اسلام آباد: ایران میں پھنسے زائرین کوواپس لانے اور تفتان بارڈر پر زائرین کو طبی سہولیات کی فراہمی کے لئے ہائی کورٹ میں درخواست دائر کردی گئی ہے۔
مجلس وحدت المسلمین کے وائس چیئرمین سید ناصر عباس شیرازی کی طرف سے اسلام آباد ہائی کورٹ میں دائر درخواست میں وفاقی حکومت، وزارت داخلہ، وزارت خارجہ، وزارت دفاع اور چیئرمین پیمرا کو فریق بنایا گیا ہے۔
درخواست میں موقف اختیار کیا گیا ہے کہ ہزاروں زائرین ایران میں پھنسے ہیں جن کے ویزا کی مدت ختم ہو چکی یا ہو رہی ہے، زائرین کو ایران جانے کے ویزے جاری کیے گئے لیکن اب انہیں واپس پاکستان آنے کی اجازت نہیں دی جا رہی، فریقین کی آئینی ذمہ داری ہے کہ زائرین کی بحفاظت وطن واپسی کے اقدامات کریں۔
درخواست میں استدعا کی گئی ہے کہ حکومت پاکستان زائرین کو واپس لائے اور عدالت عالیہ حکومت کو زائرین کو فوری واپس لانے کے لئے اقدامات کرنے کے احکامات جاری کرے، ایران سے واپس لائے گئے زائرین کے میڈیکل ٹیسٹ کر کے وائرس میں مبتلا مریضوں کے علاج کا حکم دیا جائے، تفتان میں پہلے سے لا کر رکھے گئے زائرین کو تمام سہولیات فراہم کرنے کا حکم دیا جائے۔
The post ایران میں پھنسے زائرین کو واپس لانے کے لئے درخواست دائر appeared first on ایکسپریس اردو.
from ایکسپریس اردو » پاکستان https://ift.tt/2QZqD9F
No comments:
Post a Comment
plz do not enter any spam link in the comment box