ہراسانی کے بڑھتے واقعات، پنجاب پولیس کی خواتین کےلیے ایپ لانچ

 اسلام آباد: پنجاب پولیس نے خواتین کو تحفظ فراہم کرنے کے لیے ’وویمن تحفظ ایپ‘ لانچ کردی ہے، خواتین کسی بھی مشکل صورتحال میں  بغیر کال کیے خاموشی سے میسج کے ذریعے پولیس سے رابطہ کرسکیں گی۔

ایکسپریس نیوز کے مطابق پنجاب پولیس کے سینئر افسر کا اس بارے میں کہنا ہے کہ ’وویمن تحفظ ایپ‘ کا مقصد خواتین کی حفاظت کو یقینی بنانا ہے۔ انہوں نے کہا کہ اسمارٹ فون استعمال کرنے والی خواتین اس ایپ کو ڈاؤن لوڈ کریں تاکہ کسی بھی مشکل صورت حال میں ایپ کے ذریعے پولیس سے رابطہ کرسکیں۔

اس ایپلی کیشن کے بارے میں ان کا کہنا تھا کہ مدد کا پیغام موصول ہوتے ہی پولیس بغیر فون کال کیے متاثرہ خاتون سے رابطے میں ہوجائے گا اور شکایت کی صورت میں پولیس اسپیشل اسکواڈ فوری طور پر خاتون کی مدد کو پہنچ جائے گا۔

پولیس کا کہنا تھاکہ ’وویمن تحفظ ایپ‘ کو پنجاب کے تمام اضلاع میں لانچ کردیا گیا ہے اور اس ایپ کے ذریعے پولیس سے رابطہ کرنے والی خواتین پنجاب سیف سٹیزن پورٹل کے تحت مدد حاصل کرسکیں گی۔

The post ہراسانی کے بڑھتے واقعات، پنجاب پولیس کی خواتین کےلیے ایپ لانچ appeared first on ایکسپریس اردو.

from ایکسپریس اردو » پاکستان https://ift.tt/3zlHnMu