئے۔

فوٹیج بنانے والے نے شخص نے اس مقام کی بھی نشاندہی کی جہاں پر موٹر سائیکل سوار گرنے سے زخمی ہوئے تھے اور اس مقام پر ایمبولینسز کی ایمرجنسی لائٹیں دکھائی دے رہیں تھیں تاہم فوٹیج کے بارے میں بتایا جا رہا ہے کہ مذکورہ واقعہ چند روز قبل رات کے وقت پیش آیا تھا اور اس حوالے سے کسی نے متعلقہ تھانے میں کوئی شکایت درج نہیں کرائی۔

The post کراچی میں موٹرسائیکل کی ریس لگاتے منچلے کو لینے کے دینے پڑگئے appeared first on ایکسپریس اردو.

from ایکسپریس اردو » پاکستان https://ift.tt/32WhggD

این سی او سی کی آکسیجن اور سلنڈر درآمد کرنے کی منظوری

 اسلام آباد: نیشنل کمانڈ اینڈ کنٹرول آپریشن سنٹر(این سی او سی) نے ملک میں آکسیجن اور سلنڈر کی درآمد کی منظوری دے دی۔

وفاقی وزیر اسد عمر کی زیرصدارت این سی او سی کا اجلاس ہوا جس میں ملک میں کورونا وبا کی صورتحال کا جائزہ لیا گیا۔ این سی او سی نے 40-49 سالہ شہریوں کی کورونا ویکسینیشن 3 مئی سے شروع کرنے کا فیصلہ کیا۔

پاکستان آنے والی پروازیں 5 سے 20 مئی تک کم کردی جائیں گی اور اس فیصلے پر نظر ثانی 18 مئی کو ہوگی۔ عالمی پروازویں کم کرنے سے متعلق تفصیلی احکامات سول ایوی ایشن اتھارٹی جاری کرے گی۔

این سی او سی نے آکسیجن اور آکسیجن سلنڈر کی درآمد کی بھی منظوری دے دی۔

The post این سی او سی کی آکسیجن اور سلنڈر درآمد کرنے کی منظوری appeared first on ایکسپریس اردو.

from ایکسپریس اردو » پاکستان https://ift.tt/3u5OMgd

اسلام آباد میں گذشتہ 15 روزکے دوران مزید 1000 بچے کورونا سے متاثر

 اسلام آباد: اسلام آباد میں گذشتہ 15 روزکے دوران مزید 1000 بچے کورونا سے متاثرہوچکے۔

اسلام آباد میں گذشتہ 15 روزکے دوران مزید 1000 بچے کورونا سے متاثرہوچکے جس کے بعد کورونا سے متاثرہ بچوں کی تعداد 8 ہزارسے تجاوزکرگئی ہے۔  ماہرین صحت کا کہنا ہے کہ کورونا سے بڑوں کے ساتھ بچے بھی زیادہ تعداد میں متاثرہورہے ہیں، ماں باپ کو چاہئے کہ وہ ماسک کا استعمال، سماجی فاصلوں اور صفائی کا خاص خیال رکھے تاکہ بچوں کو کورونا سے محفوط رکھا جاسکے۔

ڈی ایچ او رپورٹ کی رپورٹ کے مطابق گذشتہ چوبیس گھنٹوں کے دوران 43 بچوں میں کورونا کی تصدیق ہوئی ہے۔ کورونا سے متاثرہونے والوں میں 10 سال تک عمر کے بچے شامل ہیں۔

پمز اسپتال کے ترجمان ڈاکٹر وسیم خواجہ کا کہنا ہے کہ کم سن بچوں کو ماسک پہنانا بہترنہیں تاہم ماں باپ کو چاہئے کہ وہ ماسک کا استعمال کریں، سماجی فاصلہ اور صفائی کا خاص خیال رکھیں تاکہ بچوں کو کورونا سے محفوط رکھا جاسکے۔

The post اسلام آباد میں گذشتہ 15 روزکے دوران مزید 1000 بچے کورونا سے متاثر appeared first on ایکسپریس اردو.

from ایکسپریس اردو » پاکستان https://ift.tt/3nxaqr9

وفاقی کابینہ میں مزید 3 ارکان کی شمولیت، نصف سنچری مکمل

 اسلام آباد: 3 نئی تقرریوں کے بعد وفاقی کابینہ میں ارکان کی تعداد 50 ہوگئی۔

ایکسپریس نیوزکے مطابق تحریک انصاب کے رہنما فرخ حبیب وزیر مملکت اطلاعات و نشریات مقرر کردیئے گئے ہیں اور کابینہ ڈویژن نے فرخ حبیب کی بطور وزیر مملکت تعیناتی کا نوٹیفکیشن جاری کردیا ہے، فرخ حبیب کو اطلاعات و نشریات کا قلمدان سونپا گیا ہے۔

دوسری جانب عثمان ڈار کو بھی  دوبارہ وزیراعظم کا معاون خصوصی برائے یوتھ افیئرز مقرر کردیا گیا ہے، جب کہ ڈاکٹر وقار مسعود وزیر اعظم کے معاون خصوصی خزانہ و ریونیو مقرر کئے گئے ہیں، وقار مسعود اس سے قبل وزیر اعظم کے معاون خصوصی ریونیو تھے۔

کابینہ ڈویژن نے عثمان ڈار اور وقار مسعود کے بطور معاون خصوصی تقرری کے نوٹیفکیشن جاری کردیے ہیں، جس کے بعد وفاقی کابینہ ارکان کی تعداد 50 ہو گئی ہے۔ وفاقی کابینہ میں 27 وزراء، 4  وزرائے مملکت، 15 معاونین خصوصی اور 4 مشیران شامل ہیں۔

The post وفاقی کابینہ میں مزید 3 ارکان کی شمولیت، نصف سنچری مکمل appeared first on ایکسپریس اردو.

from ایکسپریس اردو » پاکستان https://ift.tt/2Se9sET

جہانگیرترین جانتے ہیں وزیراعظم احتساب پرلچک نہیں دکھاسکتے، گورنر سندھ

 اسلام آباد: گورنر سندھ عمران اسماعیل کا کہنا ہے کہ جہانگیر ترین بھی جانتے ہیں کہ وزیراعظم احتساب پر لچک نہیں دکھا سکتے اور احتساب کا عمل کسی کیلئے تبدیل نہیں کریں گے۔ 

وفاقی وزیر اطلاعات فواد چوہدری کے ہمراہ پریس کانفرنس کرتے ہوئے گورنر سندھ عمران اسماعیل کا کہنا تھا کہ وزیراعظم معیشت پر توجہ دے رہے ہیں، حفیظ شیخ نے معیشت میں اچھا کام کیا ہے، اور اب شوکت ترین مہنگائی کم کرنے پر توجہ دیں گے، ہماری ایکسپورٹ میں اضافہ ہورہا ہے، معاشی حالات میں بہتری آرہی ہے، عمران خان نے زندگی بھر سخت سے سخت فیصلے کیے ہیں، انہیں مہنگائی کی سب سے زیادہ فکر ہے،

گورنر سندھ نے کہا کہ عمران خان انٹرنیشنل لیڈر کے طور پر ابھرے ہیں، آنے والا وقت پاکستان اور قوم کے لئے بہتر ہونے والا ہے، پاکستان کو خوشحالی کی طرف لے جانے پر اپوزیشن گھبرائی ہوئی ہے، ، اپوزیشن کے پاس کوئی بات نہیں تو مہنگائی کی بات کرتے ہیں۔

عمران اسماعیل کا کہنا تھاکہ جہانگیر ترین وزیراعظم عمران خان کے قریبی ساتھیوں میں رہے ہیں، عمران خان ان کے ساتھ امتیازی سلوک نہیں کرسکتے، اور جہانگیر ترین بھی پارٹی کا برا نہیں چاہتے،  وزیراعظم کو یقین ہے کہ جہانگیر ترین الزامات کا سامنا کریں گے، تحقیقات مکمل ہونے پر روپوٹ وزیراعظم کو پیش ہوگی۔

گورنرسندھ نے کہا کہ جہانگیر ترین نے پی ٹی آئی کے وکیل علی ظفر پر اعتماد کا اظہار کیا ہے اور وہ ان سے مطمئن ہیں، دعا ہے کہ جہانگیر ترین پر لگے الزامات غلط ثابت ہوں، جہانگیرترین بھی جانتےہیں وزیراعظم احتساب پرلچک نہیں دکھا سکتے اور احتساب کا عمل کسی کیلئے تبدیل نہیں کریں گے۔

The post جہانگیرترین جانتے ہیں وزیراعظم احتساب پرلچک نہیں دکھاسکتے، گورنر سندھ appeared first on ایکسپریس اردو.

from ایکسپریس اردو » پاکستان https://ift.tt/3eFTCdF

کالعدم تحریک لبیک نے پابندی کے خلاف حکومت کو نظر ثانی اپیل کردی

 اسلام آباد: تحریک لبیک پاکستان (ٹی ایل پی) نے کالعدم قرار دیئے جانے کے حکومتی فیصلے کے خلاف نظر ثانی کی اپیل دائر کردی۔

ٹی ایل پی نے سیکرٹری داخلہ کے پاس دائر کردہ اپیل میں موقف اختیار کیا کہ تحریک لبیک پاکستان الیکشن کمیشن میں رجسٹرڈ سیاسی جماعت ہے جس کا دہشت گردی سے کوئی تعلق نہیں، اس پر عائد کردہ پابندی بلاجواز ہے جسے ختم کیا جائے۔ سیکرٹری داخلہ کی سربراہی میں ٹی ایل پی کی اپیل کا جائزہ لینے کے لیے اجلاس کل طلب کرلیا گیا۔

اس خبرکوبھی پڑھیں: وزارت داخلہ نے تحریک لبیک پاکستان کو کالعدم قرار دے دیا

توہین رسالت پر فرانسیسی سفیر کو ملک بدر کرنے کے مطالبے پر احتجاجی مظاہروں کے بعد رواں ماہ وزارت داخلہ نے وفاقی کابینہ کی منظوری کے بعد انسداد دہشتگردی ایکٹ 1997 کے تحت تحریک لبیک پاکستان کو کالعدم قرار دیا تھا۔

وزارت داخلہ کی جانب سے بھیجی گئی سرکلر سمری وزیراعظم اور وفاقی کابینہ نے بھی منظور کرلی تھی۔ ٹی ایل پی کو انسداد دہشت گردی ایکٹ کے تحت کالعدم قرار دیا گیا ہے۔

The post کالعدم تحریک لبیک نے پابندی کے خلاف حکومت کو نظر ثانی اپیل کردی appeared first on ایکسپریس اردو.

from ایکسپریس اردو » پاکستان https://ift.tt/3u307xN

وزیراعظم عمران خان کا دورہ سعودی عرب کا امکان

 اسلام آباد: وزیراعظم عمران خان کا سعودی عرب کے 2 روزہ دورے کا امکان ہے۔

سفارتی ذرائع نے وزیراعظم عمران خان کے دورہ سعودی عرب کا امکان ظاہر کرتے ہوئے کہا ہے کہ عمران خان 7 مئی سے دو روز کے لئے سعودی عرب روانہ ہوں گے۔

سفارتی ذرائع نے بتایا ہے کہ وزیراعظم عمران خان کے دورہ سعودی عرب کے شیڈول کو حتمی شکل دی جارہی ہے، اور دورے کے دوران وزیراعظم سعودی عرب میں سعودی ولی عہد محمد بن سلمان سے ملاقات کریں گے۔

The post وزیراعظم عمران خان کا دورہ سعودی عرب کا امکان appeared first on ایکسپریس اردو.

from ایکسپریس اردو » پاکستان https://ift.tt/2QGSePR

پی آئی اے کے 2 جہاز چین سے 7 لاکھ کورونا ویکسین لیکر پاکستان پہنچ گئے

 اسلام آباد: پی آئی اے کے 2 خصوصی طیارے چین سے 7 لاکھ کورونا ویکسین لے کر اسلام آباد پہنچ گئے جبکہ تیسری پرواز آج رات 12 بجے پہنچے گی۔

پہلی پرواز صبح 7:30 بجے اور دوسری پرواز دوپہر 12 بجے دارالحکومت بیجنگ سے اسلام آباد پہنچی۔ دونوں پروازوں سے 7 لاکھ سے زائد ویکسین لائی گئی ہیں۔

بوئنگ 777 کی خصوصی پروازیں حکومت پاکستان کی جانب سے چلائی جارہی ہیں ۔ زیادہ گنجائش والے طیاروں کے استعمال کا مقصد کورونا وبا کے مقابلے کیلیے ویکسین کی ترسیل کو تیز کرنا ہے۔

تیسرا جہاز 3 لاکھ سے زائد کورونا ویکسین لیکر آج رات بارہ بجے اسلام آباد پہنچے گا۔ مجموعی طور پر تینوں پروازوں کے ذریعے دس لاکھ ویکسین پاکستان لائی جائیں گی۔

The post پی آئی اے کے 2 جہاز چین سے 7 لاکھ کورونا ویکسین لیکر پاکستان پہنچ گئے appeared first on ایکسپریس اردو.

from ایکسپریس اردو » پاکستان https://ift.tt/3e2K4uk

پیپلزپارٹی کی پی ڈی ایم میں واپسی ہماری شرط کی وجہ سے تاخیر کا شکار ہے، فضل الرحمان

 اسلام آباد: پی ڈی ایم کے سربراہ مولانا مولانا فضل الرحمان کا کہنا ہے کہ پیپلزپارٹی اتحاد میں واپسی کی خواہشمند ہے لیکن ہماری شرط پر سوچ بچار کی وجہ سے تاخیر ہو رہی ہے۔

اسلام آباد میں میڈیا سے غیر رسمی بات کرتے ہوئے پی ڈی ایم کےسربراہ مولانا فضل الرحمان کا کہنا تھا کہ پیپلز پارٹی اور عوامی نشینل پارٹی کے پی ڈی ایم سے استعفے منظور نہیں کئے گئے، پیپلزپارٹی پی ڈی ایم اتحاد میں واپسی کی خواہشمند ہے، ہماری شرط پر سوچ بچار کی وجہ سے تاخیر ہو رہی ہے، اے این پی اور پی پی پی دونوں کے لئے اتحاد میں شمولیت میں کوئی رکاوٹ نہیں۔

مولانا فضل الرحمان کا کہنا تھا کہ عوامی نیشنل پارٹی بھی باپ سے ووٹ لینے پر پیپلزپارٹی سے ناراض ہے، اے این پی کی قیادت کو کسی دباﺅ کی وجہ سے اتحاد سے علیحدگی کا اعلان کرنا پڑا،  اگر پیپلزپارٹی پی ڈی ایم میں واپس آ کرہمارا موقف تسلیم کر لےتو ہم سینیٹ میں ان کے اپوزیشن لیڈر کو بھی تسلیم کر سکتے ہیں۔ ہمارا اتحاد برقرار ہے اور عید کے بعد اس کا سربراہی اجلاس بلایا جائے، پی ڈی ایم میں اب ن لیگ کی قیادت شہباز شریف کریں گے، عید کے بعد بھرپورعوامی رابطہ مہم چلائی جائے گی۔ اپوزیشن جماعتوں نے میرا اسمبلیوں سے حلف نہ لینے کا مطالبہ نہ مان کر اپنا نقصان کیا، اگر اپوزیشن جماعتوں کے ارکان کچھ عرصے کے لئے حلف نہ اٹھاتے تو معاملات کی نوعیت کچھ اور ہوتی۔

پی ڈی ایم کے سربراہ نے کہا کہ موجودہ پارلیمنٹ میں ان ہاﺅس تبدیلی کاکوئی آپشن نہیں، انتخابی اصلاحات کے لئے ایسی قومی حکومت کے قیام کی راہ ہموار ہو سکتی ہے جس میں اپوزیشن کا پلڑا بھاری ہو، جسٹس قاضی فائز عیسی کے فیصلے کے بعد وزیراعظم اور صدر کا عہدوں پر رہنے کا کوئی اخلاقی جواز نہیں۔

مولانا فضل الرحمان کا کہنا تھا کہ بھارت کے ساتھ تجارت کے ہم بھی حق میں ہیں لیکن اس سے قبل اقتصادی استحکام اور سیاسی مفاہمت بہت ضروری ہے، کشمیر پر بھارت کے مقابلے میں ہمارے موقف میں مضبوطی تب ہی پیدا ہو گی جب ہم معاشی طور پر مضبوط ہوں گے، کمزور معیشت کی وجہ سے ہماری خارجہ پالیسی اور دفاع میں بھی مشکلات پیدا ہوتی ہیں، ماضی میں جب ملک کی معیشت مضبوط تھی تو واجپائی بس میں کر بیٹھ کر لاہور آ گیا تھا، اس وقت بھی ہم ان کا استقبال کیا تھا، کمزور معیشت کی وجہ سے مقبوضہ کشمیر پر ہمارا موقف تحلیل ہو رہا ہے، ہم بہت کمزور پوزیشن پر کھڑے ہیں، اس صورتحال سے نکلنے کے لئے ہمیں مفاہمت سے راستہ بنانا پڑے گا۔

 

The post پیپلزپارٹی کی پی ڈی ایم میں واپسی ہماری شرط کی وجہ سے تاخیر کا شکار ہے، فضل الرحمان appeared first on ایکسپریس اردو.

from ایکسپریس اردو » پاکستان https://ift.tt/3vrkxAH

وزیراعظم کا سعودی عرب میں سفارتخانے کی پاکستانیوں سے بدسلوکی پرعملہ واپس بلانے کا اعلان

 اسلام آباد: وزیر اعظم عمران خان نے کہا ہے کہ سعودی عرب میں پاکستانی سفارت خانے کی جانب سے اپنے ہم وطن محنت کشوں سے ناروا سلوک پر بیشتر عملے کو واپس بلا رہے ہیں۔

اسلام آباد میں روشن ڈیجیٹل اکاؤنٹ کی تقریب سے خطاب کے دوران وزیر اعظم نے کہا کہ اوورسیز پاکستانی ہمارا بہت بڑا اثاثہ ہیں، روشن ڈیجیٹل اکاؤنٹس میں ایک ارب ڈالر آنے پر مبارک باد دیتا ہوں، پاکستان کا مسئلہ یہ ہے کہ ماضی میں کسی نے برآمدات میں اضافے کے لیے کسی نے زور ہی نہیں دیا، ایکسپورٹ نہ بڑھنے اور ڈالر کی کمی کی وجہ سے آئی ایم ایف کے پاس جانا پڑتا تھا، ہم گزشتہ 30 سال میں 20 دفعہ آئی ایم ایف کے پاس جاچکے ہیں۔ کرنٹ اکاؤنٹ خسارہ کم سےکم رکھناضروری ہے، جب تک ملکی برامدات میں اضافہ نہیں ہوتا ہمیں ترسیلات زر سے ہمیں کرنٹ اکاؤنٹ خسارے کو پورا کرنا ہوگا، پچھلے سال ریکارڈ ترسیلات زر آئی ہیں اور تمام ریکارڈ ٹوٹ گئے ہیں۔

وزیراعظم نے کہا کہ تعمیراتی شعبے کی بہتری کے لئے بینکوں کا کردار قابل ستائش ہے،ہمارے بینکوں کو چھوٹے لوگوں کو قرض دینے کی عادت نہیں، بینکوں کو چھوٹے لوگوں کو قرض دینے کیلئے اپنے عملے کو تربیت دینا ہوگی۔

وزیر اعظم نے کہا کہ بیرون ملک مقیم پاکستانیوں کی وجہ سے ہماری معیشت کا پہیہ چل رہا ہے، سمدنر پار مزدوری کرنے والے پاکستانی اپنی قومی شناخت پر بڑا فخر کرتے ہیں،یہ لوگ ہمارے لئے بہت خاص لوگ ہیں، ہم انہیں نوکریاں نہیں دے سکتے اور اسی وجہ سے وہ بیرون ملک کئی کئی سال اپنے گھر والوں سے دور رہ کر خون پسینہ ایک کرکے پیسے کماتے ہیں۔ یہ محنت کش دن میں 12 ، 12 گھنٹے کام کرتے ہیں اور پیسے بچا کر پاکستان میں اپنے گھر والوں کو بھیجتے ہیں ، ان ہی پیسوں سے آج پاکستان چل رہا ہے۔ لیکن افسوس کی بات یہ ہے کہ ہمارے سفارت خانے ان پاکستانیوں کی اس طرح حوصلہ افزائی نہیں کرتی جو کہ ان کا حق ہے۔ میں سفارت خانوں کو یہ پیغام دینا چاہتا ہوں کہ ان کا سب سے اہم فرض ان پاکستانیوں کا دھیان رکھنا ہے۔

وزیر اعظم نے کہا کہ مجھے پتہ چلا ہے کہ سعودی عرب میں پاکستانی سفارت خانے نے ہمارے محنت کشوں کو جو سہولیات فراہم کرنا تھی وہ نہیں کیں، مجھے یہ بھی خبر ملی ہے کہ سفارت خانے کا عملہ محنت کشوں کی مدد کے نجائے ان سے پیسے لیتا رہا ہے۔ اس حوالے سے پوری تحقیقات کرائی ہے جب کہ وہاں تعینات سفیر کے خلاف بھی تحقیقات کرارہا ہوں، وہاں تعینات عملے کو واپس بلایا جارہا ہے، تحقیقات میں جو بھی ذمہ دار ثابت ہوا ان سب کے خلاف کارروائی ہوگی۔ ہم انہیں مثال بنائیں گے۔

The post وزیراعظم کا سعودی عرب میں سفارتخانے کی پاکستانیوں سے بدسلوکی پرعملہ واپس بلانے کا اعلان appeared first on ایکسپریس اردو.

from ایکسپریس اردو » پاکستان https://ift.tt/3t3Iv3t

مکمل لاک ڈاؤن سے بچنا ہے تو ایس او پیز پر عمل کرنا ہوگا، وزیراعلیٰ سندھ

 کراچی: وزیراعلیٰ سندھ مراد علی شاہ نے کہا ہے کہ بریکنگ :- مکمل لاک ڈاؤن سےبچناہےتوایس او پیز پر عمل کرنا ہوگا۔

وزیراعلیٰ سندھ مرادعلی شاہ کی زیر صدارت صوبائی کورونا ٹاسک فورس کااجلاس ہوا۔ وزیر صحت ڈاکٹر عذرہ پیچوہو اجلاس کے شرکا کو اپنی بریفنگ کے دوران بتایا کہ 22اپریل سے28 اپریل کےدوران کراچی میں کورونا کا تناسب 10.75 فیصدرہا، حیدرآباد میں 20 فیصد، سکھر 9.48 فیصد اور دیگر اضلاع میں کورونا مثبت کیسز کا تناسب 2.79 فیصد ہے۔ کراچی کے ضلع شرقی میں پورے ہفتے اوسطاً 24 فیصد کیسز آئے ہیں، ضلع جنوبی میں 12 جب کہ وسطی اور کورنگی میں 5،5 فیصد کیسز رپورٹ ہوئے ہیں۔ سندھ میں 666 آئی سی یو وائی بیڈز وینٹی لیٹرز کے ساتھ ہیں جن میں 50 فیصد بستروں پر مریض موجود ہیں، سندھ میں 1872 بیڈز آکسیجن کے ساتھ موجود ہیں جن میں 343 بھرے ہوئے ہیں باقی 1529 خالی ہیں، صوبے میں آکسیجن کی بھی کوئی کمی نہیں۔

وزیراعلیٰ سندھ مرادعلی شاہ نے صوبائی وزرا پر مشتمل کمیٹی قائم کردی، جو تاجروں اور ٹرانسپوٹرز کو اعتماد میں لے کر سخت اقدامات کرے گی۔ وزیر اعلیٰ سندھ نے متعلقہ حکام کو ہدایت کی کہ کورونا کی صورتحال اچھی نہیں، ہمیں سخت اقدامات کرنےہوں گے، گزشتہ اجلاس کے فیصلوں پرعمل درآمد کو یقینی بنایا جائے، اگرمکمل لاک ڈاوَن سے بچنا ہے تو ایس او پیز پرعمل کرنا ہوگا۔ ایس او پیز پرعمل نہیں کرنے والے نجی دفاتر کو سیل کیا جائے۔ اگر کسی صوبے سے کوئی مسافر گاڑی آ بھی گئی تو اس کو واپس جانے نہ دیں، دیگر صوبوں سے بھی پبلک ٹرانسپورٹ کا سندھ کے اضلاع میں داخلہ منع ہے۔

The post مکمل لاک ڈاؤن سے بچنا ہے تو ایس او پیز پر عمل کرنا ہوگا، وزیراعلیٰ سندھ appeared first on ایکسپریس اردو.

from ایکسپریس اردو » پاکستان https://ift.tt/33264ig

تحریک انصاف کوتمام جماعتوں پرسبقت حاصل ہے، فواد چوہدری

 کراچی: وفاقی وزیراطلاعات فواد چوہدری کا کہنا ہے کہ تحریک انصاف کوتمام جماعتوں پرسبقت حاصل ہے۔

وفاقی وزیربرائے سائنس وٹیکنالوجی فواد چوہدری کا کہنا ہے کہ کراچی میں این اے 249 کے انتخابات کے سلسلے میں کئے گئے تمام سروے بتاتے ہیں کہ تحریک انصاف کوتمام جماعتوں پرسبقت حاصل ہے۔ فواد چوہدری نے مزید کہا کہ انشاللہ آج کا دن تحریک انصاف کا دن ہوگا۔

واضح رہے کہ تحریک انصاف کے رہنما فیصل واوڈا کے استعفے سے خالی ہونے والی نشست این اے 249 میں ضمنی انتخاب کے لیے پولنگ جاری ہے۔

The post تحریک انصاف کوتمام جماعتوں پرسبقت حاصل ہے، فواد چوہدری appeared first on ایکسپریس اردو.

from ایکسپریس اردو » پاکستان https://ift.tt/32Vz3V6

8 ارب کی مشکوک ٹرانزیکشن ریفرنس پر آصف زرداری احتساب عدالت میں طلب

 اسلام آباد: احتساب عدالت نے 8 ارب روپے کی مشکوک ٹرانزیکشن سے متعلق نیب ریفرنس پر آصف زرداری کو طلب کرلیا۔

ایکسپریس نیوز کے مطابق اسلام آباد کی احتساب عدالت میں جعلی اکاؤنٹس کیس میں آصف زرداری کے خلاف پانچواں ریفرنس سماعت کے لیے مقرر کرلیا گیا ہے۔ جج احتساب عدالت اصغر علی نے آصف زرداری اور اور اسٹینو گرافر مشتاق احمد کی طلبی کے سمن جاری کردئیے ہیں۔ ریفرنس میں نامزد ملزمان آصف علی زرداری اور اسٹینو گرافر مشتاق احمد 20 مئی کو طلب کیا گیا ہے۔

نیب ریفرنس میں موقف اختیار کیا گیا ہے کہ اس بات کے ٹھوس شواہد ہیں کہ آصف زرداری نے کلفٹن کراچی کا گھر کرپشن سے بنایا، گھر کی خریداری پر آصف زرداری کے اسٹینو گرافر مشتاق احمد نے رقم دی، مشتاق کے اکاؤنٹ سے گھر کی خریداری کیلئے 15 کروڑ ادا کیےگئے، آصف علی زرداری کلفٹن کراچی میں خود گھر کی خریداری کا کوئی ثبوت نہیں دے سکے۔

The post 8 ارب کی مشکوک ٹرانزیکشن ریفرنس پر آصف زرداری احتساب عدالت میں طلب appeared first on ایکسپریس اردو.

from ایکسپریس اردو » پاکستان https://ift.tt/3u40I2a

اداروں کو دھمکانا اور اپنے ماتحت رکھنے کی کوشش کرنا (ن) لیگ کا وطیرہ ہے، فردوس عاشق

 لاہور:  

وزیر اعلیٰ پنجاب کی معاون خصوصی برائے اطلاعات فردوس عاشق اعوان کہتی ہیں کہ اداروں کو دھمکانا اور اپنے ماتحت رکھنے کی کوشش کرنا کرپٹ (ن) لیگ کا وطیرہ ہے۔

ٹوئٹر پر اپنے بیان میں فردوس عاشق اعوان نے کہا کہ کرپٹ ظل سبحانی، ان کے چیلے اور جعلی راجکماری کو محترم ججز اور عدالتی احترام کی بات کرتے ہوئے شرم آنی چاہیے، ماضی میں کرپٹ ظل سبحانی جسٹس قیوم سے اپنی مرضی کے فیصلے اور مخالفین کو اپنی منشا کےمطابق سزائیں دلواتے رہے، (ن) لیگ کی جانب سےخود کو لوہے کے چنے کہہ کر ججز کو دھمکایا جاتا رہا، نہال ہاشمی جیسے درباریوں سے ججز اور ان کی اولادوں کو مستقبل کی دھمکیاں دی جاتی رہیں۔

فردوس عاشق اعوان نے کہا کہ اداروں کو گاڈ فادر کے تسلط سے آزاد کرنا تحریک انصاف حکومت کا مشن ہے، سسیلین مافیا کی ملکی اداروں میں موجود باقیات کو جڑوں سے اکھاڑ پھینکیں گے۔

The post اداروں کو دھمکانا اور اپنے ماتحت رکھنے کی کوشش کرنا (ن) لیگ کا وطیرہ ہے، فردوس عاشق appeared first on ایکسپریس اردو.

from ایکسپریس اردو » پاکستان https://ift.tt/3ufiY8A

حکومت سندھ نے سوا 3 ارب نہ دیے، کئی تعلیمی بورڈ دیوالیہ ہونے کے قریب

 کراچی: حکومت سندھ نے سوا 3 ارب نہ دیے جب کہ فوری رقم نہ ملنے پر کئی تعلیمی بورڈز دیوالیہ بھی ہوسکتے ہیں۔

حکومت سندھ صوبے کے 6سرکاری تعلیمی بورڈزکی سوا3ارب روپے سے زیادہ کی مقروض نکلی ہے اوربجٹ مختص کرنے کے باوجود حکومت سندھ نے بشمول رواں مالی سال 4برسوں میں امتحانی بورڈزکوزرتلافی کی مد میں 3ارب 36ارب 89لاکھ89ہزار878روپے کی ادائیگیاں نہیں کی ہیں۔

یہ زرتلافی حکومت سندھ کی جانب سے تعلیمی بورڈزکومیٹرک اورانٹرکی سطح پر سرکاری تعلیمی اداروں کے طلبہ کی انرولمنٹ اورامتحانی فیسوں کے عوض دیا جانا ہے جسے روک رکھاہے اوررقم نہ ملنے پر امتحانی بورڈزبدترین مالی بحران کاشکارہونے کے بعد اب اپنے ریزرو فنڈ سے ملازمین کی تنخواہوں سمیت دیگراخراجات شروع کرچکے ہیں جبکہ بعض تعلیمی بورڈزکے پاس اب ریزرو فنڈبھی ختم ہونے کوہے اورفوری رقم نہ ملنے پربورڈز دیوالیہ بھی ہوسکتے ہیں۔

صرف رواں مالی سال کی تیسری سہ ماہی ختم اورچوتھی سہ ماہی شروع ہونے کے باوجود حکومت سندھ نے اب تک تمام تعلیمی بورڈزکو مختص زرتلافی کے عوض اس کا25فیصد حصہ اداکیاہے اوررواں مالی سال میں بھی حکومت سندھ پر تعلیمی بورڈزکے مجموعی طورپرتقریباً1ارب 55کروڑروپے واجب الاداہیں۔

یادرہے کہ حکومت سندھ نے ’’مفت اورلازمی تعلیم‘‘کے قانون اورآرٹیکل 15A2کے تحت چارسال قبل پورے صوبے میں میٹرک اورانٹرکی سطح پر سرکاری تعلیمی اداروں میں زیرتعلیم طلبہ کی انرولمنٹ اورامتحانی فیسیں ختم کردی تھی اورایک نوٹیفکیشن کے ذریعے تمام تعلیمی بورڈزکوطلبہ سے مذکورہ فیسیں یہ کہہ کروصولی سے روک دیاتھا کہ ان فیسوں کی مد میں جورقم بنے گی وہ حکومت سندھ خودتعلیمی بورڈزکوہر سال بجٹ میں فراہم کرے گی.

تاہم اس فیصلے پرجزوی طورپرعملدرآمد ہوا، تعلیمی بورڈزنے سرکاری ہدایت نامے پر عمل کرتے ہوئے طلبہ سے دونوں مدوں میں فیسوں کی وصولی توروک دی تاہم حکومت سندھ نے ہرسال مختص بجٹ کاکچھ ہی حصہ تعلیمی بورڈزکوفراہم کیااوررواں مالی سال اس سلسلے میں بدترین صورتحال دیکھنے میں آئی جب تعلیمی بورڈزکوان کی سرکاری تعلیمی اداروں کی انرولمنٹ اورامتحانی فیسوں کے عوض بننے والی رقم کامحض 25فیصد حصہ ہی دیاگیا۔

ثانوی واعلیٰ ثانوی تعلیمی بورڈحیدرآبادکے سبکدوش چیئرمین ڈاکٹرمحمد میمن نے ’’ایکسپریس‘‘کوبتایا کہ اس سلسلے میں کئی بارحکومت سندھ کویادداشتیں دی جاچکی ہیں متعلقہ محکمے یونیورسٹیزاینڈبورڈزسے بھی کہاگیاہے تاہم اب تک صورتحال جوں کی توں ہے اورزرتلافی کی رقم نہ ملنے سے تعلیمی بورڈمیں مالی صورتحال انتہائی ابترہے۔

ایک اورچیئرمین نے اس سلسلے میں بتایاکہ ان کے بورڈکے پاس میٹرک اورانٹرکی امتحانی کاپیاں چھپوانے کے لیے بھی رقم نہیں ہیں اگرکاپیوں کی چھپائی کاٹینڈرکرتے ہیں توسوچناپڑے گاکہ رقم کہاں سے دی جائے یاپھرہم بھی سندھ کی بعض جامعات کی طرح بینکوں سے قرضے لینا شروع کردیں۔

علاوہ ازیں ’’ایکسپریس‘‘کواس حوالے سے ملنے والی تفصیلات کے مطابق صرف رواں سال ملاکر4برسوں میں انٹربورڈکراچی کو97کروڑ74لاکھ 39ہزار458روپے کی ادائیگی نہیں کی گئی، اسی طرح میٹرک بورڈکراچی کو4 برسوں میں 28کروڑ8لاکھ 41ہزار116روپے کی ادائیگی نہیں ہوئی ہے۔

حیدرآبادتعلیمی بورڈ 65کروڑ30لاکھ71ہزار784روپے،سکھرتعلیمی بورڈ کو61 کروڑ24 لاکھ30 ہزار320روپے،لاڑکانہ تعلیمی بورڈکو46کروڑ15لاکھ96ہزار460روپے اورمیرپورخاص تعلیمی بورڈکو38کروڑ36لاکھ10ہزار740روپے کی4سال کی ادائیگیاں نہیں کی گئی ہیں۔

“ایکسپریس ” نے اس حوالے سے حال ہی میں محکمہ یونیورسٹیز اینڈ بورڈز کا چارج سنبھالنے والے سیکریٹری قاضی شاہد پرویز سے بھی رابطہ کرکے ان کی رائے جاننے کی کوشش کی تاہم ان کی جانب سے کوئی جواب موصول نہیں ہوا۔

The post حکومت سندھ نے سوا 3 ارب نہ دیے، کئی تعلیمی بورڈ دیوالیہ ہونے کے قریب appeared first on ایکسپریس اردو.

from ایکسپریس اردو » پاکستان https://ift.tt/3vrODUz

ریلوے کا عید پر خصوصی ریل گاڑیاں نہ چلانے کا فیصلہ

 لاہور: ریلوے نے عید پر خصوصی ریل گاڑیاں نہ چلانے کا فیصلہ کیا ہے۔

ریلوے انتظامیہ نے عید پر خصوصی ریل گاڑیاں نہ چلانے کا فیصلہ کیا ہے جب کہ معمول کی کئی گاڑیاں بھی منسوخ کی جارہی ہیں۔ اس فیصلے کی وجہ مسافروں کی کمی بتائی گئی ہے۔

کورونا کے باعث مسافروں کی طرف سے ریل گاڑیوں میں خاطرخواہ بکنگ نہیں کرائی گئی، مسافر کم ہونے کی وجہ سے ریلوے انتظامیہ کو روزانہ متعدد ٹرینوں کو منسوخ کرنا پڑرہا ہے اور دو دو گاڑیوں کے مسافروں کو ایک ٹرین میں ایڈجسٹ کرنا پڑتا ہے۔

The post ریلوے کا عید پر خصوصی ریل گاڑیاں نہ چلانے کا فیصلہ appeared first on ایکسپریس اردو.

from ایکسپریس اردو » پاکستان https://ift.tt/2R6d8I7

دودھ کی قیمت میں ہوشربا اضافے پر کمشنر سے جواب طلب

 کراچی:  سندھ ہائی کورٹ نے دودھ کی قیمت میں ہوشربا اضافے کے خلاف درخواست پرکمشنر کراچی سے جواب طلب کرلیا۔

جسٹس محمد علی مظہر اور جسٹس امجد علی سہتو پر مشتمل دو رکنی بینچ کے روبرو دودھ کی قیمت میں ہوشربا اضافے کے خلاف درخواست کی سماعت ہوئی، درخواست گزارکے وکیل نے موقف اختیار کیا کہ حکومت کی جانب سے دودھ کاسرکاری نرخ  94 روپے مقرر کیا گیا مگر دودھ 140 روپے فی کلو فروخت ہو رہا ہے۔

عدالت نے استفسار کیا بتایا جائے دودھ کی سرکاری قیمت پر عمل درآمد کیوں نہیں ہو رہا؟ دودھ کی قیمت پر عمل درآمدکے لیے کیااقدامات کیے گئے؟ جسٹس امجد علی سہتو نے ریمارکس دیے ریٹ بڑھا دیے گئے ہیں مگر دودھ کا کوئی معیار نہیں،انھوں نے  آل کراچی ملک ریٹیل ویلفیئر ایسوسی ایشن سے مکالمے میں کہا کہ شکایات ملتی ہیں کہ دودھ میں چاول کا پانی ملا دیا جاتا ہے، ریٹ بھی بڑھاتے ہیں اور دودھ میں پانی کی مقدار بھی، جسٹس محمد علی مظہر نے استفسار کیا یہ بتائیں آپ اپنی مرضی سے کیسے ریٹ بڑھا سکتے ہیں؟

فوکل پرسن نے بتایا کہ ہمارے لیے سرکاری نرخ پر دودھ فروخت کرنا ممکن نہیں، کمشنر کراچی نے 3سال سے سرکاری نرخ طے نہیں کیے، عدالت نے ریمارکس دیے اس کا مطلب ہے آپ خود ہی نرخ بڑھا دیں گے؟

جسٹس محمد علی مظہر نے ریمارکس دیتے ہوئے کہا کہ کمشنر جو بھی نرخ طے کرتے ہیں، آپ مانتے نہیں، فوکل پرسن نے کہا کہ کمشنر کراچی کو چھاپے مارنے سے روکا جائے، عدالت کمشنر کراچی کو مناسب نرخ مقررکرنے کاکہے ، عدالت نے استفسار کیا کہ سندھ فوڈ اتھارٹی کیا کررہی ہے، سندھ فوڈ اتھارٹی حکام نے کہا کہ عدالت چھاپوں کا حکم دے تو کارروائیاں شروع کردیں گے۔

جسٹس محمد علی مظہر نے ریمارکس دیے عدالت کیوں حکم دے، آپ خود نہیں کریں گے کیا؟ نمائندہ سندھ فوڈ اتھارٹی نے بتایا 180 دکانداروں کے خلاف کارروائی کی، عرفان عزیز ایڈووکیٹ نے موقف اختیار کیا کہ شہر میں ایک لاکھ دکانیں ہیں کارروائی صرف 180 کے خلاف ہوئی۔

عدالت نے ریمارکس دیے لگتا ہے اسسٹنٹ کمشنر کی جانب سے دودھ کا معیار چیک کرنے کا کام ختم کردیا گیا ہے ،اسسٹنٹ ایڈووکیٹ جنرل نے موقف اختیار کای کہ دودھ کامعیار بہت خراب ہوگیا ہے، عدالت نے کمشنر کراچی سے7 مئی تک جواب طلب کرلیا۔

The post دودھ کی قیمت میں ہوشربا اضافے پر کمشنر سے جواب طلب appeared first on ایکسپریس اردو.

from ایکسپریس اردو » پاکستان https://ift.tt/3u1QOhz

ایئرپورٹ پر پھل، سبزیوں اور خوراک کیلیے جدید اسکینر نصب ہوگا

 کراچی: وفاقی وزارت تجارت اور سول ایوی ایشن اتھارٹی کے مابین کراچی ایئرپورٹ پر پھل سبزیوں اور جلد تلف ہوجانے والی دیگر برآمدی خوراک کی جانچ کے لیے جدید اسکینر کی تنصیب پر اتفاق ہوگیا ہے۔

پاکستان فروٹ اینڈ ویجیٹبل ایکسپورٹرز ایسوسی ایشن کے سرپرست اعلیٰ وحید احمد کے مطابق پی ایف وی اے کے ہارٹی کلچر ویژن 2030 پر عمل کرتے ہوئے وفاقی وزارت تجارت نے کراچی لاہور اسلام آباد اور ملتان کے ایئرپورٹ پر آم کی کنسائنمنٹ کی خودکار اور برق رفتاری سے جانچ کے لیے جدید اسکینرز کی تنصیب کی تجویز پر اصولی اتفاق کرتے ہوئے اس تجویز پر کراچی سے عملدرآمد کا فیصلہ کیا ہے۔

اس سلسلے میں وفاقی وزارت تجارت کے ایگزیکٹو ڈائریکٹر جنرل سید رافع بشیر شاہ، ٹریڈ ڈیولپمنٹ اتھارٹی کے افسران اور پی ایف وی اے کے چیئرمین شہزاد شیخ، سابق چیئرمین اسلم پکھالی اور سرپرست اعلیٰ وحید احمد پر مشتمل وفد نے گزشتہ دنوں کراچی ایئرپورٹ کا دورہ کیا اور اسکینر کی تنصیب کے لیے سول ایوی ایشن اتھارٹی کے ڈائریکٹر جنرل سے ملاقات کی وفد کے اراکین نے کارگو ٹرمینل کا دورہ کیا جہاں انہیں آم اور دیگر پھل سبزیوں کی جانچ، اینٹی نارکوٹکس اور سیکیورٹی پروٹوکول، گرائونڈ ہینڈلنگ کے عمل کے بارے میں تفصیلی بریفنگ دی گئی۔

وحید احمد کے مطابق ایئرپورٹ پر جدید اسکینرز کی تنصیب کے لیے ہونے والے دورے میں وفاقی وزارت تجارت کے ایگزیکٹو ڈائریکٹر جنرل سید رافع بشیر شاہ نے ایئرپورٹ پر آم اور دیگر پھلوں کی اسکیننگ کے لیے جدید اسکینر کی تنصیب کے ساتھ متعلقہ اداروں اور ایجنسیوں کے مابین ایک مربوط نظام کی تشکیل پر اتفاق کیا انہوں نے کہا کہ ایئرپورٹ پر مختلف ایک ایجنسیاں ایک ہی عمل کو بار بار دہراتی ہیں جس سے ایکسپورٹ ہونے والے پھلوں کا معیار متاثر ہوتا ہے۔

دورے میں اتفاق کیا گیا کہ ایئرپورٹ پر آم اور پھلوں کی اسکیننگ کے لیے جدید اسکینر کے ساتھ خصوصی شیڈ تعمیر کیا جائے جہاں ایکسپورٹ کے لیے آنے والے پھل موسم کے اثرات سے محفوظ رہ سکیں اور بارشوں کے دوران پھلوں کی پیکنگ کو بھیگنے سے بچانے کے ساتھ آم کے ڈبوں میں فروٹ فلائی داخل ہونے کے امکان کو بھی ختم کیا جائے۔

وحید احمد نے کہا کہ ایئرپورٹس پر جدید اسکینرز کی تنصیب، خصوصی شیڈز کی تعمیر اور ون ونڈو کی سہولت سے پاکستان سے آم اور پھلوں سبزیوں کے ساتھ جلد تلف ہونے والی دیگر برامدی خوراک سی فوڈ، پولٹری اور گوشت کی ایکسپورٹ کو فائدہ پہنچے گا۔

The post ایئرپورٹ پر پھل، سبزیوں اور خوراک کیلیے جدید اسکینر نصب ہوگا appeared first on ایکسپریس اردو.

from ایکسپریس اردو » پاکستان https://ift.tt/32XyREP

والدین کو گھروں سے بے دخل کرنے والی اولاد کیخلاف قانون سازی کا فیصلہ

اسلام آباد: کابینہ کمیٹی برائے قانون سازی نے تحفظ والدین بل (پروٹیکشن آف پیرنٹس بل 2021) کی منظوری دے دی۔

ایکسپریس کو دستیاب بل کے ڈرافٹ کے مطابق حکومت نے والدین کو  تحفظ دینے کے لیے (پروٹیکشن آف پیرنٹس بل 2021) کے نام سے قانون لانے کا فیصلہ کیا ہے جس کا مقصد بڑھاپے میں والدین کو تحفظ فراہم کرنا ہے۔ قانون کے اطلاق کے بعد کوئی بھی اولاد والدین کو گھر سے بے دخل نہیں کرسکے گی۔ اگر والدین گھر کے مالک ہوں تو وہ بغیر کسی قانون کارروائی کے نافرمان بچوں کو گھر سے نکالنے میں بااختیار ہوں گے۔

کابینہ کمیٹی برائے قانون سازی کے گزشتہ اجلاس میں وزارت قانون انصاف کی جانب سے لائے گئے بل میں بتایا گیا کہ دین اسلام میں بچوں کو والدین کا خیال رکھنے اور انکی اطاعت کی تلقین کی گئی ہے، اجلاس کو بتایا گیا کہ قرآن و سنت میں اولاد کو بوڑھے والدین کی اطاعت کا حکم دیا گیا ہے تاہم ہمارے معاشرے میں ایسی مثالیں بڑھتی جارہی ہیں جہاں والدین کے ساتھ برا سلوک کیا جاتا ہے اور بعض اوقات انکو گھروں سے بے دخل کرکے اولڈ ایج ہومز میں بھیج دیا جاتا ہے۔

اجلاس کو بتایا گیا کہ ایسی صورتحال میں ایک قانون سازی کی ضرورت ہے جس کے تحت اولاد کو پابند بنایا جائے کہ وہ والدین کو گھروں سے نہ نکال سکیں۔ کابینہ کمیٹی برائے قانون سازی نے تحفظ والدین بل (پروٹیکشن آف پیرنٹس بل 2021) کی منظوری دے دی جس کے بعد حکومت یہ بل قومی اسمبلی میں پیش کرے گی۔

The post والدین کو گھروں سے بے دخل کرنے والی اولاد کیخلاف قانون سازی کا فیصلہ appeared first on ایکسپریس اردو.

from ایکسپریس اردو » پاکستان https://ift.tt/3u4xvUA

کوئٹہ کے مختلف علاقوں میں زلزلے کے جھٹکے

کوئٹہ کے علاقوں دشت، مستونگ اور بولان میں زلزلے کے جھٹکے محسوس کیے گئے ہیں۔

زلزلہ پیما مرکز کے مطابق زلزلے کا مرکز مستونگ سے 40کلو میٹر مشرق میں تھا، ریکٹر اسکیل پر زلزلے شدت 4.2 اور گہرائی 25کلومیٹرتھی۔

The post کوئٹہ کے مختلف علاقوں میں زلزلے کے جھٹکے appeared first on ایکسپریس اردو.

from ایکسپریس اردو » پاکستان https://ift.tt/3gIOQ1x

کورونا کی خطرناک لہر،قطرنے پاکستان سمیت 6ممالک پرسفری پابندی لگادی

قطر نےجنوبی ایشیا میں کورونا وائرس کی خطرناک لہر کے پیش نظر پاکستان ،بھارت اور بنگلادیش سمیت 6 ممالک پر سفری پابندیاں عائد کردیں۔
قطر کی جانب سے نیپال ،فلپائن اور سری لنکا پر بھی سفری پابندیاں عائد کی گئی ہیں۔ نئی پابندیوں کے پیش نظر قطر جانے والے مسافروں کی ہوٹلوں میں قرنطینہ کی بکنگ منسوخ کردی گئی ہے۔ قطر ایئر لائن نے بھی پابندی کا شکار ممالک کیلئے تمام پروازیں منسوخ کر دیں۔

The post کورونا کی خطرناک لہر،قطرنے پاکستان سمیت 6ممالک پرسفری پابندی لگادی appeared first on ایکسپریس اردو.

from ایکسپریس اردو » پاکستان https://ift.tt/32W8I9s

کورونا ویکسین کی تیاری مئی میں شروع ہوجائے گی، قومی ادارہ برائے صحت

 اسلام آباد:  قومی ادارہ برائے صحت کے حکام نے کہا ہے کہ آئندہ ماہ سے پاکستان میں کورونا ویکسین تیار کرنے کاآغاز ہوجائے گا۔
اس بارے میں نیشنل انسٹیٹیوٹ آف ہیلتھ کے حکام کا کہنا ہے کہ کورونا ویکسین کی تیاری کے لیے چینی ماہرین کی ٹیم بھی اسلام آباد میں موجود ہے اورکین سائنو ویکسین کا خام مال بھی مئی کے آغاز میں پاکستان پہنچ جائے گا۔

حکام کا کہنا ہے کہ چینی ماہرین کی معاونت سے این آئی ایچ میں کورونا ویکسین کی تیاری کے انتظامات مکمل کرلیے گئے ہیں۔ پاکستان میں تیار ہونے والی کین سائینوسنگل ڈوزکورونا ویکسین مئی کے آخر تک استعمال کے لیے دستیاب ہوگی۔

پاکستان اس کورونا ویکسین کو چینی کمپنی کے تعاون سےتیارکرےگا، جس کے لیے خام مال چینی کمپنی فراہم کرےگی۔  جب کہ کین سائنو بائیو کے ماہرین کی جانب سے قومی ادارہ برائے صحت کے ماہرین کوویکسین  بنانے کی تربیت دینے کا عمل بھی جاری ہے۔

دریں اثنا ذرائع کا کہنا ہے کہ  پاکستان کی جانب سے خریدی گئیں سائنو فارم کورونا ویکیسن کی مزید 10 لاکھ خوراکیں کل پاکستان پہنچ جائیں گی۔

The post کورونا ویکسین کی تیاری مئی میں شروع ہوجائے گی، قومی ادارہ برائے صحت appeared first on ایکسپریس اردو.

from ایکسپریس اردو » پاکستان https://ift.tt/3xuZXBk

روپے کے مقابلے میں ڈالر کی قیمت کم ہوگئی

 کراچی: انٹر بینک اور اوپن مارکیٹوں میں روپے کے مقابلے میں ڈالر کی قیمت کم ہوگئی۔

جاپان کی جانب سے 370 ملین ڈالر کے قرضوں کی ادائیگیوں میں ریلیف دینے اور رسد بڑھنے کے باعث زرمبادلہ کی دونوں مارکیٹوں میں بدھ کو ڈالر کے مقابلے میں روپیہ تگڑا ثابت ہوا جس سے ڈالر کے انٹربینک ریٹ 154 روپے اور اوپن ریٹ 155 روپے سے نیچے آگئے۔

انٹر بینک مارکیٹ میں بدھ کو اتارچڑھاؤ کے بعد ڈالر کی قدر مزید 61 پیسے کی کمی سے 153.88 روپے پر بند ہوئی جبکہ اوپن کرنسی مارکیٹ  میں ڈالر کی قدر 70 پیسے گھٹ کر 154.80 روپے پر بند ہوئی۔

The post روپے کے مقابلے میں ڈالر کی قیمت کم ہوگئی appeared first on ایکسپریس اردو.

from ایکسپریس اردو » پاکستان https://ift.tt/3nttCGh

مقامی وبین الاقوامی مارکیٹ میں سونے کی قیمت میں کمی

کراچی: پاکستان میں فی تولہ سونے کی قیمت میں 700 اور 10 گرام کی قیمت میں 600 روپے کی کمی ہوئی ہے۔

بین الاقوامی بلین مارکیٹ میں فی اونس سونے کی قیمت 15 ڈالر کی کمی سے 1765 ڈالر کی سطح پر پہنچنے کے باعث مقامی صرافہ مارکیٹوں میں بھی بدھ کو فی تولہ اور فی دس گرام سونے کی قیمتوں میں بالترتیب 700روپے اور 600روپے کی کمی واقع ہوٸی.

جس کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 103900روپے اور فی دس گرام سونے کی قیمت گھٹ کر 89078روپے ہوگٸی۔

تاہم اس کے برعکس فی تولہ چاندی کی قیمت بغیر کسی تبدیلی کے 1350روپے پر مستحکم رہی اور دس گرام چاندی کی قیمت بھی بغیر کسی تبدیلی کے 1157.40روپے پر مستحکم رہی ہے۔

The post مقامی وبین الاقوامی مارکیٹ میں سونے کی قیمت میں کمی appeared first on ایکسپریس اردو.

from ایکسپریس اردو » پاکستان https://ift.tt/3vjYyeS

چھوٹا سا طبقہ ملک کے وسائل پر قبضہ کر کے بیٹھا ہے، وزیراعظم

کوئٹہ: وزیراعظم عمران خان چھوٹا سا طبقہ ملک کے وسائل پر قبضہ کر کے بیٹھا ہے، ہمارے حکمرانوں نے لندن میں وہاں جائیداد لی جہاں ان کے وزیراعظم بھی نہیں لے سکتے۔ 

کوئٹہ میں تقریب سے خطاب کرتے ہوئے وزیراعظم عمران خان کا کہنا تھا کہ اللہ تعالیٰ اس کو عزت دیتا ہے جو دنیا کے لئے کچھ کرتا ہے، کامیابی اور عزت اللہ کی طرف سے ملتی ہے ، دنیا ان لوگوں کو یاد کرتی ہے جو انسانیت کیلئے کچھ کرکے جاتے ہیں، لیکن ماضی میں ہمارے حکمرانوں نے اس ملک کا نہیں سوچا، ایک چھوٹا سا طبقہ ملک کے وسائل پر قبضہ کر کے بیٹھا ہے،  ہمارے حکمرانوں نے لندن کے امیر ترین علاقوں میں جائیدادیں لیں، لندن کے ان علاقوں میں جائیدادیں لیں جہاں برطانوی وزیراعظم بھی نہیں لے سکتا، مدینہ کی ریاست میں ترقی کا ماڈل یہ تھا کہ انھوں نے محلات نہیں بنائے، پاکستان اس وقت ترقی کرے گا جب نچلا طبقہ اوپر آئےگا۔

وزیراعظم کا کہنا تھا کہ ماضی میں بلوچستان کی ترقی پرتوجہ نہیں دی گئی اور یہ صوبہ پیچھے رہ گیا، خوشی ہے کہ ہم نے بلوچستان میں ترقیاتی منصوبوں کو شروع کیا، ڈھائی سالوں میں 3300 کلو میٹر سڑکوں کے منصوبے بنے اور ان پر کام شروع کیا، چمن، کوئٹہ اور کراچی شاہراہ بہت خطرناک ہے، میں نے اس پر سفر کیا ہوا ہے، 2013 میں جب حکومت آئی تھی تو خیبر پختونخوا کے حالات خراب تھے، دہشت گردی کے باعث  پولیس اہلکار شہید ہو رہے تھے، سب سے زیادہ نقصان خیبر پختونخوا کو ہوا، لیکن پھر ہم نے خیبر پختونخوا میں غربت میں کمی کی۔

عمران خان نے کہا کہ تین چار سال مخالفین کہتے رہے کہاں ہے نیا پختونخوا اور نیا پاکستان، 2018 کےالیکشن میں ہمیں پختونخوا میں دو تہائی اکثریت ملی اور اس کی وجہ یہی تھی کہ وہاں غربت میں کمی آئی،  یو این ڈی پی کی رپورٹ کے مطابق کے پی میں سب سے تیزی سےغربت کم ہوئی، تمام صوبوں کو ہیلتھ انشورنس دے رہے ہیں، ہیلتھ کارڈ کے ذریعے کسی بھی اسپتال سے علاج کرایا جاسکتا ہے، کسانوں کو کسان کارڈ کے ذریعے سبسڈی دی جائے گی۔

 

The post چھوٹا سا طبقہ ملک کے وسائل پر قبضہ کر کے بیٹھا ہے، وزیراعظم appeared first on ایکسپریس اردو.

from ایکسپریس اردو » پاکستان https://ift.tt/32YjtYV

پنجاب ایپکس کمیٹی ؛ کورونا ایس او پیز پر سختی سے عملدرآمد یقینی بنانے کا فیصلہ

 لاہور: پنجاب ایپکس کمیٹی نے مارکیٹوں اور بازاروں کی بندش کے اوقات پر انتظامی اقدامات کے ذریعے سختی سے عمل درآمد کرانے کا فیصلہ کیا ہے۔

وزیر اعلیٰ پنجاب سردار عثمان بزدار کی زیرصدارت کورونا وائرس سے نمٹنے کے لئے صوبائی ایپکس کمیٹی کا اہم اجلاس ہوا جس میں صوبائی وزیر قانون راجہ بشارت، صوبائی وزیر صحت ڈاکٹر یاسمین راشد، معاون خصوصی اطلاعات ڈاکٹر فردوس عاشق اعوان، چیف سیکرٹری، انسپکٹر جنرل پولیس، ایڈیشنل چیف سیکرٹری داخلہ، پرنسپل سیکرٹری وزیر اعلیٰ، کور کمانڈر لاہور لیفٹیننٹ جنرل محمد عبدالعزیز،جنرل آفیسر کمانڈنگ 10 ڈویژن میجر جنرل محمد انیق الرحمن ملک، ڈی جی رینجرز پنجاب میجر جنرل محمد عامر مجید اور دیگر اعلیٰ سول و عسکری حکام نے شرکت کی۔

اجلاس میں کورونا کی تیسری لہر سے نمٹنے کیلئے کئے جانے والے اقدامات کا جائزہ لیا گیا اور کورونا کے مریضوں کے علاج معالجے کیلئے شاندار خدمات پر ہیلتھ پروفیشنلز کو خراج تحسین پیش کیا۔ اجلاس کے شرکاء نے کورونا ایس او پیز پر موثر عملدرآمد نہ ہونے پر تحفظات کا اظہار کرتے ہوئے کورونا ایس او پیز پر سختی سے عمل درآمد یقینی بنانے کا فیصلہ کیا۔

ایپکس کمیٹی کے اجلاس میں لاہور سمیت کورونا کیسز کے زیادہ مثبت شرح والے شہروں میں مکمل لاک ڈاؤن اور بڑے شہروں میں اسپتالوں کو صرف کورونا کے لئے مختص کرنے کی تجویز کا جائزہ کی تجاویز کا جائزہ لیا گیا۔ اس موقع پر 8 فیصد سے زائد شرح والے شہروں میں بھی پابندیاں مزید سخت کرنے اور فیصلوں پر عملدرآمد کیلئے مشترکہ کاوشیں بروئے کار لانے پر اتفاق کیا گیا۔ مارکیٹوں اور بازاروں کی بندش کے اوقات پر انتظامی اقدامات کے ذریعے موثر عملدرآمد کرانے اور آکسیجن کی سپلائی کو تسلسل کے ساتھ برقرار رکھنے کے لئے ہر ضروری اقدام اٹھانے کا فیصلہ کیا گیا۔

اس موقع پر کور کمانڈر لاہور نے کہا کہ کورونا وباء کا پھیلاؤ روکنا ایک قومی چیلنج ہے، آزمائش کی اس گھڑی میں عوام کے ساتھ کھڑے ہیں، سول انتظامیہ کی معاونت کے لئے فوج ہمہ وقت تیار ہے، کورونا کے ایکشن پلان پر عملدرآمد کے حوالے سے سول حکومت کا ساتھ دیں گے۔

اجلاس کے دوران وزیر اعلیٰ پنجاب نے کہا کہ پنجاب میں کورونا کے مثبت کیسز کی شرح 13 فیصد تک پہنچ چکی ہے، اسپتالو ں پر دباؤ بڑھ رہا ہے ، کورونا وباء کا پھیلاؤ روکنا ایک قومی چیلنج ہے، سول انتظامیہ کی معاونت کیلئے فوج ہمہ وقت تیار ہے سیاسی اور عسکری قیادت کورونا وائرس سے نمٹنے کے لئے مربوط حکمت عملی کے تحت اقدامات کر رہے ہیں، معاشرے کے ہر طبقے کو کورونا وائر سے موثر طور پر نمٹنے کے لئے اپنا بھرپور کردار ادا کرنا ہے۔

عثمان بزدار کا کہنا تھا کہ شام 6 بجے سے سحری تک میڈیکل اسٹورز، پٹرول پمپس، ویکسی نیشن سینٹرز اور دیگر ضروری سروسز کے سوا تمام کاروباری سرگرمیاں بند رہیں گی، آکسیجن سلنڈرز کی ذخیرہ اندوزی یا اورچارجنگ پر قانونی کارروائی ہوگی، ویکسی نیٹرز اور ڈیٹا انٹری آپریٹرز کی بھرتی کی منظوری دے دی ہے، ضرورت پڑنے پر ڈاکٹرز اور نرسز کو بھی بھرتی کیا جائے گا، ہیلتھ پروفیشنلز کو پہلے بھی خصوصی الاؤنس دیا ہے اور آئندہ بھی دیں گے، پرائیویٹ اسپتالوں کو کورونا کے لئے بیڈز مختص کرنے کا پابند کیا جائے گا، نجی اسپتالوں کو کورونا کے مریضوں کے علاج معالجے کے لئے ریٹس کی اوور چارجنگ نہیں کرنے دیں گے۔

The post پنجاب ایپکس کمیٹی ؛ کورونا ایس او پیز پر سختی سے عملدرآمد یقینی بنانے کا فیصلہ appeared first on ایکسپریس اردو.

from ایکسپریس اردو » پاکستان https://ift.tt/32UEm7h

کس قانون کے تحت رمضان بازار بنائے اور رعایت دی گئی، لاہور ہائی کورٹ

لاہور: ہائی کورٹ کے جج جسٹس شاہد جمیل نے اپنے ریمارکس میں استفسار کیا کہ بتایا جائے رمضان  بازار کس قانون کے تحت بنائے گئے ہیں اور ان بازاروں میں سبسڈی کس قانون کے تحت دی جاتی ہے۔

ایکسپریس نیوز کے مطابق لاہور ہائی کورٹ میں رمضان بازاروں میں چینی کے حصول کے لئے خریداروں کی لمبی قطاروں اور قیمتوں کے حوالے سے دائر درخواست پر سماعت ہوئی، درخواست پر سماعت جسٹس شاہد جمیل نے کی۔ جسٹس شاہد جمیل نے لاافسر سے استفسار کیا کہ بتایا جائے رمضان  بازار کس قانون کے تحت بنائے گئے ہیں، اور ان بازاروں میں سبسڈی کس قانون کے تحت دی جاتی ہے۔ لاءافیسر نے جواب دیا کہ رمضان بازاروں میں چینی اور آٹے کے علیحدہ بوتھ بنا دئیے گئے ہیں، عدالت کے حکم کے مطابق خریداروں کو عزت کے ساتھ چینی دی جارہی ہے، جب کہ قطاریں بھی ختم کردی گئی ہیں۔

عدالت نے ریمارکس دیئے کہ صرف اتنا فرق پڑا ہے کہ قطاروں کی جگہ کرسیاں لگا دی گئیں ہیں، مگر جس طرح عوام کو چینی دی جارہی ہے اس پر عدالت  کو اعتراض ہے، رمضان بازار کا مطلب یہ ہے کہ عام مارکیٹ میں حکومت ریٹ کنڑول کرنے میں ناکام ہے، ہر اسٹور پر دو طرح کی چینی مل رہی ہے، ایک کی قیمت 85 روپے فی کلو اور دوسری آسانی کے ساتھ 110 روپے میں دستیاب ہے، پندرہ دن گزر چکے ہیں اگلے پندرہ دن ایسے ہی نہیں چلے گا، اور یہ مت سمجھیں کے رمضان ختم ہو جائے تو معاملہ حل ہو جائے گا، جب تک یہ کیس چلے گا یہ تلوار آپ پر لٹکتی رہے گی۔

لاء آفیسر کا کہنا تھا کہ گراس روٹ لیول پر چینی کی قمیت کو یقینی بنانے کے 36 اضلاع کے ڈی سی سے تحریری رپورٹ کی گئی ہے، 80 فیصد تک ہم کامیاب ہیں جہاں 85  روپے میں چینی فروحت کی جارہی ہے۔ عدالت نے ریمارکس دیئے کہ 80 فی صد نہیں 20 فیصد شاہد آپ کہہ سکتے ہیں، عام آدمی کو چینی کی فراہمی کے معاملے کی مانیٹرنگ عدالت کرے گی۔

جسٹس شاہد جمیل نے ریمارکس دیئے کہ حکومت کی درخواست پر ضرورت کے مطابق سستی چینی فراہم کرنے کا حکم جاری کیا گیا تھا، لیکن عام آدمی کو چینی کے حصول کے لیے ابھی بھی مشکل سے گزرنا پڑرہا ہے، اس لیے عدالت کی مانیٹرنگ ضروری ہے کیونکہ چینی کی تقسیم پر سوالیہ نشان آرہا ہے، عدالت چاہتی ہے کہ ضروریات زندگی کی اشیاء کا ملک بھر میں ایک ہی ریٹ ہو، عدالت اس حوالے سے قوانین کا جائزہ بھی لے گی۔

عدالت نے کمشنر لاہور کو چینی کی قمیت اور فراہمی کو یقینی بنانے کے حوالے سے گارنٹی کے لئے طلب کرلیا، عدالت نے کیس کی سماعت کل تک ملتوی کرتے ہوئے ہدایت کی کہ بتایا جائے کہ عدالتی حکم کے مطابق چینی کی عام دستیابی ہورہی ہے یا نہیں۔

 

 

The post کس قانون کے تحت رمضان  بازار بنائے اور رعایت دی گئی، لاہور ہائی کورٹ appeared first on ایکسپریس اردو.

from ایکسپریس اردو » پاکستان https://ift.tt/2QEeg5N

قلعہ عبداللہ میں پولیس موبائل کے قریب دھماکے سے ایک اہلکار جاں بحق

 کوئٹہ: بازار میں پولیس موبائل کے قریب دھماکے سے ایک اہلکار جاں بحق جب کہ متعدد افراد زخمی ہوگئے۔

ایکسپریس نیوز کے مطابق قلعہ عبداللہ کے بازار میں پولیس کی گاڑی کے قریب عین اس وقت دھماکا ہوا جب اطراف میں عوام کی بڑی تعداد موجود تھی۔ دھماکے سے ایک پولیس اہلکار جاں بحق جب کہ 6 افراد زخمی ہوگئے، زخمیوں میں پولیس اہلکار اور عام شہری بھی شامل ہیں۔ جنہیں قریبی اسپتال منتقل کردیا گیا ہے۔

پولیس کا کہنا ہے کہ دھماکا خیز مواد پولیس کی موبائل کے قریب کھڑی موٹر سائیکل میں رکھا گیا تھا، جسے ریموٹ کنٹرول کی مدد سے اڑایا گیا۔ جائے وقوعہ سے شواہد جمع کرلیئے گئے ہیں۔

The post قلعہ عبداللہ میں پولیس موبائل کے قریب دھماکے سے ایک اہلکار جاں بحق appeared first on ایکسپریس اردو.

from ایکسپریس اردو » پاکستان https://ift.tt/3dVB35Y

فرخ حبیب وزیر مملکت برائے اطلاعات و نشریات مقرر

 اسلام آباد: فرخ حبیب وزیر مملکت برائے اطلاعات و نشریات مقرر کردیئے گئے۔

ایکسپریس نیوزکے مطابق پی ٹی اے فیصل آباد سے رکن قومی اسمبلی فرخ حبیب کو وزیر مملکت برائے اطلاعات و نشریات مقرر کر دیا گیا ہے۔ فرخ حبیب کل اپنے عہدے کا حلف اٹھائیں گے اور حلف برداری کی تقریب ایوان صدر میں ہوگی۔

فرخ حبیب تحریک انصاف کے سینئر رہنماؤں میں شمار ہوتے ہیں، اور میڈیا پر اپنی جماعت کی نمائندگی کرتے نظر آتے ہیں،  وہ پی ٹی آئی کی طلبہ تنظیم انصاف اسٹوڈنٹ فیڈریشن  (آئی ایس ایف) کے صدر بھی رہے ہیں، جب کہ 2018 میں رکن قومی اسمبلی منتخب ہوئے۔

اس خبرکوبھی پڑھیں: وزیراعظم عمران خان کا کابینہ میں ردوبدل کا فیصلہ

واضح رہے کہ رواں ماہ ہی وزیراعظم عمران خان نے کابینہ میں ردوبدل کرتے ہوئے  وفاقی وزیر فواد چوہدری سے سائنس و ٹیکنالوجی کی وزارت سے ہٹا کر ان کو وزارت اطلاعات کی ذمہ داری دی تھی، جب کہ وفاقی حماد اظہر سے وزارت خزانہ اور عمرایوب سے وزارت توانائی کا چارج واپس لے کر شوکت ترین کو وزیرخزانہ حماد اظہر کو وزارت توانائی، عمرایوب کو وزیراقتصادی امور اور وفاقی وزیر خسرو بختیار کو وزیرصنعت و پیداوار کے قلمدان سونپے گئے تھے۔

 

The post فرخ حبیب وزیر مملکت برائے اطلاعات و نشریات مقرر appeared first on ایکسپریس اردو.

from ایکسپریس اردو » پاکستان https://ift.tt/3aO5Pf4

بشیر میمن کے انٹرویو سے نیب نیازی گٹھ جوڑ بے نقاب ہوگیا، شہباز شریف

 لاہور: پاکستان مسلم لیگ ن کے صدر شہباز شریف نے کہا ہے کہ بشیر میمن کے انٹرویو سے نیب نیازی گٹھ جوڑ بے نقاب ہوگیا۔

سابق ڈی جی ایف آئی اے کے انٹرویو پر محمد شہباز شریف نے ٹویٹ کرتے ہوئے کہا کہ بشیر میمن کے چونکا دینے والے انکشافات سے میرے موقف کو تقویت ملی ہے۔

یہ بھی پڑھیں: وزیراعظم عمران خان جسٹس فائز عیسیٰ کیخلاف کیس کا اندراج چاہتے تھے، بشیر میمن

شہباز شریف کا کہنا تھا کہ نیب نیازی گٹھ جوڑ مسلم لیگ ن اور اس کی قیادت کیخلاف جھوٹے مقدمات قائم کرنے اور انہیں جیلوں میں ڈالنے میں مصروف ہے، یہ گٹھ جوڑ اب بے نقاب ہو چکا۔

The startling revelations by former DG FIA have endorsed what I have been saying for a long time: there is an unmistakable NAB-Niazi nexus that has been out to make forged cases against the PMLN & put its leaders behind bars. The farce stands exposed.

— Shehbaz Sharif (@CMShehbaz) April 28, 2021

The post بشیر میمن کے انٹرویو سے نیب نیازی گٹھ جوڑ بے نقاب ہوگیا، شہباز شریف appeared first on ایکسپریس اردو.

from ایکسپریس اردو » پاکستان https://ift.tt/3eIt2ki

عمران خان فائز عیسیٰ کیخلاف کیس کا اندراج چاہتے تھے، بشیر میمن

 اسلام آباد: سابق ڈی جی ایف آئی اے بشیر میمن نے سپریم کورٹ کے سینئر جج جسٹس فائز عیسیٰ کے خلاف مبینہ سازش سے پردہ اٹھاتے ہوئے کہا ہے کہ وزیراعظم عمران خان جسٹس فائز کیخلاف ایف آئی اے میں کیس کا اندراج چاہتے تھے، عمران خان کے شہزاد اکبر، فروغ نسیم، اعظم خان اور ایف بی آر کے اشفاق احمد اس سارے معاملے میں ملوث تھے۔

ایک انٹرویو میں بشیر میمن نے انکشاف کیا کہ وزیراعظم کے اسٹاف کے ایک سینئر رکن نے مجھے فون کرکے کہا کہ وزیراعظم نے آپ کو بلایا ہے، جب ملنے گیا تو ایسٹ ریکوری یونٹ کے سربراہ اور وزیراعظم کے مشیر احتساب شہزاد اکبر پہلے سے موجود تھے، اعظم خان اور شہزاد اکبر مجھے لے کر وزیراعظم آفس میں گئے جہاں عمران خان نے مجھ سے کہا کہ تم پہلے بھی بڑے اچھے کیس بناتے رہے ہو ، اس کیس میں بھی ہمت کرنا اور اچھا کیس بنانا۔

بشیر میمن نے دعویٰ کیا کہ بعدازاں شہزاد اکبر کے دفتر میں جاکر انہیں پتہ چلا کہ وزیراعظم جسٹس فائز کے خلاف کیس بنانے کی بات کررہے تھے۔ اس پر میں نے حیرانی سے شہزاد اکبر اور اعظم خان سے کہا کہ آپ جسٹس فائز اور ان کی اہلیہ کے خلاف ایف آئی اے کی تحقیقات کی بات کررہے ہیں، آپ کی طبیعت تو ٹھیک ہے۔

دوسری جانب شہزاد اکبر نے بشیر میمن کے الزامات کی تردید کرتے ہوئے کہا ہے کہ بشیر میمن کو جسٹس فائز کے معاملے پر وزیراعظم یا مجھ سے ملاقات کے لیے کبھی نہیں بلایا گیا، نہ ہی ان کی وزیر قانون فروغ نسیم سے کوئی ملاقات ہوئی، انہیں کسی شخصیت کے خلاف کوئی کیس شروع کرنے کا کبھی نہیں کہا گیا۔

The post عمران خان فائز عیسیٰ کیخلاف کیس کا اندراج چاہتے تھے، بشیر میمن appeared first on ایکسپریس اردو.

from ایکسپریس اردو » پاکستان https://ift.tt/2Qva8oY

وزیراعظم اور بل گیٹس کے درمیان ٹیلیفونک رابطہ، کوویڈ 19 اور انسداد پولیو مہم پر گفتگو

 اسلام آباد: وزیراعظم عمران خان اور بل گیٹس کے درمیان ٹیلیفونک رابطہ ہوا جس میں کوویڈ 19، پولیو کے خلاف مہم اور ماحولیاتی تبدیلی کے اثرات پر بات چیت کی گئی۔ وزیراعظم نے پولیو سے پاک پاکستان کے عزم کا اعادہ کیا۔

وزیراعظم آفس سے جاری اعلامیہ کے مطابق عمران خان اور بل گیٹس کی ٹیلیفونک گفتگو میں وزیراعظم نے کورونا وائرس، غربت کے خاتمے کے لیے بل گیٹس فاؤنڈیشن کے کام کی تعریف کی اور بل گیٹس کو ماحولیات کے تحفظ کے لیے پاکستان کے اہم منصوبوں کے بارے میں آگاہ کیا ۔

بل گیٹس نے ماحولیاتی تبدیلی سے نمٹنے کے لئے پاکستان کے عزم کی تعریف کرتے ہوئے کہا کہ دنیا کو اس عالمی چیلنج کا مقابلہ کرنے کے لئے اکٹھا ہونا چاہیئے، ماحولیاتی تبدیلی کے باعث دنیا کا خوراک کا نظام خطرے سے دوچار ہے، عالمی رہنماء موافقت کے لیے زرعی تحقیق میں سرمایہ کاری کو ترجیح دیں ۔

وزیراعظم عمران خان اور بل گیٹس نے کورونا وباء، پولیو اور ویکسینیشن کے ذریعے قابو پائی جانے والی بیماریوں کے خاتمے کے لیے مشترکہ جدوجہد کے عزم کا اعادہ کیا ۔

عمران خان نے کہا پاکستان سے پولیو کا خاتمہ ترجیح ہے ، کورونا کی تیسری لہر اور چیلنجز کے باوجود پولیو کے خلاف موثر مہم جاری ہے ، احساس پروگرام میں بل گیٹس فاؤنڈیشن کا تعاون کمزور طبقے کی مدد کرتا ہے ، وزیراعظم اور بل گیٹس نے مشترکہ مقاصد پر تعاون جاری رکھنے پر اتفاق کیا ۔

The post وزیراعظم اور بل گیٹس کے درمیان ٹیلیفونک رابطہ، کوویڈ 19 اور انسداد پولیو مہم پر گفتگو appeared first on ایکسپریس اردو.

from ایکسپریس اردو » پاکستان https://ift.tt/3ezeq6I

وزیراعظم ہاؤس میں ایک دہشت گرد بیٹھا ہے، مریم نواز

 اسلام آباد: مسلم لیگ (ن) کی نائب صدر مریم نواز کا کہنا ہے کہ وزیراعظم ہاؤس میں ایک دہشت گرد بیٹھا ہے، جو اداروں کو ملوث کرکے ڈرا دھمکا کر اپوزیشن کو قید کرنے کا کہتا ہے۔

اسلام آباد ہائی کورٹ کے باہر میڈیا سے بات کرتے ہوئے مسلم لیگ (ن) کی نائب صدر مریم نواز کا کہنا تھا کہ مافیاز کے گینگز نے کبھی ایسی حرکتیں نہیں کیں جو وزیراعظم ہاؤس سے کی جارہی ہیں، تاریخ میں کبھی وزیراعظم آفس کے اندر گھناؤنے جرائم کا ارتکاب نہیں ہوا، اداروں کے سربراہ کو بلا کر کہا جاتا ہے کہ مقدمات بنائیں، سیاسی انجینئرنگ کیلئےادارے استعمال کیے جا رہے ہیں، وزیراعظم ہاؤس میں ایک دہشت گرد بیٹھا ہوا ہے، وزیراعظم اداروں کو ملوث کرکے ڈرا دھمکا کر اپوزیشن رہنماؤں کو قید کرنے کا کہتے ہیں، لوگوں کو سمجھ آگیا ہے کہ مافیاز یا گینگ کیا ہوتے ہیں۔

مریم نواز کا کہنا تھا کہ  بشیر میمن ایک ادارے کے سربراہ تھے، اور ادارے کا سربراہ ذمہ داری سے بات کرتا ہے، ان کرداروں کو ہم کچھ نہیں سمجھتے، اصل بات ہے حکومت کے سربراہ نے کہا کہ فلاں کو جیل میں ڈالو، اس طرح تو ڈان یا گینگ کے سربراہ کہتے ہیں۔ ارشد ملک کی ویڈیو جب میرے پاس آئی تو قوم کے سامنے رکھی، جسٹس شوکت عزیز کی گواہی آن ریکارڈ ہے، اب بشیر میمن کی گواہی آگئی ہے،  بشیر میمن کے انکشافات تو آج سامنےآئے اور بھی بہت سی گواہیاں آئیں گی، جسٹس فائز نے ایک دہشتگرد جو پی ایم ہاؤس میں بیٹھا ہے اسکی سازشوں کا مقابلہ کیا اگر یہ جج دب جاتے اورآواز نہ اٹھاتے تو ان کا بھی آج کہیں ذکر نہ ہوتا، مجھے خوشی ہے قوم کوبشیر میمن کی ایک ایک چیز پتہ چل گئی، اتنی سیاسی انجینئرنگ کے باوجود نتیجہ کیا رہا، حکمرانوں کو پھر بھی ہر محاذ پر نااہلی اور ناکامی کا سامنا کرنا پڑا جس کی مثال نہیں ملتی، دنیا میں آپ منہ دکھانے کے قابل نہیں،  ان کے خلاف بڑی بڑی گواہیاں آرہی ہیں۔

لیگی رہنما نے کہا کہ  عمران خان ووٹ چوری کر کےآئے اور ہم پر مسلط ہوئے، پاکستان میں عوام پر مہنگائی اور لاقانونیت کا عذاب آیا ہوا ہے، دنیا میں آپ کی فلائٹس اور  پاسپورٹ پر پابندی لگ رہی ہے، ملک میں مہنگائی کا طوفان آیا ہوا ہے، پاکستان کے شہر کوڑے کے ڈھیر بن گئے اور گورننس نام کی چیز نہیں، وزیراعظم ہاءوس کو استعمال کرکے سازشیں کی جارہی ہیں، عمران خان ناکام ہو گئے ہیں ار اب سیاسی شہید نہیں بن سکتے، جتنی جلدی سے حکومت سے جان چھٹ جائے اچھا ہے، اگر پیپلزپارٹی استعفوں میں شامل ہوجاتی تو اس وقت حکومت گھر جاچکی ہوتی، (ن) لیگ اور پی پی کے درمیاں کوئی اختلاف نہیں، سیاسی جماعتیں اختلافات کے باوجود بھی ایک دوسرے کےساتھ چلتی ہیں، یہ عوام کے حقوق کی جنگ ہے یہ عوام کو نالائق اور نااہل ،مسلط شدہ حکومت سے چھٹکارا دلانے کی جنگ ہے۔

مریم نواز کا کہنا تھا کہ وزیراعظم ہاوَس میں قاضی فائز عیسیٰ کیخلاف سازش کی گئی،  قاضی فائزعیسی کیسز میں وزیراعظم کےاورلگنےوالےالزامات پرجوڈیشل کمیشن بنایاجائے، جسٹس شوکت عزیز کی بات سنی جائے اور انہیں انصاف دیا جائے، ججزکوبلیک میل کرکےغلط فیصلےکرنےپروزیراعظم پرمقدمہ بنناچاہئے، قاضی فائز عیسیٰ کے خلاف جھوٹے ریفرنس کی سازش پرجوڈیشل کمیشن بنانے کامطالبہ کرتی ہوں، آپ نے سٹنگ جج کا کہا کہ اسے گرفتار کرو یہ بڑا معاملہ ہے، مسلم لیگ ن اس کو نہیں جانے دے گی عدلیہ سے درخواست ہے اس معاملے کو خود دیکھیں۔

 

 

 

The post وزیراعظم ہاؤس میں ایک دہشت گرد بیٹھا ہے، مریم نواز appeared first on ایکسپریس اردو.

from ایکسپریس اردو » پاکستان https://ift.tt/3aIcaZK

نیب کی نواز شریف کے دائمی وارنٹ گرفتاری جاری کرنے کی استدعا

 اسلام آباد: نیب نے ہائی کورٹ سے سابق وزیر اعظم نواز شریف کے دائمی وارنٹ گرفتاری جاری کرنے کی استدعا کردی۔

جسٹس عامر فاروق اور جسٹس محسن اختر کیانی پر مشتمل اسلام آباد ہائی کورٹ کے فاضل بینچ نے نواز شریف،مریم نواز،کیپٹن صفدر کی احتساب عدالت سے سزاؤں کے خلاف اپیلوں پر سماعت کی۔ دوران سماعت نیب کی طرف سے کوئیٍ پیش نہ ہونے پر عدالت عالیہ نے حیرانی کا اظہار کیا۔ جس پر جسٹس عامر فاروق نے ریمارکس دیئے کہ نیب موجود ہی نہیں؟ نیب نے ہی تو درخواست دی تھی، کیا نیب کو کورونا ہو گیا ہے؟

عدالت نے مریم نواز کے وکیل امجد پرویز کی جانب سے اپیلوں کی سماعت ملتوی کرنے کی درخواست منظور کرلی۔ کیس کی سماعت اب مئی کے آخری ہفتے میں ہوگی۔

بعد ازاں نیب حکام اسلام آباد ہائیکورٹ میں پیش ہوئے اور نیب پراسیکیوٹرجہانزیب بھروانہ نے نواز شریف کے دائمی وارنٹ گرفتاری جاری کرنے کی استدعا کردی۔ جس پر جسٹس عامر فاروق نے ریمارکس دیئے کہ نواز شریف العزیزیہ ریفرنس میں اشتہاری ہوچکے عدالتی معاونت کون کرے گا؟ نیب اور نواز شریف کے وکیل دونوں عدالت کی معاونت کریں کہ کیسے نمائندہ مقرر کیا جائے۔

The post نیب کی نواز شریف کے دائمی وارنٹ گرفتاری جاری کرنے کی استدعا appeared first on ایکسپریس اردو.

from ایکسپریس اردو » پاکستان https://ift.tt/3ubZQZ6

کورونا وبا؛ خیبرپختونخوا کے 8 ہائی رسک اضلاع میں مکمل لاک ڈاؤن کا فیصلہ

 پشاور: خیبر پختونخوا میں کورونا کے بڑھتے کیسز کو دیکھتے ہوئے ہائی رسک اضلاع میں مکمل لاک ڈاؤن کے نفاذ کا فیصلہ کیا گیا ہے۔

ایکسپریس نیوز کے مطابق خیبرپختونخوا میں کورونا کے پھیلاؤ کو روکنے کے لیے جن 8 اضلاع میں لاک ڈاؤن لگایا جارہا ہے ان میں پشاور، لوئر دیر، مردان، نوشہرہ، ملاکنڈ، چارسدہ اور صوابی شامل ہیں جبکہ مردان میں پہلے لاک ڈاون لگایا جا چکا ہے۔ ان اضلاع میں کورونا وائرس کے مثبت مریضوں کی تعداد میں اضافہ ہورہا ہے۔

ذرائع کا کہنا ہے کہ این سی او سی نے لاک ڈاؤن کی سفارشات تیار کرلی ہیں، لاک ڈاؤن 2 مئی سے لگنے کا امکان ہے تاہم اس کا حتمی فیصلہ وزیراعظم کی زیر صدارت اجلاس میں ہوگا۔

The post کورونا وبا؛ خیبرپختونخوا کے 8 ہائی رسک اضلاع میں مکمل لاک ڈاؤن کا فیصلہ appeared first on ایکسپریس اردو.

from ایکسپریس اردو » پاکستان https://ift.tt/3dXRApY