آرمی ترمیمی ایکٹ بل قومی اسمبلی میں بدھ تک موخر

اسلام آباد: پارلیمنٹ میں منظوری کیلیے آرمی ترمیمی ایکٹ بل قومی اسمبلی میں بدھ تک موخر ہوگیا ہے، مسلم لیگ ن کے ارکان کو پارٹی قیادت کی جانب سے آگاہ کردیا گیا۔

آرمی ترمیمی ایکٹ بل قومی اسمبلی میں بدھ تک موخر ہوگیا ہے ، ارکان کو قیادت کی جانب سے خط میں لکھا گیا ہے کہ بلز پاس ہونے سے قبل دونوں ایوانوں کی قائمہ کمیٹی برائے دفاع میں بھجوایا جائیگا، نواز شریف ، شہباز شریف اور پارلیمانی لیڈر خواجہ آصف نے ارکان پارلیمنٹ کو پیغام بذریعہ ای میل اور واٹس ایپ بھجوا دیئے۔

ذرائع کے مطابق پیغام میں آرمی ایکٹ ترمیمی بلز قومی اسمبلی میں بدھ تک موخر ہونے کی اطلاع دی گئی ہے ، بل ایوان کی منظوری سے پہلے سینیٹ و قومی اسمبلی کی قائمہ کمیٹیوں برائے دفاع سے پاس ہوگا ارکان سے مشاورت کے لئے ن لیگ کی مشترکہ پارلیمانی کمیٹی کا اجلاس منگل کی صبح 10 بجے طلب کرلیا گیا۔

ذرائع کے مطابق ن لیگی قیادت کا پیر سے سیشن کے اختتام تک ایوان میں حاضری یقینی بنانے کی بھی ہدایت کی گئی ہے ، مشترکہ پارلیمانی پارٹی ترمیمی بلز پر مشاورت کرے گی ۔

 

The post آرمی ترمیمی ایکٹ بل قومی اسمبلی میں بدھ تک موخر appeared first on ایکسپریس اردو.

from ایکسپریس اردو » پاکستان https://ift.tt/2MYCH97