لاڑکانہ: قمبر کے علاقہ لالو رانک مین زرعی پانی کی تقسیم کے معاملے پر چانڈیو اور بوہڑ برادریوں کے درمیان جھگڑے میں 4 افراد جاں بحق متعدد زخمی ہوگئے۔
ایکسپریس نیوز کے مطابق لاڑکانہ میں قمبر کے علاقہ لالو رانک میں زرعی پانی کی تقسیم کے معاملے پر چانڈیو اور بوہڑ برادریوں کے درمیان مسلح تصادم ہوگیا، جس کے نتیجے میں 4 افراد جاں بحق اور 8 افراد زخمی ہو گئے۔
پولیس کے مطابق مسلح تصادم میں مرنے والوں کی شناخت فدا بوہڑ، ابراہیم بوہڑ، صمد بوہڑ اور حبدار چانڈیو سے ہوئی ہے، پولیس نے جائے وقوعہ پر پہنچ کر لاشوں کو تحویل میں لے لیا، اور زخمیوں کو طبی امداد کے لیے تعلقہ اسپتال منتقل کردیا گیا۔
پولیس حکام نے بتایا کہ دو روز قبل بھی قمبر کے تھانہ ڈرگھ کی حدود میں مگسی اور مہر قبیلے کے درمیان زرعی پانی پر جھگڑے میں دو افراد قتل اور 9 زخمی ہو چکے ہیں۔
The post لاڑکانہ پانی کی تقسیم پر دو برادریوں میں مسلح تصادم، 4 افراد جاں بحق appeared first on ایکسپریس اردو.
from ایکسپریس اردو » پاکستان https://ift.tt/3zRZQzW
No comments:
Post a Comment
plz do not enter any spam link in the comment box